Jööp 16:10 - Wëël Jwøk

¹⁰ Jiy aana buuge, ni dhööŋge aani ki thäga, ni rege ege cooŋ deŋŋa ni geno ö maal bääta.

Jööp 16:10 Iomraidhean Croise

1 Nyeye 22:24

Køøre Cëdëkiya o Kinana aput ö baŋ Mikaya ni dhööŋ gø ki thääŋ gø ni kööe, na «?Aŋø, jwïëc Wuuö Jwøk a ee wiiø nidïï ni tïme ni cäänö ka dëërï en?»

2 Luup Nyeye 18:23

Køøre Cëdëkiya o Kinana aput ö baŋ Mikaya ni dhööŋ gø ki thääŋ gø, ni kööe, na «?Aŋø, jwïëc Wuuö Jwøk a ee wiiø nidïï ni tïme ni cäänö ka dëërï en?»

Jööp 16:11

Jwøk aana cïp ceŋ jø raay møn, ni leeŋ aani ceŋ jø wø tïïö ki gïï mo reyø.

Jööp 30:12

Ge wø öö ki bäät cwïïa ni gena lwaak ni tukge aani, ni cekge abïëp nyïma naa makge ki tieta; ni kunyge ki buri mo leny deŋŋa nee këëtge ki aani.

Aydheea 50:6

'Ba aani, dïŋääa acïba jï jøøa pwöt aani, ni cïba thäga jï jøøa cööt jïëc tïïa wøk. Aani, täärnyïma kära kanø ka abuua mana buu aani ki gø, ki laaw moa ŋool bääta.

Wëël Kïmmö 2:16

Nyïïmän mou bëët dhøkge ajapge bäätu, ni buuge ni ge kaaca lakge, ni köge, ni «Wïthge dïïrwa dïïrö ennø. Ka adïëri møn, man beeye cäŋa koorwa kiperge; waana pïï yie ennø, ni jootwa gø.»

Wëël Kïmmö 3:30

Beerra man cïp thääŋŋe jï ŋat wø many man dhööŋ eni, ni bëëde no orøm ka ajøøŋ.

Mikiya 5:1

'Ba ennø, u na jø Dhayan, pääŋŋu rou na dhøgi mo leny. Nyïïmän øøna nø cielge dïër. Nyeya mano ŋøl luup jø Icriel agøøcge ki thøra ki thääŋŋe.

Mathiew 26:67

Kanyøgø gena ŋuut nyeŋŋe ki laaw, ni døøŋge gø, ni ö møøki ni dhööŋge eni,

Jøøn 18:22

'Ba na caan gïnögø dïkuri aciel mo cuŋŋö buute, Jecu adhööŋe, ni kööe, na «?Aŋø, beeye mana diï løø jï Kwääy Lam Mana Dwøŋ enøgø?»

Moa Tïïc Nyïïatwieli 23:2

'Ba Kwääy Lam Mana Dwøŋ ma Ananaya acïpö ki dwøl jï jøøa cuŋŋö buut gø, ni eni dhööŋ ki dhee.

Moa Tïïc Nyïïatwieli 4:27

Kiper ka adïëri møn, yi paani en, Eerat ki Pøntia Paylat, ki juurre ki jø Icriel, gena dwätö ni nywääkge dëër Dhaanhnhï ma Jecu na en kur keere, na näk iï jierø.

2 Körin 11:20

Kiper u wø laara jïëy ni näk da ŋat mo öö ni døøc u laaŋe, wala eni raanynya japu, wala møta uuni, wala cäädhi ka atöör, wala dhööŋŋa thäŋŋu.