Jööp 14:5 - Wëël Jwøk

⁵ Ïïni, kwään cwiic kwøw mo dhaanhø iï nø cïp piny, ni kwään dwäde mo beede oløny ni ŋäyï; ni kanya näk iï cïp piny kipere ba løny ki man kaal gø.

Jööp 14:5 Iomraidhean Croise

Jööp 12:10

Jwïëc gïïa kwøw bëët ena cere, ni bee eni na tïïc jiy bëët nee jwïëcge.

Jööp 14:14

?Aŋø, ni näk mo dhaanhø othøw, eni cäŋa kwøw këët? Aani, a kurö ki yïth nïne bëët mo bëëtö mara man ni leth en, këël kanyo dee wïïtö mo tägö ri bëëtö mara.

Jööp 16:22

Kiper kanyo poot cwiiri moi ni nøk ii ni kär pöödhö, aano ci kanya näk bäŋ duuö yie.»

Jööp 21:21

?Aŋø, eni, kanyo nø thum dwäde mo ruut kwøw moe, da gïn mo caare këët kiper jø paare moa wii køøre?

Jööp 7:1

«?Aŋø, bëëtö mar dhaanhø bäät piny kany patha tïïc mo teek keere cøøn? ?Aŋø, nïr kwøw moe ba thööre ka tïïc mo teek kaamar ŋat mo tïïö ka gwel?

Luup Dïpööy 3:2

Da caa mar nyöödö, ki caa mar thøø. da caa man piith jammi yie, ki caa man puth ge wøk yie.

Luup Dïpööy 8:8

Bäŋ dhaanhø mo jïre da teek bäät jamø ki man jook gø, ni bäŋ dhaanhø mo løny jïre ki man män ree ki thøø dïcäŋ thøø mare. Ni bäŋ ŋat leny mo wec kwääy lenynyi nee aae jaak kany wø näk ri leny, ni gïn mo leth ba kääŋi ki man täge dëët jø wø tïïc gïï mo reyø.

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 4:35

ni jø wø bëëdö wï ŋöömö geno kwaanø kaamar gïï mo bäŋgø. 'Ba eni man wø tïïe yïthakic lwaae mo maal ki yïthakic jø wø bëëdö wï ŋöömö wø tïïe ka køør man wø manynye, ni bäŋ ŋat mo løny jïre ki man gëëŋ cer gø, wala ki man kööe jï gø, na «?Agïnaŋø na tïïyï?»

Daniel 5:26

«Ni man beeye tier gïnögø: «MENE beeye kwäänö, ni tiere beeye ni Jwøk nïr akwöm nyec marï akwaane ni raany gø.

Daniel 5:30

'Ba kanya tïme na dïwäänögø kiree, Belthacör aput 'näk, eni na nyeny jø Babiløn,

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Luk 12:20

'Ba Jwøk aköö jïgø, ‹Ï ni bäŋ wïc en. Wääni en, jwïëyï olwør. ?A kanyøgønø, japa jiiŋŋï yøø otïmge na mo ŋa?›

Moa Tïïc Nyïïatwieli 17:26

Ni eni wïth juurre bëët tïïe ka dëër dhaanhø aciel, nee bëëtge bäät piny bäre, ni cïp nïr bëëtö jïge ki nyeŋ keee mo kwör bëëte moge,

Ibaru 9:27

keda man bëëde no onyoodhø jï jiy, ni dhaanhø thøw yie aciel, ni køøre beeye ŋøl luup.

Mana Nyooth 1:18

Ni beeye aani ni kwøw. Kiper aana thøw møn, 'ba kawaane aana cäŋ kwøwø, këël na bäre bäre. Ni muktääe mo thøø ki kar bëët jwïëc jøøa näk othøw ena cera.

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø:

1 Camiel 26:10

Køøre Deebit acäŋ köö, ni «Ŋëët Wuuö Jwøk na kwøw, ka adïëri møn, Wuuö Jwøk ni wø ŋøl luup, mare oŋøle bäät Cøøl; dïcäŋo thøøe yie opäŋ, ni put thøø, wala eni cøøa baŋ leny ni puti 'näk.