Jööp 14:12 - Wëël Jwøk

¹² dhaanhø thuwø thøw ni koonyi piny ni ba duu wøk; eni ba päy wala ki man duu maal ki yi thøø këël kanyo ö jap maalli noo ränyge noo tïmge ni bäŋgø këët.

Jööp 14:12 Iomraidhean Croise

Mana Nyooth 21:1

Kanyøgø maal mør mo nyään ki piny mo nyään aneena. Kiper maal mana dïkwøŋ ki piny mana dïkwøŋ aay, ni bäŋ näpa døøŋŋø këët.

Jööp 3:13

Kiper doo na aano thøw, dee na aano butö ni aano nikïïl en; ni aano butö ni raa yaa jwömö,

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.

2 Piter 3:7

Ni poot na dwørøgø, ni piny ki maal ni nut ii, ge bëëdö ni ge bëënna maac, ni geno wiiø këël dïcäŋo ŋøl luup yie, cäŋ mano raany jø wø ba wøør Jwøk.

Epeca 5:14

Ni beeye na købi, «Ni päyï nø, ï no obutö, ni ööï maal ki yi thøø. 'Ba Krictø ïïno mooe ki tar.»

Moa Tïïc Nyïïatwieli 3:21

ŋato bëëdö maal gøøc mano ö jammi bëët noo døøyi mo nyään keda mana kwøŋi ya Jwøki køp ki dhøk nyïïkuk moe na en kur keerge.

Mathiew 24:35

Maal ki piny opöödhi, 'ba luupa ba dak.

Aydheea 65:17

«Adïëri møn, aani, a cwääö ki maal mo nyään ki piny mo nyään, 'ba gïïa no opöödhö dïkwøŋ, wïc ba par ki geni këët, ni ge ba duu ya acaara këët.

Aydheea 51:6

Tïŋŋu wïthu ni raŋŋu maal, ni raŋŋu piny thuwø; kiper maal rwäänyö kaamar jïrö ni wø maayi, ni räny pinynyi kaamar man wø räny abïï, ni ö jø wø bëëdö yie ni thøwge kaamar twöŋi. 'Ba køny mara bëëdö na bäre bäre, ni ö bëënynyö mara ni bëëde na bäre ni ba ränynyi.

Aydheea 26:19

Jiy moï moa thøw geno cäŋ kwøwø, ni ö rïŋ dëëtge ni cäŋge ö maal. Wui, u na näk obutö yïth bwör, päyu ni ööu maal ni kwöŋŋu ki met ec. Kiper Wuuö Jwøk jiy moa no othøw wëëge kwøw, kaa man wø ö thööy wø jwøc bäät piny ka amöölla.

Jööp 30:23

Aani ŋääa naa kïthï piny kar thøø, ni beeye kanya no ojiiŋŋø na kar røømmø kiper gïïa kwøw bëët.

Wëëlö Mana Göör Pøølli Baŋ Jø Röm 8:20

Kiper gïïo no ocwääö yøø omänö ki man cööp marge kare. Ni manøgø patha luumge, 'ba beeye luum ŋata bëënge, ni mooya ge ki ŋäädhe,

Daniel 12:2

'Ba jiy mo thööth moa no othøw no okoony piny yi ŋöömö, ge päy, ni møøk cøøa yi kwøw mana näk bëëdö na bäre bäre, ni møøk cøøa kar lään wïc ki kar ataa mo bëëdö na bäre bäre.

Aydheea 66:22

«Kaawat man wø bëët maalli mana nyään na cwääa, ki piny mana nyään na cwääa, ni ge nut cooth nyïma en, nyïïkwaayu thuwø obëëdö ni nut cooth, ni bëët nyeŋŋu ni ŋäc.

Luup Dïpööy 12:5

Maya thuwø, jiy tïmö ni lwäär ki man ethge kwöra en maal, ni ge lwäär ki gïïo reyø noo tägi nyeŋ jïëthe; ni beeye kanyo tïm wïth jenni ni ŋøøk, na aditwie tuta dëëtge ki öölö, ni bäŋ gïr met ec mo many dhaanhe këët. Køøre nø, dhaanhø cøøa kar aŋuun bëëtö mare, ni ö jiyi moo kïmmi ni bëëtge ni ge wïïrö nyeŋ jïëthe jaak.

Jööp 7:21

?Aperŋø ni ba weyï gïïa baaa en, ni wëënnï raay 'moa? Kiper ki kany mo cään a buta piny tiet ŋøøm; 'ba ïïni, aano manynyï, 'ba a tïmö naa tøør këët.»

Jööp 7:9

Kaawat man wø ö pööle wø neebay ni rwäänye, ŋat mo okïth yi bwörö, eni ba cäŋ duu wøk këët.

Luup Dïpööy 11:8

Ni näk mo dhaanhø bëëdö ki cwiiri mo thööth, beerra man ö eni ni mïn yie ki yïth cwiiyøgø bëët. 'Ba beerra man caar wïïe thuwø ki nïr muudhö, kiper nïne mo thööth mo muudhö løny ki man öge. 'Ba jammi bëët moo ööi poot bäŋ tietge.