Jööp 12:4 - Wëël Jwøk

⁴ «Aana tïmö na gïr ŋeethø jï nyïïawääta, ni beeye aani ni wø pëëny Jwøk ni duunne jïra, ŋata bëëtö mare tiir na näk ba bääö atïmö na gïr ŋeethø.

Jööp 12:4 Iomraidhean Croise

Jööp 11:3

?Aŋø, luup moï na näk bäŋ tietge, jiy wëëge lïŋŋö? ?Aŋø, bäŋ dhaanhø mo jooga ïïni kany wø näk miï tïïö ka abuua?

Jööp 12:5

Jiy moa näk ge ena yi bëëtö mo beer ge ŋeethø bäät dhaanhø mo ena yi bëëtö mo leth, mo cäätha bäät pädhö.

Jööp 13:18

Ennø, raa yaa nø jiiŋŋø ki luup 'moa, ni ŋääa naa di ŋunnö ni mara beer.

Jööp 16:10

Jiy aana buuge, ni dhööŋge aani ki thäga, ni rege ege cooŋ deŋŋa ni geno ö maal bääta.

Jööp 16:20

Jøøa päät aani beege nyïïawääta, 'ba a bëëdö ni pï nyeŋŋa øya piny nyïm Jwøk.

Jööp 17:2

Ka adïëri møn, jø abuua a ege cielø, naa raŋŋa apääda marge man ni tïïcge dëëra en.

Jööp 17:6

«Jwøk aana tïïe na gïr aŋaada jï jiy, ni tïma ni aana ŋat ŋuut jiyi bääte ki laaw.

Jööp 21:3

Cegu ïthu jïra ki luup moo caana jïïu ii; køøre kanyo lønya ki cäänö, aano buu.

Jööp 30:1

«'Ba ennø, jiy moa näk therø geni ki aani a wø buuge buuö, ni beege jøøa wëëkge kwiera ki man kønyge guu 'moa, nee pïïth dïëga koorge na aciel.

Jööp 30:9

«'Ba ennø, nyeŋŋa ege kïth yi duut ni ge kwääk ka gø, ni nyeŋŋa ege tïïö ni beeye gïn wacge yïthakicge.

Jööp 34:7

?Wui, aŋa ni caal Jööp en, mo luup abuua care ni jööt jaak kaawat man wø maath pïï?

Jööp 6:29

Ennø, a caana jïïu nee ŋethu wiillu ni bäŋe gïn mo patha kare mo caannu këët. Weyu luupögø nø, kiper bëëtö mara poot bëëdö ni tiir kare.

Jööp 9:21

«Këël na bëëda ni bäŋ gïn mo jøøŋŋi ri bëëtö mara, bäŋ gïn mo caana kiper dëëra, kiper bëëtö mara yaa taaø.

Pwöc Leec Wïc 14:2

Ŋat wø cäädhi ki jöö mo thïïŋ lwäär ki Wuuö Jwøk, 'ba ŋat wø bëën cwøk, Wuuö Jwøk ee taaø.

Jeremaya 20:7

Wui Wuuö Jwøk, aana cøøgï, aana cøøgï møn. Aana magï ki teek, ni böötï aani. 'Ba ennø, aana tïmö ni jøw ŋeethø bääta ki yïth cääŋŋe bëët, ni jiy bëët buua aani.

Jeremaya 33:3

ni ‹Cwøl aani, løøa løø jïrï, ni cara gïï mo døøŋŋø jïrï mo tietge ba løny joot jïrï, mo kuyï.›

Mikiya 7:7

'Ba aani, aano bëëdö naa raŋŋa mar Wuuö Jwøk ni cwïnya da ŋäädhe, naa koora mar Jwøk, eni noo piem aani. Eni na Jwøk mara, dwøra wïnynye wïnynyö.

Mathiew 27:29

ni cwääge ka adun koodhi ni kïthge gø wïïe, ni moocge cer cwïïe ko otöök, ni këëlge cøŋge piny nyïme, ni buuge gø, ni köge, ni «Dëël jööt nø, nyeny jø Juuth!»

Mathiew 9:24

ni kööe, ni «Aayu, kiper nyilaari kär thøw, 'ba mare niine.» Ni ö jøøgø ni ŋeethge bäät gø.

Maak 5:40

Ni ö geni ni ŋeethge bäät gø. 'Ba gena riem wøk bëët, ni lwør wää nyilaalli ki menni ki bääge adäk moøgø, ni dønyge øtø kanya en nyilaalli yie.

Luk 16:14

'Ba jø Paricith na mëër ki jammi, moøgø bëët awïnyge, ni buuge gø.

Moa Tïïc Nyïïatwieli 17:32

'Ba kanyøgø na wïnyge luum duun wøk ki yi thøø, ena buu jø møøki. 'Ba møøk aköö, ni «Luummögø ocäŋwa wïnynyö baŋï.»

Ibaru 11:36

Ni ö jø møøki ni buui ni pööti, ni ö møøki ni tööc geni ko oguudi ni kïth ge øt twöc.