Jööp 11:7 - Wëël Jwøk

⁷ «?Aŋø, jap Jwøk moa näk tietge okanø løny ki man ŋäyï ge? ?Aŋø, eni na Jwøk na en teeki jïre, løny ki man ŋäyï tiet japa tïïe ki leec wïïe këël aŋuunne?

Jööp 11:7 Iomraidhean Croise

Jööp 22:12

«?Aŋø, Jwøk ba bëëdö ni ena maal døc kuya? Neen ceer mø, ge ena maal døc kany mo bäär.

Jööp 26:14

Raŋŋu, moøgø beege japa nøk jaak røk moa tïïe. Øøni, ø wïnynya moa cari kipere ni di mooŋø mëëth jaak. ?Aŋø, dwøre manø ni teek ni caal dwør odäru enø tiere kwanyi ŋa?»

Jööp 27:11

«Aani, u pwönynya pwönynyö ki jöör teek mar Jwøk; uutjïëthe mo Jwøa en teeki jïre ba kana ki uuni.

Jööp 33:12

«'Ba ennø, ï na Jööp, a cäänna ïïni, marï patha kare, kiper Jwøk dwøŋ døc ni kaala dhaanhø.

Jööp 33:13

?Aperŋø ni pïëmï ki Jwøk en, ni kööï ni luup moï ba duue?

Jööp 35:5

Lwïthï maal mø ni raŋï gø; raŋ pøøl moø ni en maal kuya yøøke ki ïïni.

Jööp 36:26

Ka adïëri møn, Jwøk dwøŋ ni ba løny ki man ŋääø bëëtö mare bäre; ni ba løny jïïø ki man ŋääø cwiic kwøw moe.

Jööp 37:23

Jwøa en teeki jïre kaala wïthø, ni teek mare opöödhö; 'ba ki køør ŋøl luup mana näk adïëri, ki bëët bëënynyö mare, bäŋ ŋat manynye nee thiel piny.

Jööp 37:5

Dwør Jwøk wø märö, ni tïïe ki gïï mo døøŋŋø mo ec thäŋŋö ki ge; eni gïï mo døøŋŋø wø di tïïö ni bäŋ ŋat mo kwany tietge.

Jööp 42:3

Ïïni, ïïna pëëö, na ‹?Aŋa ni rïëp pwöc 'moa ki muudhö en ki luup mo bäŋ kwänynyö rege?› Ka adïëri møn, aana cäänö ki luup mo tietge kära kwanyø na karge, ni beege luup mo rëëma ec mo kaala acaara mara.

Jööp 5:9

ŋat wø tïïc gïï mo ec thäŋŋö ki ge mo tietge ba løny ki kwany, ni beege gïï mo rëëma ec mo ba thum ki kwaan.

Pwöc Leec Wïc 30:4

?Ŋata aa maal ni duu piny aŋa? ?Ŋata mak jamø ki cere aŋa? ?Ŋata bäc pï naama dwøŋ ka aleeŋŋa mare aŋa? ?Ŋata tïïc piny ni teek këël teegi moe aŋa? ?Nyeŋŋe aŋa? ?A nyeŋ wääde aŋa? Ni näk mo ŋäyï, caanï jïra.

Luup Dïpööy 3:11

Jwøk jammi bëët ee tïïö ni beyø ki yïth caae moge. Ni eni thuwø dhaanhø ee mooø ka acaara man ŋäc bëëtö mo bäŋ cuŋŋe, 'ba poot bäŋ gïn mo kwany dhaanhe kiper tïïe mo Jwøk moa tïïe ki mana täge wïlöölö këël mano këët ya aŋuudi.

Luup Dïpööy 7:24

Leec wïc mana nut bëëdö ni kare bäär, ni tiere okan piny døc. ?Aŋø, da ŋat mo joota tier gø?

Aydheea 40:28

?Aŋø, gïn kuyu? ?Käru wïnynyö? Wuuö Jwøk beeye Jwøk man wø bëëdö na bäre bäre, ni bee eni na cwääc piny bäre; eni dëëre ba øc piny ni eni ba ööl. Ena Jwøk mo tier leec wïc mare ba løny ki kwany.

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Wëëlö Mana Göör Pøølli Baŋ Jø Röm 11:33

Wui, a teeŋ kwäya ŋø ni en jï Jwøk en, ki leec wïc ki ŋäc jammi bëët! A teeŋ ŋøla ŋø ni tiere ba maar kwany na en jïre, ki uutjïëthe mo tietge ba maar joot!

1 Körin 2:10

'Ba gïïögø anyooth Jwøki jïïø ki køør Jwïëye. Kiper beeye Jwïëye ni wø many tiet jammi bëët, këël moa näk mo Jwøk na kwörge ba dïët.

1 Körin 2:16

?Kiper «Aŋa ni wø ŋäc moa en cwïny Wuuö Jwøk nee eni nyuunhnhe?» 'Ba beeye øøni na wëëk moa en cwïny Krictø.

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,