Jööp 1:8 - Wëël Jwøk

⁸ Køøre Wuuö Jwøk aköö jï Ceethan, ni «?Dhaanhnha ma Jööp ajootï? Eni, ena dhaanhø mo bäŋ ŋat mo caala gø bäät piny; ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.»

Jööp 1:8 Iomraidhean Croise

2 Nyeye 23:25

'Ba bäŋ nyeya mo caala Jöcaya dïkwøŋ, wala mo ö køøre, mo ree ee løø baŋ Wuuö Jwøk ki cwïnye bäre ki jwïëye bäre ki teek mare bäre, ki køør ciik Modhe.

Neemiya 5:15

'Ba kwääri moa kwøŋ bwödhö nyïma dïkwøŋ, ajwäk mo teek akïthge bäät jiy, ni jwäkge caammi mo jiy ki kwøk nyïïomøki moge, ni ge meeda ge bäät gwet-bïrö ma pïëraŋween. Këël jicge, bëët jiy atïïcge ni teek. 'Ba aani teeŋ gïnögø kära tïïö, kiper aani, a lwäär ki Jwøk.

Jööp 1:1

'Ba da dhaanhø mo obëëdö yi ŋööm Uc mo nyeŋŋe cwøl ni Jööp. 'Ba dhaanhø manøgø, ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.

Jööp 12:4

«Aana tïmö na gïr ŋeethø jï nyïïawääta, ni beeye aani ni wø pëëny Jwøk ni duunne jïra, ŋata bëëtö mare tiir na näk ba bääö atïmö na gïr ŋeethø.

Jööp 2:1

'Ba da dïcäŋ mør thuwø mo nyïïatwiet maal geno ö kuna cuŋge nyïm Wuuö Jwøk, ni ö Ceethan thuwø ni ööe ki geni na aciel nee cuŋŋe nyïme.

Jööp 2:3

Køøre Wuuö Jwøk aköö jï Ceethan, ni «?Dhaanhnha ma Jööp ajootï? Eni, ena dhaanhø mo bäŋ ŋat mo caala gø bäät piny; ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø. 'Ba këël na bëëdï niï tuuŋŋa aani bääte kiper nee eni raanynya ki gïn mo bäŋ tiere, eni poot bëëdö ra adïëri mare.»

Jööp 34:14

Doo na Jwøk cädö kaper dëëre keere, ni war jwïëy moe ki jam jwïëy mare,

Jööp 8:20

«Ka adïëri møn, dhaanhø mo bëëdö ni bäŋ gïn jøøŋŋi ri bëëtö mare ba kwier Jwøki; ni Jwøk thuwø jiy mo wø tïïc gïïa reyø ba cwaae.

Dut Pwøc 36:1

Pwöc Leec Wïc 8:13

Ki man lwäär Wuuö Jwøk beeye ki man mänö ki raay. Aani na leec wïc, a män ki koorø ka atöör, ki bëët jöör raay ki wel luup.

Aydheea 1:16

«Lwøgu dëëtu, ni tïïyu dëëtu ni waany, ni ö tïïe mou moa reyø ni daagu ge nyïma. Weyu tïï jammi moa reyø,

Aydheea 42:1

Wuuö Jwøk aköö, ni «Ka adïëri møn, man beeye dhaanhnha, na näk yaa jølø, ni beeye na jiera na met yia ki gø; jwïëy 'moa okïtha bääte, ni ö eni ni tïïc ŋøl luup mana näk kare bäät wïth juurre.

Edhikiel 40:4

Køøre ena köö jïra, ni «Wär dhaanhø, nëënï ki nyeŋŋï, ni wïnyï ki ïdhi moï, ni këëllï wïïï ri jammi bëët moo nyoodha jïrï; kiper beeye tier gïna käl ïïni kany kipere. Jammi bëët moo jootï kany wär caanï jï jø dhi øt Icriel.»

Kwään Jiy 12:3

'Ba Modhe beeye dhaanhø mo mwöl døc, ni mööl mare kaala mar jiy bëët moa en bäät piny.

Jøøn 1:47

'Ba na ö Jecu na joot Nathaniel ni ööa baŋe, ena köö jïgø, «Neennu, man beeye nyï Icriel møn, mana näk bäŋ cwøk cwïnye.»

Jøcua 1:2

ni «Dhaanhnha ma Modhe anø thøw; ennø, ö maal, ni ŋutï løø Naam Jördan løøga, ni beeye ïïni ki jøøi bëët ii; ni cou yi ŋöömmo wëëga geni, ge na jø Icriel.

Jøcua 1:7

'Ba mana pere letha eni keere, mak riï ni bëëdï niï teek; gwøk ciik bëët na karge moa ö dhaanhnha ma Modhe na kööm ïïni ki ge; kär niï gaa wøk ki røk ciik moøgø ni ba gaaï bäät cwïï wala bäät caamï, nee gïï wø tïïyï bëët thurge karge.