Jööp 1:5 - Wëël Jwøk

⁵ 'Ba kanyo pööth nïr ajwöma, Jööp wø jääga baŋge nee dëëtge døøcge mo waany, ni ö Jööpi ni päny maal ka amöölla ni cïpe ko olämme mo wø waaŋ bäre ki nyeŋ nyïïe bëët, kiper ena cädö ni kööe, «Kanymør obwöre 'moa geno tïïö ki raay ni janyge Jwøk ki yïth cwïnyge.» 'Ba manøgø beeye bëëtö mar Jööp cooth.

Jööp 1:5 Iomraidhean Croise

Wïlöölö 22:3

'Ba na tïme na amöölla cøøn, Eeberam aö maal ni jiiŋ jammi bäät arëën mare, ni lwöte ki jiy ariiø røk jø tïïc moe, ni lwør wääde ma Aydhak; ni kääe ki jenni mo waaŋ olämi ki gø, ni ö maal ni ci kanya caan Jwøki jïre.

Wïlöölö 6:5

Ni ö Wuuö Jwøki ni joot rääö mar dhaanhø no opällö bäät piny, ni gïï wø caar dhaanhe bëët ki cwïnye beege gïï mo reyø keerge.

Wïlöölö 8:20

Køøre Nöa atïïö ki gïn wø cïp olämme bääte jï Wuuö Jwøk, ni lwöte røk lääya beyø bëët ki røk weny moa beyø bëët, ni waaŋ geni no olämme bäät gïn wø cïp olämme bääte.

1 Nyeye 18:31

'Ba Ilaaja alwötö ki kïte apaar kurriiø ki køør kwään wïth tuŋi mo wäät Jeekap, ŋata ö dwør Wuuö Jwøki bääte na kö Wuuö Jwøki, ni «Nyeŋŋï ocwøl ni Icriel.»

1 Nyeye 21:10

ni kännu ki jiy ariiø mo wïthge reyø, ni cïbu ge nyïme, nee ge cäänge ki luup dëëre, ni ge köö, ni ‹Ïïni Jwøk ki nyeya ajanynyï.› Køøre wär kïthu wøk ni këëru eni ki kïte nee thøøe.»

1 Nyeye 21:13

Køøre jiy ariiø mo wïthge reyø gena öö ni pïge piny nyïme. Ni ö jøøgø ni wïthge reyø yøø ni cäänge ki luup dëër Naböth nyïm jiy ni köge, ni «Naböth Jwøk ki nyeya ajanynye.» Køøre ena put jiyi kïth wøk ŋää pääny, ni këërge gø ki kïte, ni put thøø.

Neemiya 12:30

'Ba kanya ö dïlämme ki jø tuuŋ Libay na nø cïpge dëëtge kur keerge ni ge waany, geni, jiy ki dhøgi mo kiir ki kiir acïpge kur keerge ni ge tïïya geni ni waany.

Jööp 1:11

'Ba ennø, tïŋ cerï maal bäät jape mø, ni raanynyï ge bëët, niï ba put janynyø täärnyïmï kiree.»

Jööp 1:4

'Ba wäät Jööp moa näk cwøw, ge wø tïïö ka ajwöm, ni tïïcge ni leeŋge leeŋŋø yïth mïëri moge, ni nyïïmiige moa näk nyïïakuue wø cwølge cwølø kar ajwöma nee cämge nee mäthge ki geni ciel.

Jööp 2:9

'Ba cïïe aköö jïre, na «?Aŋø ni poot bëëdï ra adïëri marï en? Jaany Jwøk nø; ni thøwï!»

Jööp 27:10

?A eni, yie wø mïnnö ki Jwøa en teeki jïre, wala løny ki man ö eni ni cøør Jwøk ki yïth nïne bëët?

Jööp 41:25

Kanyo näk mo eno ö maal, jøøa teek ge puta lwäyö, ni putge bwøk ni døøge ŋäthge kany wø tuuŋ ree.

Jööp 42:8

Kiper manøgønø, lwötu ki rwädhe abïriiø ki nyöök rööm abïriiø, ni cou baŋ dhaanhnha ma Jööp ni cïpu ge no olämme mo wø waaŋ bäre kiper dëëtu. 'Ba dhaanhnha ma Jööp olämö kiperu, ni ööa ni jïëa lam mare, ni bäŋe gïn mo tïïa dëëtu këët ki køør bøøl maru. Uuni, bäŋ luup mo karge mo you caanø kipera kaawat mana tïïc dhaanhnha ma Jööp.»

Jööp 6:14

«Ŋat mo kweer ki man nyooth mëër mare jï nyawati mo ena yi gïn mo leth, lwär man lwäärö ki Jwøa en teeki jïre ee wiiø.

Jööp 8:4

Ni näk mo obwöre moï obääyö dëëre, eni bääyö marge ee nø dwøk wïthge.

Bwøth Wøk 18:12

Kanyøgø Jëthrö wää cï Modhe akännö ko olämi man wø waaŋ ko olämme møøk ni cïp ge jï Jwøk, ni ö Aranni ki jø døøŋŋø bëët mo jø Icriel ni öge kiper nee ge cämge na aciel ki Jëthrö wää cï Modhe nyïm Jwøk.

Bwøth Wøk 19:10

Ni cäŋ Wuuö Jwøki köö jï Modhe, ni «Ci baŋ jø Icriel ni døøyï ge mo waany dïcäŋ man ki dïcäŋ mar diøø, ni penyge abïïe moge;

Bwøth Wøk 24:5

Ni ö eni ni jääge ki jiy mo dëëtge poot teek røk jø Icriel, ni cige ni cïpge ko olämme mo wø waaŋ, ni ŋarge rwädhe no olämme mo wø duunni ki mëër jï Wuuö Jwøk.

Luup Dïpööy 9:10

Gïn wäro magï ki cerï ki man tïïyï gø put tïïc ki cwïnyï bäre; kiper bäŋ acaare, wala kwänynyö wala leec wïc ki tïïc mo di tïïö këët kar bëët jwïëc jøøa no othøw noo ciï yie.

Jeremaya 4:14

Wui, u jø Jerucalem, pïnyu raay wøk cwïnynyu, kiper nou piem. ?A këël kany mo nyïëdi nø noo bëët acaare mou na reyø cwïnynyu?

Edhikiel 14:14

këël jøøi na adäk ii doo nut rege, ni beege Nöa, ki Daniel, ki Jööp, bee jøøgø keerge noo piem ki køør bëëtö marge na beer.» Manøgø beeye dwøl mana caan Kwäärö Wuuö Jwøki.

Luk 1:75

nøø bëëdö ni ø ena kur keerø, ni marø beer nyïme ki yïth nïne 'moø bëët.

Luk 18:7

?A Jwøk nø, jiye na jiere ba ŋunne, jø wø jwöŋi ïthe ki wärre ki cääŋŋe? ?Dëëre gaale gaalø ki gïrge?

Jøøn 11:55

'Ba kanyøgøøni ajwöm-cam Cäŋa Pööth Thøøe Yie mar jø Juuth kare ocäännö. Ni ö jiyi mo thööth ki dï paac ni cige yi Jerucalem, kanya poot cäŋ Cäŋa Pööth Thøøe Yie ni poodi, kuna jiiŋge dëëtge.

Moa Tïïc Nyïïatwieli 21:26

'Ba na tïme na aruunnø man, Pøøl jøøgø na aŋween yøø akäle, ni døøc dëëre mo waany ki geni na aciel, ni ci Øt Jwøk Mana Dwøŋ kuna caan cäŋ mano thum nïr døøc dëël mo waany marge yie, ki kanyo cïp olämme kiperge bëët.

Moa Tïïc Nyïïatwieli 8:22

Kiper manøgønø, løk cwïnyï ki gïnö ni raac ni en cwïnyï enø, ni kwayï Wuuö nee løny ki man wec gïnö ni raac na caarï ki cwïnyï.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Körin 11:2

Kiper gïru yaa keeø ki keec man wø näk mar Jwøk. Kiper u yaa miiø jï Krictø, nou cïba jïre keda dhaagø thiinh mo dëëre joota cwøre keere.

Epeca 6:18

Lämu cooth ki ri Jwïëc Jwøk, ki teeŋ laam bëët ki kwac. Kiper manøgønø, bëëdu ni nyeŋŋu you jabø ni dëëtu you gwøø, nou kwaaya Jwøk kiper jø Jwøk bëët,

1 Camiel 16:5

'Ba ena köö, «Yaa, mara öö jaak; aani, a ööi kaper naa cïpa ko olämi jï Wuuö Jwøk. Ennø, cïbu dëëtu kur keeru ni waany, ni ööu ni bëëdu nou nut buuta kanyo cïba olämi.» Kanyøgønø Camiel, Jeci ki wääte acïp kur keerge ni waany, ni cwøl ge nee nutge kanyo cïp olämi.