Jööp 1:3 - Wëël Jwøk

³ ni jïre da dïëk ma rööm ma kume abïriiø, ka athïrööle ma kume adäk, ki dhää puur ma kuma aciel, ka arëëni ma dïpe abïïc, ki jø tïïc mo thööth døc. 'Ba ena dhaanhø mo kare dwøŋ døc yïthakic jiy bëët moa en jï løø kur tuul-cäŋ.

Jööp 1:3 Iomraidhean Croise

Wïlöölö 12:16

Ni ö Peerø ni tïïe ki gïn mo beer jï Abram kiper nyijøøgø; ni ö Abrammi ni jïte ki dïëk ki dhäk ka arëëni, ki jø tïïc ma mään ki cwøw, ka arëëni ma mädhi ka athïrööle.

Wïlöölö 12:5

Ni ö Abrammi ni lwør cïïe ma Caray, ki ö coki ma Løøt, ki jammi moge bëët moa jootge, ki jiy bëët moa jootge Aaren; ni aacge ni ge cøøa ŋööm Keenan. Køøre gena pïï yi ŋööm Keenan.

Wïlöölö 13:6

'Ba kaace yi ŋöömma pïge piny yie kär rømø kiperge ki lääy moge bëët; kiper gïïa käärge thööth, ni tïme ni ba løny jïge ki man bëëtge na aciel.

Wïlöölö 24:35

Wuuö Jwøk, kwääya ma Eeberam ee gwïëdhö døc, ni tïme na dhaanhø mo kare dwøŋ, ni mooc gø ki dïëk ki dhäk ki warkey ki jø tïïc ma cwøw ki mään ka athïrööle ka arëëni.

Wïlöölö 25:6

'ba wääte moa nywøle kööth määre moa na akwaanya amooe ki muuce, ni wëëk geni wääth; ni cige yïth ŋøøm moa en jï løø kur tuul-cäŋ, ni bëëtge ni karge bäyö ki wääde ma Aydhak. Gïïögø bëët tïïe kanya poode ni eni poot kwøw.

Wïlöölö 29:1

Køøre Jeekap atïŋŋö ni put wääth ni pïïe yïth ŋøøp jø wø bëëdö jï løø kur tuul-cäŋ.

Wïlöölö 32:14

Ni gïïa lwøre beege atëëe ma dïpe ariiø ma mädhi ki nyöök atëëe ma pïërariiø, ki rööm ma dïpe ariiø ma mädhi ki nyöök rööm ma pïërariiø,

Wïlöölö 34:23

?Aŋø, dhäk moge ki dïëk moge ki gïïa en jïge bëët këël lääc paac moge ba doo tïmö na moø? Beerra man jïëø marge keere, køøre ge bëëdö ki øøni.»

2 Camiel 12:2

'Ba ŋata no okwär jïre da pïïth dïëk ki dhäk mo thööth.

1 Nyeye 4:30

'Ba leec wïc mar Cølöman aput tïmö ni kaala leec wïc mar jiy bëët mo wø bëëdö jï løø kur tuul-cäŋ, ki leec wïc mar jø Ijep bëët.

2 Nyeye 15:20

'Ba Menaëm gwel moøgø jwääe baŋ jø Icriel bëët moa no okwär, ni ŋati man nø jwääe ka gwet-bïrö ma pïërabïïc pïërabïïc, kiper nee cïbe jï nyeny Aciria. Køøre nyeny Aciria kär ruu këët yïth ŋøøpøgø; ena put døø.

2 Nyeye 3:4

'Ba Mëca nyeny Möap beeye ŋat ma dïpïïth dïëk, ni eni wø cïpö jï nyeny Icriel ki nyïï rööm ma kume ma dïpa, ki jïëc nyöök rööm ma kume ma dïpa.

1 Luup Nyeye 27:30

'Ba Öbil nyï Icmiel, athïrööle acïp cere. 'Ba Jekdiya nyï Mërönöt, arëëni acïp cere.

2 Luup Nyeye 26:10

'Ba ena gëëdö thuwø dï paap ki uut koor moa no ogeerø ni ena maal, ni kunye ka aguule mo thööth mo cuŋ pïïyi yïthge, kiper jïre da lääc paac mo thööth yi ŋöömma näk ree ee päärö. Eni thuwø jïre da jø wø puur pwöth ki jø wø piith omøki yïth mïëya en bäät thuuri ki yïth ŋøøpa beyø ni wø ciek caammi yïthge, kiper eni yie met ki puur.

2 Luup Nyeye 32:29

Ni gëëde ki päänye jïre, ni jïte ki pïïth dïëk ki wïth lääc paac ma teeŋi mo thööth, kiper Jwøk ocïpö jïre ki jammi mo thööth døc.

Jööp 1:10

?Aŋø, paa kiper na bëëde ni eni, ki jø paare, ki jap paare bëët iï koorø jïre? Japa tïïe ki cere bëët iï gwïëdhö jïre, ni put pïïth lääc paaci moe nyaay yi ŋööm paac bäre.

Jööp 1:4

'Ba wäät Jööp moa näk cwøw, ge wø tïïö ka ajwöm, ni tïïcge ni leeŋge leeŋŋø yïth mïëri moge, ni nyïïmiige moa näk nyïïakuue wø cwølge cwølø kar ajwöma nee cämge nee mäthge ki geni ciel.

Jööp 21:28

Kiper uuna köö, ni ‹?Po nyena kare dwøŋ en kaa, kanya wara bëët jø raayi yie?›

Jööp 29:25

Aana bëëdö ni aana bwödhi marge, ni jëënna geni ki jöör bëëtö man bëëtge ki gø. Aana bëëdö kaamar nyeya yïthakic jø leny moe, naa bëëdö naa caala ŋat wø cïpi ki cøm cwïny jï jø wø näk cwïnyge opädhö.»

Jööp 31:25

ni yia omïnnö ki jap kwärö 'moa na thööth, ni beege japa tïïa ki ceŋŋa;

Jööp 31:37

Aani kwör cääthe mo tieta daa caanø jïre, ni daa cäänö nyïme kaawat man wø cään kwäärö.

Jööp 42:10

'Ba køør kanya läm Jööpi kiper nyïïawääte, bëëtö mare adwøk Wuuö Jwøki kare, ni mooc gø ki jammi mo opöödhö ni kaala moa nut jïre dïkwøŋ.

Jööp 42:12

'Ba Wuuö Jwøk Jööp agwïëdhe yïth nïr gø moa en cään ni kaala mana dïkwøŋ. Ena jïtö ki rööm ma kume apaar kurŋween, ka athïrööle ma kume abïciel, ki dhää puur ma kume ariiø, ka arëëni ma mädhi ma kuma.

Pwöc Leec Wïc 10:22

Gwïëth mar Wuuö Jwøk beeye wø duunni ki kwärö, ni kïmmö bäŋ wø meet bääte.

Jeremaya 49:28

'Ba man beeye luumma caan Wuuö Jwøki kiper Këdar ki mïëri moa en ya Adhör moa dïïm Nabukedenecörri nyeny Babiløn, ena köö, ni «U ööa maal, ni cou kuna tugu Këdar, nou raanynya jø wø bëëdö jï løø kur tuul-cäŋ.

Kwään Jiy 23:7

Ni ö Beelammi ni täge ki man køp dwør Jwøk, ni kööe, ni «Balak aana käle ki ŋööm Aram; eni na nyeny Möap aana käle ki bäät kïte moa en jï løø kur tuul-cäŋ; ni kööe, ‹Ööï, ni cienï nyïïkwaac Jeekap jïra, ni kïthï bäät jø Icriel ka ajäla kipera.›

Pïëmme 6:3

Kiper kany wø tïme ni jø Icriel pïïdhö ki caammi, jø Midien wø puta öö ki jø Amalëk ki jø wø bëëdö jï løø kur tuul-cäŋ, ni ge ööa baŋ jø Icriel.

Pïëmme 6:5

Kiper kany wø öge, ge ööi ka lääc paac moge bëët ko oduŋkaare moge, ni ge thööth døc ni caala bäänyö; ni geni ka athïrööle moge bëët, ge ba løny ki kwaan. 'Ba ge wø ööi ni ge raanynya ŋöömö manøgø møn.

Pïëmme 7:12

'Ba jø Midien ki jø Amalëk ki jø wø bëëdö jï løø kur tuul-cäŋ, dï gool manøgø bäre ege gääbö, ni kwäänge thööth døc kaamar lwaa bäänyö; këël athïrööle moge ba løny ki kwaan, kiper ge thööth døc ni kwäänge caala nyeŋ akwöny deŋ naama dwøŋ.

Pïëmme 8:10

'Ba kar kaagø, Jeeba ki Jalmuuna ki jø leny moge ma kume apaar kurbïïc moa bëëdö ki geni, ge ena kanya cwøl ni Karkar, ni beege jiy bëët moa dööŋ røk jø leny moa öö ki mïëya en jï løø kur tuul-cäŋ. 'Ba jø leny moa thøw beege jiy ma kume ma dïpa ki pïërariiø.

1 Camiel 25:2

'Ba da nyen mør mo bëëdö Maøn mo tïïc mare ena Karmël. 'Ba nyenøgø beeye dhaanhø mo okwär døc, ni jïre da rööm ma kume adäk ka atëëe ma kuma. Ni kar kaagø, eni nyädö ki jïëc rööm moe Karmël kaace.

1 Camiel 27:9

'Ba Deebit jøøa bëëdö yi ŋöömmögø wø tuue tuuö, ni 'näk jøøgø bëët ni bäŋ dhaagø wala dïcwøø mo wiie ni kwøw; ni lwør dïëk, ki dhäk, ka arëëni, ka athïrööle, ka abïïe. Køøre eni wø duuö ni ö baŋ Akïc.