Jööp 1:12 - Wëël Jwøk

¹² Køøre Wuuö Jwøk aköö jï Ceethan, «Wøp nø, jammi moe bëët ena cerï, 'ba kär dee gïn gutï ri dëëre.» Ni ö Ceethan ni aae nyïm Wuuö Jwøk.

Jööp 1:12 Iomraidhean Croise

Wïlöölö 16:6

'Ba Abram aköö jï Caray, ni «Kare møn, laŋŋø manøgø ena cerï; gïna caarï ni beerra eni jaak ki jïrï wär tïïyï dëëre.» Køøre Caray laŋŋøgø aput caannø ki caannø mo leth, ni ö nyaanøgø ni put päär wøk buute.

1 Nyeye 22:22

'Ba Wuuö Jwøk aköö jïre, ni ‹?Wïïe omaaŋŋï gø nidïï?› Ni kööe, ni ‹Aani a cøø ni tïma ni aana dïcuuy ki dhøk nyïïkuk Jwøk moe bëët.› Køøre Wuuö Jwøk aköö, ni ‹Ba dhäthi jïrï ki man maaŋŋï wïïe. Ciï ni tïïyï gø.›

1 Nyeye 22:23

'Ba ennø, ï na Akap, ka adïëri møn, Wuuö Jwøk jwïëy anø cïp dhøk nyïïkuk Jwøk moi bëët na moï ii, niï cøøkge; ni ö Wuuö Jwøki ni caan gø ni gïn mo leth pïï bäätï.»

2 Luup Nyeye 18:21

Ni kööe, ni ‹Aani, a cøø ni tïma ni aana dïcuuy ki dhøk nyïïkuk Jwøk moe bëët.› Køøre Wuuö Jwøk aköö, ni ‹Ba dhäthi jïrï ki man maaŋŋï wïïe. Ciï ni tïïyï gø.›

Jööp 1:11

'Ba ennø, tïŋ cerï maal bäät jape mø, ni raanynyï ge bëët, niï ba put janynyø täärnyïmï kiree.»

Jööp 1:13

'Ba dïcäŋ aciel, ni wäät Jööp ki nyïïe moa näk nyïïakuue ge ena bäät cam ni ge mädhö ki køøŋ nyïïomøki po cöökge mana dwøŋ,

Aydheea 27:8

'Ba ajäla mana tïïc Wuuö Jwøki, atïïe ni ee rømø kiper jø Icriel, ni cöör ge wøk kaawat man wø tïïc apwøyaweerø man wø kwönni ki jï løø kur tuul-cäŋ.

Jeremaya 38:5

Køøre nyeya ma Cëdëkiya aköö, ni «Neennu, eni ena ceŋŋu, kiper nyeya bäŋ gïn mo løny ki tïïc jïre ni näk patha mana manynyu.»

Luk 12:23

Letha per jwïëy ki cam, ni letha per dëëlli ka abïïe.

Jøøn 19:11

Ni løgi ya Jecu jïre, ni «Jïrï doo bäŋ teek bääta, onää kär wëëk ïïni ki maal. Kiper manøgønø, ŋata cïp aani jïrï, dwøŋŋa ajälle ki marï.»

1 Körin 10:13

'Ba bäŋ päänynyö mo tägi dëëtu mo patha man wø tägi dëër dhaanhø. 'Ba Jwøk dwøre ba dak, nou ba wëëk päänynyö ki päänynyö mo kaala teek maru. 'Ba kanyo pääny uuni, uuno mooe ki jöö man bøthu ki gø thuwø, kiper nee maar lønyø jïïu ki man jïënynyu gø.

2 Körin 12:7

'Ba kiper naa ba kanynya døc ni kaala kanynyø mana daa kanynyø ki gø kiper gïïa thööth na nyooth jïra, koodhø akïth dëëra na näk nyïïatwiel Ceethan kiper naa ööle, naa ba kanynya døc ni kaala kanynyø mana daa kanynyø ki gø.