Jööp 1:1 - Wëël Jwøk

¹ 'Ba da dhaanhø mo obëëdö yi ŋööm Uc mo nyeŋŋe cwøl ni Jööp. 'Ba dhaanhø manøgø, ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.

Jööp 1:1 Iomraidhean Croise

Wïlöölö 10:23

Ni ö wäät Arammi ni näkge Uc ki Uul ki Gëthër ki Möcak.

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Wïlöölö 22:12

Ni kö nyïïatwielli, ni «Kär cerï ŋaapï bäät nyilaal; kär dee gïn mo tïïyï ki gø, kiper kawaane ennø møn, aŋääa niï lwäär ki Jwøk, kiper wäädï ma aciel keere kärï mänö ki aani.»

Wïlöölö 36:28

Ni wäät Dican beege Uc ka Aran.

Wïlöölö 42:18

'Ba na tïme na dää nïne Jocep aköö jïge, «Kiper nou kwøw, tïïyu gïn noo caana jïïu en, kiper aani a lwäär ki Jwøk.

Wïlöölö 6:9

Man beeye luum nyïïkwaac Nöa. Nöa beeye dhaanhø mo mare beer ri jøøa bëëdö kar kaaca, ni bäŋ gïn mo jøøŋŋi ri bëëtö mare. Ena bëëdö ni caatha køør Jwøk.

2 Nyeye 20:3

ni «Wui, Wuuö Jwøk, a kwaya ïïni, par wïïï ki mana bëëda naa caatha køørï na adïëri ki cwïnya bäre, ni tïïa ki gïï mo nëëni ni beyø ki jïrï.» Ni ö Edhekaya ni put jwöŋö døc ni yie ee keeyø.

1 Luup Nyeye 1:17

'Ba wäät Cëm beege Ilam, ki Acör, ki Arpakat, ki Lut, ka Aram, ki Uc, ki Uul, ki Gëthër, ki Möcak.

1 Luup Nyeye 1:42

'Ba wäät Ëdhör beege Bilaan ki Dhaawan, ka Akan. Ni wäät Dican beege Uc ka Aran.

Jööp 1:8

Køøre Wuuö Jwøk aköö jï Ceethan, ni «?Dhaanhnha ma Jööp ajootï? Eni, ena dhaanhø mo bäŋ ŋat mo caala gø bäät piny; ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.»

Jööp 2:3

Køøre Wuuö Jwøk aköö jï Ceethan, ni «?Dhaanhnha ma Jööp ajootï? Eni, ena dhaanhø mo bäŋ ŋat mo caala gø bäät piny; ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø. 'Ba këël na bëëdï niï tuuŋŋa aani bääte kiper nee eni raanynya ki gïn mo bäŋ tiere, eni poot bëëdö ra adïëri mare.»

Jööp 28:28

Køøre ena köö jï dhaanhø, ni ‹Ka adïëri møn, ki man lwäär Wuuö Jwøk beeye leec wïca eni; ni man kwier gïn mo raac beeye ŋäc tiet jammi eni.› »

Jööp 4:6

?Aŋø, lwär marï ki Jwøk paa beeye cøm cwïny jïrï, ni ö bëëtö marï na tiir ni näk ŋäädhe marï?

Jööp 9:21

«Këël na bëëda ni bäŋ gïn mo jøøŋŋi ri bëëtö mara, bäŋ gïn mo caana kiper dëëra, kiper bëëtö mara yaa taaø.

Bwøth Wøk 18:21

Køøre thuwø ï doo jëëtö røkge bëët ki jiy mo nyeŋge reegø mo lwäär ki Jwøk, na jiy mo di ŋäädhö, na jiy mo män ki møt; ni tïïyï geni na wïth jø Icriel, ni tïmge na kwääri mo lwaa jiy ma kume ki ma dïpe ki ma pïërobïïci ki mo opaarri.

Pwöc Leec Wïc 14:16

Ŋat mo wïïe leer wø lwäär, ni ree wø di paanyø ki raay, 'ba ŋat mo wïïe känni wø laara päär bäät luubö ni wïïe ba caare.

Pwöc Leec Wïc 14:2

Ŋat wø cäädhi ki jöö mo thïïŋ lwäär ki Wuuö Jwøk, 'ba ŋat wø bëën cwøk, Wuuö Jwøk ee taaø.

Pwöc Leec Wïc 16:17

Jöör jøøa marge thïïŋ wø ŋäätö ki buut gïïa reyø, ni ŋat wø koor jööre gwøga jwïëye.

Pwöc Leec Wïc 16:6

Ki køør bëët-mëër ki bëët adïëri, gïï wø bayi di wiiø, ni ki køør man lwäär Wuuö Jwøk, dhaanhø ree wø di løø ni kwiera gïïa reyø.

Pwöc Leec Wïc 20:7

Ŋata mare beer ni wø bëëdö ni mare adïëri, obwöre moe ogwïëth ki køøre.

Pwöc Leec Wïc 3:7

Kär niï cädö ni leerra wïïï keerï ki jïrï; lwäär Wuuö Jwøk, ni luuï riï niï kwiera gïïa reyø.

Pwöc Leec Wïc 8:13

Ki man lwäär Wuuö Jwøk beeye ki man mänö ki raay. Aani na leec wïc, a män ki koorø ka atöör, ki bëët jöör raay ki wel luup.

Jeremaya 25:20

ki wïth juurre ma teeŋi moa en kaace; ki nyeye bëët mo wø bëëdö yi ŋööm Uc; ki nyeye bëët mo wø bëëdö yïth mïëc jø Pilitin, ni mïëyögø beege Ackelön, ki Geedha, ka Akarön, ka Acdöt ki jøøa no odööŋ yie na kwøw;

Wëël Kïmmö 4:21

Wui, jø Ëdöm, yïthu mïnge ni kanynyu nø, u ni wø bëëdö yi ŋööm Uc; 'ba uuni athöönh ajäla di jääŋŋö baŋu thuwø, ni mäthu ni meerru ni dööŋŋu ki dëëtu.

Edhikiel 14:14

këël jøøi na adäk ii doo nut rege, ni beege Nöa, ki Daniel, ki Jööp, bee jøøgø keerge noo piem ki køør bëëtö marge na beer.» Manøgø beeye dwøl mana caan Kwäärö Wuuö Jwøki.

Edhikiel 14:20

a na Kwäärö Wuuö Jwøk, a caana gø, ni kaawat man bëëda naa kwøw en, këël Nöa, ki Daniel, ki Jööp doo nut dïge, ba løny jï ŋati man nø dëëtge ki man piem wääde wala nyaare. 'Ba beege ki dëëtge keerge noo piem ki køør bëëtö marge na beer.»

Luk 1:6

'Ba gena jiy mo beyø nyïm Jwøk karge riet, ni ge caatha køør moa näk ocem Wuue ki ciik moe bëët, ni bäŋ gïn mo ege baaø rege.

Tiet Ciik 18:13

'Ba uuni, u doo bëëdö ni bäŋ gïn mo jøøŋŋi ri bëëtö maru nyïm Wuuö Jwøk na näk Jwøu.

Jeemeth 5:11

'Ba neennu, jø wø ba dääŋi wø cwølø cwølø ni yïthge met. 'Ba bëët Jööp na bëëde kare awïnynyu, ni neennu gïna tïïc Wuue kipere ya aŋuudi, kaawat mana bëët Wuuö ni yie bäth, ni cwïnye laar pädhö ki gïr dhaanhø.

1 Piter 3:11

Kare wär tïïe ni bäär ki raay, ni tïïc gïn wø beer, ni many bëët-mëër ni caath køør gø døøc.