Joona 4:2 - Wëël Jwøk

² Ni läme jï Wuuö Jwøk ni kööe, «?Wui Wuuö Jwøk, aŋø, manøgø patha gïna caana kanya pooda naa ena powa? Beeye tiere na reŋŋa Tarcëc, kiper ŋääa ni ïïna Jwø wø nyooth met ec, ni ïïna Jwø mëër, niï bäŋ wø laar wëër, ni mëër marï päl ni ba jøøl, ni cwïnyï wø warï warø ki gïn mo leth.

Joona 4:2 Iomraidhean Croise

1 Nyeye 19:4

'Ba eni, ena aa dï paap ni cäädhe ki dïcäŋ bäre; ni cøøe ni pï piny tier abuŋŋö ni päc dëëre thøø, ni kööe, «Wui Wuuö Jwøk, aløny nø. Käl jwïëy 'moa, kiper ba beerra bëëtö mara ni kaala mar kwäcwa.»

Bwøth Wøk 32:14

Kanyøgø Wuuö Jwøk cwïnye aware ki gïna dee tïïö na raac dëët jiye na caane.

Jeremaya 18:8

'Ba ni näk mo jøøa cääna dëëtge ki luubö, cwïnyge løkge løø ni wecge gïïa reyø, aani, cwïnya dwøga piny ki gïna leth na caara ni daa tïïö dëëtge.

Jeremaya 20:7

Wui Wuuö Jwøk, aana cøøgï, aana cøøgï møn. Aana magï ki teek, ni böötï aani. 'Ba ennø, aana tïmö ni jøw ŋeethø bääta ki yïth cääŋŋe bëët, ni jiy bëët buua aani.

Jeremaya 26:13

'Ba ennø, tiirru jöör bëëtö maru ki tïïe mou, ni wïnynyu dwør Wuuö Jwøk, Jwøk maru; køøre Wuuö Jwøk cwïnye odwøk piny, ni ba tïïc gïna leth na caane ni dee tïïö dëëtu.

Jeremaya 42:10

Ka adïëri møn, ni näk mou bëëdö yi ŋöömö man, u tïïa tïïö nou teek, ni ba nyaa uuni. 'Ba tietu këëla piny, ni ba cööda uuni wøk; kiper cwïnya apädhö ki gïna leth na tïïa dëëtu.

Amøc 7:3

Køøre Wuuö Jwøk cwïnye aware ni kööe, ni «Gïnögø ba tägi këët.»

Amøc 7:6

Køøre Wuuö Jwøk cwïnye aware ni kööe, ni «Gïnögø thuwø ba tägi këët.»

Joona 1:3

'Ba Joona aö maal nee reŋ Tarcëc ni kana ree ki Wuuö Jwøk. Køøre ena ci Jøpa ni joot baabuur mar naam mo cøøa Tarci, ni cude ki gwel ni ci yie kiper nee ci Tarci ki jøøa en yie, ni eni kana ree ki Wuuö Jwøk.

Joona 3:10

'Ba kanya ö Jwøki na joot gïna tïïcge, ni beeye jöö mana løkge rege ki gø na wecge jöör raay moge, Jwøk cwïnye aput war ki gïna leth na caane ni käle bäätge, ni käre gø tïïö.

Joona 3:9

Aŋa ni ŋäc gø, kanymør Jwøk dëëre di luuö ni war cwïnye, ni paany wëër mare bäätø ni wø liel kaamar maac, kiper nøø ba thøø.› »

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Luk 10:29

'Ba na tïme ni manynya man piem dëëre, ena köö jï Jecu, ni «?Ŋat mør aŋa ni daa mëër ki gø?»

Tiet Ciik 4:31

Kiper Wuuö Jwøk na näk Jwøu beeye Jwøk mo yie bäth; u ba wiie, u ba raanynye, ni wïïe ba wïl ki luumma tuude na kööŋe ki gø jï kwäyu.