Joona 3:6 - Wëël Jwøk

⁶ 'Ba kanya ö dwølli na pïïe baŋ nyeny Nineba, ena put ö maal ki bäät wälu mare ni gööny abïïne wøk ni røø keeca dëëre na abïï ni pï yi bur.

Joona 3:6 Iomraidhean Croise

1 Nyeye 21:27

'Ba kanya ö Akapi na wïny luupögø, abïï mare aput jeec ki pänh cwïny, ni røø keeca dëëre na abïï, ni bëëde ni eni wödö ni ba cämö, ni eni buuta yi keeca, ni put bëëtö ni cwïnye opädhö.

Jööp 2:8

Køøre Jööp alwötö ka abat nee dëëre gøønynye ki gø, ni eno pï piny yi bur.

Jööp 42:6

Kiper manøgønø, aani dëëra ajääla, ni køba raay 'moa naa bëëdö yi tør ki yi bur.»

Aydheea 15:3

Ni bëëtge nyeŋ jïëthe moge ni keece ege dwøl dëëtge; ni ge bëët, ge bëëdö ni ge göö ko oduuru ni pï nyeŋge lwöra piny, ni ge bëëdö bäät uudi moge ki kwöra laac dï pääny.

Jeremaya 13:18

'Ba Wuuö Jwøk aköö jïra, ni «Kööï jï nyeya ki menni ma gwanynyø, ni ‹Weyu wälu ni tïmu ni uuna jiy mo ena piny, kiper adun ajiem maru akäl wøk wïthu.›

Jeremaya 36:13

Ni ö Mikaya ni caan luup bëët jïge moa wïnynye dhi Baruk kanya ö Baruki na kwaan wëëlö jï jiy.

Jeremaya 36:24

'Ba nyeya ki jø kööre moe bëët moa wïny luupögø bëët ge kär lwäyö, na abïïe moge kärge jeeyø.

Jeremaya 6:26

Wui jø pøø, røøu keeca dëëtu, ni buugu dëëtu ki bur. Jwöŋu døc kaamar dhaanhø mo jwøga wääde ma aciel; jwöŋu ni cwïnynyu you keeyø døc, kiper ŋato raany øøni laara ö bäätø.

Wëël Kïmmö 2:10

Jäle mo Dhayan gena pï piny yïth ŋøøm jaak ni geno nikïïl. Geni bur ajørge wïthge, ni røøge keece dëëtge na abïïe. Nyïïakuue mo Jerucalem ge bëëdö ni cøŋge ege këël piny ni wïthge ege këël yïth ŋøøm.

Wëël Kïmmö 3:29

Beerra man bëëde ni täärnyïme ee këël yi tør; kanymør poot da ŋäädhe mo joode joodø.

Edhikiel 26:16

Køøre kwääri moa en bäät naama dwøŋ geno ö piny ki bäät wäle moge, ni kälge abïïk kwär moge wøk, ni ö abïïe moge moa no okwøø ni mïërö ni göönyge ge wøk. Ni ö lwärri ni boony geni kaamar abïï, ni pïge piny yïth ŋøøm, ni bëëtge ni dëëtge kwanynyi ni yïthge othäŋŋö ki gïna tägö dëërï.

Daniel 9:3

Kanyøgø nyïma aputa løø baŋ Kwäärö Wuuö Jwøk ki lam, naa manynya eni ni mara kwac, naa lämö ki lam wödö ki cam, naa käära keece na abïïe, naa bëëdö yi bur.

Mikiya 1:10

Uuni, kanyo täk ränynyö maru, kär nou caana gø yi Gëth jï nyïïmän, ni kär nou jwöŋu. U na jø Bëëth-Lëapara, dëëtu oŋeellu ki yi tør.

Mathiew 11:21

Ni kööe, no «Otïmö ni raac jïrï, ï na Köradhin. Noo tïmö ni raac jïrï, ï na Betheeda. Kiper doo naa tïïe moa døøŋŋø na tïïc dïïu, tïïca yi Tayar ki Caydan, cwïnyge doo na ege nø løk cøøn, ni ge käära keece na abïïe ni ge bëëdö yi bur.

Luk 10:13

«Otïmö ni raac jïrï, ï na Köradhin. Noo tïmö ni raac jïrï, ï na Betheeda. Kiper doo naa tïïe moa døøŋŋø na tïïc dïïu, tïïca yi Tayar ki Caydan, dëëtge doo na ege nø løk cøøn, ni ge käära keece na abïïe ni geno pï piny yi bur.