Joona 3:4 - Wëël Jwøk

⁴ Køøre Joona atägö ki man caath dï päänyögø ki dïcäŋ aciel bäre, ni rëëdö, ni «Ennø, dööŋŋa nïne ma pïëraŋween keerge nee Nineba raanynyi.»

Joona 3:4 Iomraidhean Croise

2 Nyeye 20:1

'Ba ki yïth nïrögøøni, Edhekaya atïmö ni tuu ni ena um thøø. Køøre nyikuŋ Jwøk ma Aydheea wär Amöth aö baŋe ni kööe jïgø, ni «Man bee dwør Wuuö Jwøk, ena köö, ni ‹Caan dwørï, kiper ï thøw; ï ba kwøw.› »

2 Nyeye 20:6

'Ba aani, bäät cwiiri moï mëënna mëënnö ki cwiiri apaar kurbïïc. 'Ba ïïni ki pääny man, u piema piemø cer nyeny Aciria; ni gwøa pääny man kiper nyeŋŋa ki nyeŋ dhaanhnha ma Deebit.› »

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Jeremaya 42:10

Ka adïëri møn, ni näk mou bëëdö yi ŋöömö man, u tïïa tïïö nou teek, ni ba nyaa uuni. 'Ba tietu këëla piny, ni ba cööda uuni wøk; kiper cwïnya apädhö ki gïna leth na tïïa dëëtu.

Joona 3:10

'Ba kanya ö Jwøki na joot gïna tïïcge, ni beeye jöö mana løkge rege ki gø na wecge jöör raay moge, Jwøk cwïnye aput war ki gïna leth na caane ni käle bäätge, ni käre gø tïïö.

Mathiew 12:41

'Ba jø Nineba, geno ö maal ni jäälge jø pinyi en, dïcäŋo ŋøl luup yie. Kiper geni cwïnyge aløkge kanya ö Joona na køp luum Jwøk jïge. 'Ba ennø, da gïn mo dwøŋŋa eni ki Joona mo ena kany.

Luk 11:30

Kiper Wär Dhaanhø otïmö na ŋïï jï beenhnhi en, keda mana ö Joona na tïme na ŋïï jï jø Nineba.

Luk 11:32

'Ba jø Nineba, geno cuŋŋi ki beenhnhi en kanyo ŋøl luup yie, ni jäälge geni. Kiper geni cwïnyge aløkge kanya ö Joona na køp luum Jwøk jïge. 'Ba kawaane da gïn mo dwøŋŋa eni ki Joona mo ena kany.

Tiet Ciik 18:22

Gïno ŋäyu gø ki gø beeye en; kany wø näk mo nyikuŋ Jwøk cäänö ki nyeŋ Wuuö Jwøk, ni näk mo gïna cääne kipere ba thur kare wala ba tïmö na adïëri, gïneca beeye gïna näk kär caan Wuuö Jwøki. 'Ba beeye gïn mo caana nyikuŋ Jwøki manøgø ki wïïe keere jaak. Käru lwäyu ki gïno caane.