Joona 3:10 - Wëël Jwøk

¹⁰ 'Ba kanya ö Jwøki na joot gïna tïïcge, ni beeye jöö mana løkge rege ki gø na wecge jöör raay moge, Jwøk cwïnye aput war ki gïna leth na caane ni käle bäätge, ni käre gø tïïö.

Joona 3:10 Iomraidhean Croise

1 Luup Nyeye 21:15

'Ba Wuuö Jwøk nyïïatwiel maal aput jääŋŋö nee Jerucalem raanynye. 'Ba kanya tïm nyïïatwiel maalli ni ena bäät man raany Jerucalem, ena joot Wuuö Jwøki, ni ö Wuuö Jwøki ni päth cwïnye kiper gïna leth na tägö dëët jiy, ni kööe jï nyïïatwiel maal manøgø man wø räänyö, ni «Manøgø rømø nø. Ennø, jook cerï nø.» 'Ba kar kaagø, nyïïatwiel maal mar Wuuö Jwøk cuŋŋö buut laara mar Örnan nyï Jeebuc.

Bwøth Wøk 32:14

Kanyøgø Wuuö Jwøk cwïnye aware ki gïna dee tïïö na raac dëët jiye na caane.

Pwöc Leec Wïc 28:13

Ŋat wø kaan bääyö mare ba bëënynyi, 'ba ŋat wø køp raay moe ni wec geni, mëëy Jwøk di joodø.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Jeremaya 18:7

Ki nyi kany mo thiinh løny jïra ki man cääna kiper wï jur ka akwöm nyeya ki man cööda geni wøk ni nyaa geni piny ni raanynya geni.

Jeremaya 18:8

'Ba ni näk mo jøøa cääna dëëtge ki luubö, cwïnyge løkge løø ni wecge gïïa reyø, aani, cwïnya dwøga piny ki gïna leth na caara ni daa tïïö dëëtge.

Jeremaya 36:3

Kiper kanymør ni jø Juuda gïna leth na caara kiperge ni 'käla bäätge wïnyge wïnynyö, ni ö ŋati man nø dïge ni luu ree ni wec jöör bëëtö mare na raac; køøre nø, gïïa bacge ki raay moge wëënna wëënnö.»

Jeremaya 42:10

Ka adïëri møn, ni näk mou bëëdö yi ŋöömö man, u tïïa tïïö nou teek, ni ba nyaa uuni. 'Ba tietu këëla piny, ni ba cööda uuni wøk; kiper cwïnya apädhö ki gïna leth na tïïa dëëtu.

Jool 2:13

Tïmu nou cööta cwïnynyu ki kïmmö, ni patha abïïe mou.» Ennø, duu baŋ Wuuö Jwøk, Jwøk maru, kiper eni yie met, ni mëër ki jiy, ni bäŋ wø laar wëër, ni mëër mare ni wø ba jøøl päl, ni cwïnye wø di warø ki gïn mo leth.

Amøc 7:3

Køøre Wuuö Jwøk cwïnye aware ni kööe, ni «Gïnögø ba tägi këët.»

Amøc 7:6

Køøre Wuuö Jwøk cwïnye aware ni kööe, ni «Gïnögø thuwø ba tägi këët.»

Joona 4:11

?A aani, cwïnya a ba dee pädhö nidïï kiper Nineba, päänya dwøŋ na näk yie da jiy mo kaala kume ma dïpa ki pïërariiø, jøøa näk bäŋ gïn mo ŋäcge ki man gaage bäät cwïcge ki bäät cämge, na näk jïge da dhäk mo thööth thuwø?»

Joona 4:2

Ni läme jï Wuuö Jwøk ni kööe, «?Wui Wuuö Jwøk, aŋø, manøgø patha gïna caana kanya pooda naa ena powa? Beeye tiere na reŋŋa Tarcëc, kiper ŋääa ni ïïna Jwø wø nyooth met ec, ni ïïna Jwø mëër, niï bäŋ wø laar wëër, ni mëër marï päl ni ba jøøl, ni cwïnyï wø warï warø ki gïn mo leth.

Luk 11:32

'Ba jø Nineba, geno cuŋŋi ki beenhnhi en kanyo ŋøl luup yie, ni jäälge geni. Kiper geni cwïnyge aløkge kanya ö Joona na køp luum Jwøk jïge. 'Ba kawaane da gïn mo dwøŋŋa eni ki Joona mo ena kany.

Luk 15:20

Ni ö maal ni tïŋŋe ni ci baŋ wänni. 'Ba kanya poode ni kare bäär, ena joot wänni, ni päth cwïnye ki gïr gø, ni reŋe ni gääm gø, ni nuum dhi gø.