Joona 2:9 - Wëël Jwøk

⁹ 'Ba aani, a cïpö jïrï ko olämi ni pwøa ïïni ki duut mar dwøk met ec, ni coola gïna kööŋa kipere. Køny joota baŋï, ï na Wuuö Jwøk.»

Joona 2:9 Iomraidhean Croise

Wïlöölö 35:3

Køøre øøno tïŋŋi ni cøø Bëthël; køøre aano tïïö ki gïn wø cïp olämme bääte kaace jï Jwøk, Jwøa wïny kwac mara kanya ena yïth gïï mo leth, ni beeye Jwøa bëëdö ni nutö buuta yïth kwöra caadha bëët.»

2 Camiel 15:7

'Ba na tïme na køør cwiiri aŋween, Abëcëlöm aköö jï nyeya, na «A kwaya ïïni naa cøøa Keeprön, nee kööŋ mara mana nø kööŋa kipere jï Wuuö Jwøk, nee wëëga thur kare.

Jööp 22:27

'Ba ïïno lämö jïre, ni ö eni ni wïny lam marï, ni ö japa kööŋï kiperge ni cïpï ge jïre.

Dut Pwøc 27:1

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Jeremaya 33:11

ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Odheea 14:2

Duu baŋ Wuuö Jwøk, ni kööu jïre, ni «Wëën raay mowa bëët, ni jïëyï waani ki met ec marï, nee wa cïpwa ki pwøc no olämme.

Jøøn 4:22

Uuni, u lama gïn mo kuyu, 'ba waani, wa lama gïn mo ŋäcwa. Kiper pïëm man piem jiy ki gø ena baŋ jø Juuth.

Moa Tïïc Nyïïatwieli 4:12

Kiper bäŋ dhaanhø mør mo doo piem jiy. Kiper bäŋ nyeŋ mør bäät piny bäre mo ocïbö dï jiy mo ø doo piemø ki køøre.»

Wëëlö Mana Göör Pøølli Baŋ Jø Röm 12:1

Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu.

Tiet Ciik 23:18

Kär dee gwel mo joot dhaage ki køør käp, wala mo joot cwøwi ki køør man wø døøge dëëtge keerge mo kälu øt Wuuö Jwøk na näk Jwøu na muuce mo doo cïbö ki køør kööŋ maru, kiper tïïe moøgø karge riet Wuuö Jwøk na näk Jwøu yie raac ki geni.

Ibaru 13:15

Kiper manøgønø, beerra man cïpø ki pwøc na muuce cooth jï Jwøk ki ri Jecu, ni beege gïï wø ööi ki dhøgi mo wø jïëc nyeŋŋe.

Mana Nyooth 7:10

Ni köökge ki dwøl mo päl, ni «Pïëm man piem jiy ki gø, en jï Jwøø, eni ni en bäät wälu en, ki Nyidiel.»

1 Camiel 12:21

'Ba käru gaa wøk køør juu mo oballe, mo bäŋ gïn mo duuge dëër dhaanhø wala gïn mo kønyge kønyø, kiper gena juu mo oballe jaak.