Joona 1:10 - Wëël Jwøk

¹⁰ 'Ba jøøgø aput lwäyö døc, ni köge jïre, «?Aŋø, a teeŋ gïnaŋø na tïïyï en?» Kiper ŋäc jiyi ni eni reŋi ni kana ree ki Wuuö Jwøk, kiper ee nø caan jïge.

Joona 1:10 Iomraidhean Croise

Wïlöölö 3:13

Kanyøgø Wuuö Jwøk aköö jï dhaagø, na «?Agïnaŋø ni iï tïïö en?» Ni kö dhaage, ni «Aana cøøk thwölli ni cäma.»

2 Camiel 24:3

'Ba Jöap aköö jï nyeya, ni «Beerra man ö Wuuö Jwøki na näk Jwøï ni meet jiyï kwöre ma dïpa ni kaala moi ni nut ii, ni putï gø joot ki waŋï, ï na nyeya. ?'Ba ennø, Awuuö, ï na nyeya mara, jiy manynyï gø kiper ŋø nee ge kwaan?»

Jööp 27:22

Jamø manøgø okwöt bääte ni bäŋ bäth ec mo nyoodhe jïgø; 'ba opääre ki man päär wøk ki yi teek jamø manøgø.

Joona 1:11

'Ba athaŋ naam poot kadhø jaak. Køøre gena köö jïre, na «?Agïnaŋø noo tïïcwa ki ïïni ennø kiper nee athaŋ naam døø piny kiperwa?»

Joona 1:3

'Ba Joona aö maal nee reŋ Tarcëc ni kana ree ki Wuuö Jwøk. Køøre ena ci Jøpa ni joot baabuur mar naam mo cøøa Tarci, ni cude ki gwel ni ci yie kiper nee ci Tarci ki jøøa en yie, ni eni kana ree ki Wuuö Jwøk.

Jøøn 19:8

'Ba Paylat na wïny luummögøøni, lwär mare akääthö.

Jøcua 7:25

Kanyøgønø, Jøcua aköö jï Akan, na «?Aŋø nyie ni kännï bäätwa ki gïn mo leth en? 'Ba dïcäŋi nø Wuuö Jwøk okïth bäätï ki gïn mo leth thuwø.» Ni ö jø Icrielli bëët ni këërge Akan ki kïte, ki jø paare, këël gïïa en jïre bëët. 'Ba na nø këërge geni ki kïte, aputge rup ki maac ni put ge waaŋ na bäre.