Jøøn 9:35 - Wëël Jwøk

³⁵ 'Ba awïny Jecu ni ŋatøgø ocöör wøk. 'Ba na joot gøøni, ena köö, ni «?Ïïna jïëy ki Wär Dhaanhø ni ŋäädhï?»

Jøøn 9:35 Iomraidhean Croise

Mathiew 14:33

Ni ö jøøa en yi jääyi ni wøørge eni, ni köge, na «Adïëri møn, bee ï na O Jwøk møn.»

Mathiew 16:16

Ni dwøgi ya Cayman Piter, ni «Ïïna Krictø, O Jwøa kwøw.»

Mathiew 4:3

Kanyøgø dïcuuy aöö ni kööe jïgø, ni «Nee ïïna O Jwøk, kööm kïte moi nee tïmge na muunni.»

Maak 1:1

Täk luumma nyään na met mar Jecu Krictø na näk O Jwøk,

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 1:34

'Ba aani, ajooda ki waŋa ni køba gø, ni ‹Man beeye na O Jwøk.› »

Jøøn 10:36

aŋø, u doo köö, naa jädö, a na cïp Wuue kur keere ni jääŋŋi piny, kiper na kööa, ni ‹Aana O Jwøk›?

Jøøn 11:27

Ni løgi ya Martha jïre, «Kare møn, Kwäärö, aana jïëy ni beeye ïïni na Krictø na näk O Jwøk, ŋata wäŋŋi ni ööa piny.»

Jøøn 20:28

Ni puti ya Tøma løk jïre, «Wui, bee ï na Kwääya, ni bee ï na Jwøa.»

Jøøn 20:31

'Ba moi göör kaper nou jïëyu ni Jecu beeye na Krictø ni näk O Jwøk, kiper nee u jïëyu ki eni ni ŋääthu gø, nou jïtu ki kwøw ki nyeŋŋe.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 5:14

'Ba na näk køøre, ena joot Jecu yi kal mar Øt Jwøk Mana Dwøŋ ni kööe jïgø, «Neenï, dëërï anø jöönnö. Kär niï bääyö këët, kiper nee bäŋe gïn mo raac mo kaala man mo pïï dëërï.»

Jøøn 6:69

Ni ewa ŋäädhö ni jootwa gøøni, ni beeye ïïni na en kur keerï na näk mar Jwøk.»

Jøøn 9:22

Luummögø acaan jøøa nywøl gø kiper na lwäärge ki jø Juuth. Kiper onø ŋøl jø Juuthi ni noo dee dhaanhø mo caan gø ni Jecu beeye Krictø, eni di mänö ki ööny øt acooŋ lam.

Jøøn 9:34

Ni løkge gø jïre, ni köge, ni «Ïïni, ï nywöla yïth raay. ?Aŋø, wa diï pwönynyö?» Ni putge gø cöör wøk.

Moa Tïïc Nyïïatwieli 8:36

'Ba kanya cääthge, gena pïï kany mo da pïï, ni kö ŋata näk odïnö, ni «Neenï, pïï ii. ?Agïnaŋø noo män aani ki lwøk na nyuudhi?» [

Moa Tïïc Nyïïatwieli 8:37

Ni kö Pilipi, ni «Ni näk mo ïïno jïëy ki cwïnyï bäre, ï di lwøø.» Ni dwøk gø, ni «Aana jïëy ni Jecu Krictø beeye o Jwøk.»]

Moa Tïïc Nyïïatwieli 9:20

Ni put gïr nyeŋ Jecu køp yïth uut acook lam, ni caana gø, ni Jecu beeye O Jwøk.

Wëëlö Mana Göör Pøølli Baŋ Jø Röm 1:4

Ni beeye eni na nyooth na O Jwøk ni eni teek ki køør Jwïëc Jwøk na en kur keere kanya tïŋi maal ki yi thøø. Ni beeye Jecu Krictø na näk Kwääyø,

Wëëlö Mana Göör Pøølli Baŋ Jø Röm 10:20

Ni Aydheea cwïnye da cer kanya caan gø, ni «Aana joot jøøa kär many aani, ni nyoodha raa jï jøøa kär pëëny aani.»

1 Jøøn 4:15

'Ba ŋat wø jïëc Jecu ni ena O Jwøk, Jwøk wø bëëdö dëëre, ni en dëër Jwøk.

1 Jøøn 5:10

ni ŋat wø jïëy ki O Jwøk, lïŋ ena cwïnye kiree. 'Ba ŋat wø ba jïëy ki Jwøk, døøya Jwøk twöt, kiper na käre jïëy ki lïŋ mana køp Jwøki kiper Wääde.

1 Jøøn 5:13

A gööra luubö man baŋu, u no ojïëy ki nyeŋ O Jwøk, nee ŋäyu ni jïïu da kwøw mana näk adïëri mo bäŋ cuŋŋe.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

1 Jøøn 5:5

?Aŋa ni wø bööt piny? Beeye ŋat wø jïëy ni Jecu beeye O Jwøk.

3 Jøøn 1:10

'Ba ni näk maa öö, gïïa reyø ni wø tïïe ni cara nyeŋŋa ki luup mo oballe jaak, ocaana. 'Ba eni kär ŋuudö ki manøgø keere, 'ba eni ki dëëre, ena kweer thuwø ki man pänh nyïïmëëe, ni män jø wø many man pänhge geni thuwø, ni riema ge wøk ya acooŋ Jwøk.