Jøøn 9:24 - Wëël Jwøk

²⁴ Kanyøgø ŋata näk ocøør acäŋge cwøllø ri rietge ni köge jïre, ni «Pwøc ka Jwøk. Ŋäcwa ni nyenøgø ŋat raay.»

Jøøn 9:24 Iomraidhean Croise

Edhera 10:11

'Ba ennø, køpu raayu jï Wuuö Jwøk, Jwø kwäyu, ni tïïyu mana manynye, ni kälu dëëtu wøk ki røk juurre mo wø bëëdö yi ŋöömmi, ni kwierru nyïï juurre moa nywømmu.»

Aydheea 66:5

'Ba u ni wø dëëtu kwanynyi ki lwär ki dwør Wuuö Jwøk, wïnynyu dwør Wuuö Jwøk! Ena köö, ni «Uuni, nyïïmëëgu amännö ki uuni, ni køøge uuni wøk kiper nyeŋŋa, ni köge jïïu, ni ‹Beerra man jiem Wuuö Jwøk, nee met ec maru jootwa.› 'Ba geni, wïthge poot lääö.

Maak 15:27

'Ba da jø ageem ariiø ma agurge buute thuwø, na aciel ena bäät cwïïe, ni maya ena bäät caame.

Luk 15:2

'Ba jø Paricith ki dïpööye mo ciik Jwøk gena ŋurö, ni köge, ni «Nyeni jïëy ki jø raay ni cämö ki ge.»

Luk 19:7

'Ba na jooti ya jiyi, gena ŋurö bëët, ni «Ena cøøa nee tïme na wëël dhaanhø ma ŋat raay.»

Luk 7:39

'Ba kanya ö ŋat Paricith manøgø, ni beeye ŋata cwøl gø baŋ cam, na neen gïnögø, ena köö ki cwïnye, «Onää ŋati nyikuŋ Jwøk møn, dhaaŋŋøgø dee ŋääö, na a teeŋ dhaagø mo nyïëdi ni muur gø enø, kiper nyaanøgø ŋat raay.»

Jøøn 14:30

'Ba a ba cäänö ki luup mo thööth ki uuni këët, kiper kwäärö mar piny man en öö. 'Ba eni jïre bäŋ teek bääta.

Jøøn 16:2

Uuno mänge ki ciin uut acook lam. 'Ba ka adïëri møn, da caa mo öö, mo jø wø 'näk uuni caarge caarø ni ge tïnynya Jwøk.

Jøøn 18:30

Ni köge jïre, «Onää nyenøgø paa ŋat raay, ba dewa käl baŋï.»

Jøøn 19:6

'Ba na neeni ya kwääc laammi ki dïkuye mo Øt Jwøk, gena rëëdö døc, ni köge, ni «Gurï! Gurï bäät jaadha no odëëdö!» 'Ba Paylat aköö jïge, ni «Lwørru ki dëëtu ni guru gøøni bäät jaadha no odëëdö, kiper aani bäŋ gïn mo obøth mo yaa joodø baŋe.»

Jøøn 5:23

kiper nee jiy bëët tïmge ni ge wøøra Wäädö, kaawat man wø wøørge Wuuö. 'Ba ŋat wø ba wøør Wäädö, Wuuö na jääŋ eni ba wøøre thuwø.

Jøøn 8:46

?Aŋa dïïu na joot aani ni aano bääyö? ?'Ba ni näk a caana adïëri, aŋø ni ba jïëyu ki aani?

Jøøn 8:49

Ni løgi ya Jecu, «Raa bäŋ anägö. 'Ba aani, a wøøra Wära, ni ö uuni ni ba wøørru aani.

Jøøn 9:16

'Ba jø Paricith møøk aköö, ni «Ŋatøgø ba käl baŋ Jwøk, kiper eni luum cäŋ jwömö bäŋ wø gwøe.» 'Ba møøk aköö, no «?Onää ŋatøgø ŋat raay, ŋïïce ma yøøgønø a dee gø tïïö nidïï?» Yi kar kanyøgøøni yïthakicge ajïtö ki pïëm.

Jøøn 9:25

Ni løk gø jïge, ni «Nee ena ŋat raay, wala patha eni, kuua. 'Ba gïrpiny aciel keere beeye ni ŋääa, aani, aana kwøŋ bëëdö ni aana cwør møn, ni nëëna ennø.»

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Jøcua 7:19

Køøre Jøcua aköö jï Akan, ni «Nyie wääda, akwaya ïïni ki man caanï adïëri marï nyïm Wuuö Jwøk na näk Jwø Icriel, ni wøørï eni, ni køpï raay moï jïre. Ennø, gïna näk iï tïïö caanï jïra. Kär gïna näk iï tïïö mooŋï ki aani.»

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.