Jøøn 9:22 - Wëël Jwøk

²² Luummögø acaan jøøa nywøl gø kiper na lwäärge ki jø Juuth. Kiper onø ŋøl jø Juuthi ni noo dee dhaanhø mo caan gø ni Jecu beeye Krictø, eni di mänö ki ööny øt acooŋ lam.

Jøøn 9:22 Iomraidhean Croise

Pwöc Leec Wïc 29:25

Ki man lwäärö ki dhaanhø beeye abïëp jï dhaanhø, 'ba ŋat wø ŋääth Wuuö Jwøk bëëdö no ogwøø.

Aydheea 51:12

Wuuö Jwøk aköö, ni «Bee aani ki dëëra ni wø cøm cwïnynyu. ?Aŋø, uuna jøøe, u ni lwäär ki dhaanhø man ni wø thøw jaak en, ni bee dhaanhø man no ocwääö kaamar luum jaak en?

Aydheea 51:7

Wïnynyu mara, u ni wø caath køør bëënynyö, ni bee u jiy mo wø bëët ciiki 'moa cwïnynyu; kär nou lwäyö ki jø wø jøøŋ uuni, ni ba päth cwïnynyu kany wø janyge uuni.

Aydheea 57:11

«?Aŋø, aŋa na bwøgu ki gø na lwäyu ki gø, ni tïme nou cara tööt jïra en ni wïthu ba parru ki aani, ni bäŋ gïn caarru døøc kipera en? ?Aŋø, bee kiper mana bëëda ki kany mo bäär naa lïŋö, ni tïme naa ba lwäärru en?

Luk 6:22

Gwïëth en jïïu kanyo ö jiyi noo mänge ki uuni ni kwierge uuni ni janyge uuni, ni jøøŋge nyeŋŋu kiper mana näk mo uuna bääk Wär Dhaanhø.

Jøøn 1:19

'Ba man en beeye luumma køp Jøønni na ö jø Juuthi na jääŋge kwääc laam ki tuuŋ jø Libay møøk ki yi Jerucalem kuna pëënyge eni, ni «?Ïïna ŋa?»

Jøøn 16:2

Uuno mänge ki ciin uut acook lam. 'Ba ka adïëri møn, da caa mo öö, mo jø wø 'näk uuni caarge caarø ni ge tïnynya Jwøk.

Jøøn 19:38

'Ba na tïme na køør manøgø, ŋat mo cwøl ni Jocep nyï Arimathia, ma bääŋ Jecu mo ree käre nyoodhø kiper mana lwääre ki jø Juuth, Paylat apëënynye nee dëër Jecu käle. Ni ö Paylati ni jïëe ki mare. Ni ööe ni lwør dëër Jecu.

Jøøn 20:19

'Ba dïcäŋögø na tïm pinynyi na wïthïënhö ki täk tïïc, ni dhøk odhuule mo øda en bääŋi yie ocïëgö kiper mana lwäärge ki jø Juuth, Jecu aöö ni cuŋŋe dïge, ni kööe jïge, ni «Bëët-mëër bëëde bäätu.»

Jøøn 7:13

'Ba kiper mana lwäärge ki jø Juuth, bäŋ ŋat mo ocwøl nyeŋŋe ni wïnyö.

Jøøn 9:18

'Ba jø Juuth patha ojïëy ni eno kwøŋ bëëdö na cwør, ni cäŋ nyeŋŋe døø karge, këël mana ö geni na cwølge jøøa nywøl ŋata näk nyeŋŋe odøø karge.

Jøøn 9:21

'Ba jöö mana nëëne ki gøøni kawaane kucwa, ki ŋata jap nyeŋ gø. Pëënynyu eni. Eni dwøŋ. Eno cäänö kiper dëëre keere.»

Jøøn 9:34

Ni løkge gø jïre, ni köge, ni «Ïïni, ï nywöla yïth raay. ?Aŋø, wa diï pwönynyö?» Ni putge gø cöör wøk.

Jøøn 9:35

'Ba awïny Jecu ni ŋatøgø ocöör wøk. 'Ba na joot gøøni, ena köö, ni «?Ïïna jïëy ki Wär Dhaanhø ni ŋäädhï?»

Moa Tïïc Nyïïatwieli 4:18

Kanyøgø nø, gena cwølge ni cemge ge nee ge ba cäänge wala ge pöö ki nyeŋ Jecu këët na bäre bäre.

Moa Tïïc Nyïïatwieli 5:13

Ni bäŋe ŋat mo omaar cwïnye mak røk jiy møga ki man dwäte ki geni. 'Ba geno wøør jiyi døøc.

Moa Tïïc Nyïïatwieli 5:40

Kanyøgø dwøre aleŋge. Ba na nø cwølge nyïïatwieli yi øtø, gena pwötge ni cemge ge nee nyeŋ Jecu ba caange këët, ni wëëkge ge wääth.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»