Jøøn 9:16 - Wëël Jwøk

¹⁶ 'Ba jø Paricith møøk aköö, ni «Ŋatøgø ba käl baŋ Jwøk, kiper eni luum cäŋ jwömö bäŋ wø gwøe.» 'Ba møøk aköö, no «?Onää ŋatøgø ŋat raay, ŋïïce ma yøøgønø a dee gø tïïö nidïï?» Yi kar kanyøgøøni yïthakicge ajïtö ki pïëm.

Jøøn 9:16 Iomraidhean Croise

Mathiew 12:10

'Ba kanyøce da ŋat mo cere obäp. 'Ba geni Jecu apëënyge, ni «?Beeye gïn mo beer ki man køny dhaanhø mo tuu ki cäŋ jwömö?» Luummögø acaange kiper nee jïtge ki luubö mo kïthge bääte.

Mathiew 12:2

'Ba gïnögø na jooti ya jø Paricithi, gena köö jïgø, ni «Neenï, bäägï ge tïïya gïn mo ba doo tïïö ki cäŋ jwömö.»

Luk 13:14

'Ba ŋata näk kwääy øt acooŋ lam manøgø, ena gootø kiper mana ö Jecu na køny dhaanhø ki cäŋ jwömö, ni kööm jiy, ni «Da nïne abïciel mo tïïe doo tïïö yïthge, mou doo öö nou køny, ni patha cäŋ jwömö.»

Jøøn 10:19

'Ba kanyøgø yïthakic jø Juuth acäŋ jïtö ka apääk kiper luupögø.

Jøøn 14:11

Jïëyu ni ŋääthu aani, naa ena ri Wuuö ni ö Wuue ni en raa. Wala jïëyu ni ŋääthu aani kiper tïïe ki dëëtge.

Jøøn 15:24

Onää a kär öö ni tïïa dïge ki tïïe mo ba doo løny ki man tïïyi ya ŋat mørri jaak, dëëtge doo bäŋ ajäla. 'Ba kawaane aana neenge ni mänge ki aani ki Wära bëët.

Jøøn 2:11

Manøgø beeye ŋïï mana tïïc Jecu dïkwøŋ yi Keena yi Galili, ni nyootha ajieme. Ni ö bääge ni jïëcge ki eni ni ŋääthge gøøni.

Jøøn 3:2

Ŋatøgø aö baŋ Jecu ki wäär ni kööe jïre, ni «Dïpööy, ŋäcwa ni ïïna dïpööy mo käla baŋ Jwøk, kiper bäŋ dhaanhø mo doo maara tïïö ki ŋïïce moøgø ni wø tïïyï yøø, ni näk Jwøk tøør buute.»

Jøøn 5:10

Kanyøgøøni jø Juuth aköö jï ŋata näk dëëre odøø kare, ni «Man a cäŋ jwömö. Ba doo beer ki køør ciik ki man käärï pïënï.»

Jøøn 5:36

'Ba gïn wø køp gïra, dwøŋŋa eni ki mar Jøøn, kiper gïïa tïïa ki dëëtge na näk owëëk Wuue aani nee thööra, beege wø køp gïra, naa jääŋŋa Wuue.

Jøøn 6:52

'Ba kanyøgø jø Juuth gena jïtö ki pïëm yïthakicge keerge, ni köge, ni «?Ŋati dëëre a dee gø cïbö jïïø nidïï nee camø?»

Jøøn 7:12

'Ba kanyøgø jiy atïmö ni ge muuŋö døc ki nyeŋŋe. Ni jø møøk köö, ni «Ena dhaanhø mo beer,» ni kö møøki, ni «Path, eni cøøga jiy jaak.»

Jøøn 7:23

?Aŋø, ni näk dhaanhø you daŋø ki cäŋ jwömö, kiper nee ciik mo Modhe ba dhallu, u doo wëër ki aani kiper na wëëga dëër dhaanhø mo tuu jöönnö bäre ki cäŋ jwömö?

Jøøn 7:43

Yi kar kanyøgøøni, jiy røkge apääŋge kipere.

Jøøn 9:24

Kanyøgø ŋata näk ocøør acäŋge cwøllø ri rietge ni köge jïre, ni «Pwøc ka Jwøk. Ŋäcwa ni nyenøgø ŋat raay.»

Moa Tïïc Nyïïatwieli 14:4

'Ba jø paanøgø dëëtge apääŋge. Ni ö jø møøki ni cige kur jø Juuth, ni ci møøki kur nyïïatwieli.