Jøøn 8:7 - Wëël Jwøk

⁷ 'Ba kiper mana pootge ni ge pëënynya gøøni, eni ree athïïŋe ni kööe jïge, ni «Ŋato dëëre bäŋ raay dïïu wär kwøŋ lwötö ki kïdi ni thöör gøøni.»

Jøøn 8:7 Iomraidhean Croise

Pwöc Leec Wïc 12:18

Luup mo laar ka caan ni wïc kär caarø, cööbö kaamar opëëllö, 'ba lëëp jøøa wïthge leer käla køny.

Jeremaya 23:29

?Aŋø, a na Wuuö Jwøk, luumma ba caal maac, ni caal guduum man wø tøk kïdi na thäŋi?

Jøøn 7:46

Ni løgi ya dïkuye, ni «Bäŋ dhaanhø mo okwøŋ cäänö kaamar ŋatøgøøni.»

Jøøn 8:10

'Ba Jecu na thïïŋ ree aköö jïre, «?Nyijøøe, age geni? ?Bäŋ dhaanhø mo ojääl ïïni?»

Jøøn 8:8

Ni cäŋ gääŋŋö piny, ni gööde ki lweete.

Köløcia 4:6

'Ba döötu bëëtge ni met cooth, keda kadø ma acämme met, kiper nee luubö maaru ŋäc ki man løgu gø jï ŋati man nø.

Mana Nyooth 1:16

'Ba cer cwïïe da ceer abïriiø, ni dhee da opëëllö mo beth mo lage ariiø. Ni täärnyïme caala cäŋ mo orieny ni kwaar døc.

Mana Nyooth 19:15

Ni ö opëëllö mo beth ni bëëde ni ööa wøk ki dhee, mano gøøc mïëri ki gø, ni dïïm geni ka athøny nywïënyö. 'Ba eni buur wø biic nyïïomøki mar wëëc Jwøk na en teeki jïre, wëëya dwøŋ døc, onyøøne.

Mana Nyooth 2:16

Kiper manøgønø, løk cwïnyï. 'Ba ni näk ba løgï, a laara ö baŋï ni këëda ki jøøgø ko opëël dhaa.