Jøøn 8:44 - Wëël Jwøk

⁴⁴ U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Jøøn 8:44 Iomraidhean Croise

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

1 Nyeye 22:22

'Ba Wuuö Jwøk aköö jïre, ni ‹?Wïïe omaaŋŋï gø nidïï?› Ni kööe, ni ‹Aani a cøø ni tïma ni aana dïcuuy ki dhøk nyïïkuk Jwøk moe bëët.› Køøre Wuuö Jwøk aköö, ni ‹Ba dhäthi jïrï ki man maaŋŋï wïïe. Ciï ni tïïyï gø.›

1 Luup Nyeye 21:1

'Ba Ceethan aö maal bäät jø Icriel ki man raany geni, ni tïïc Deebit nee jø Icriel kwaane.

Jööp 1:11

'Ba ennø, tïŋ cerï maal bäät jape mø, ni raanynyï ge bëët, niï ba put janynyø täärnyïmï kiree.»

Mathiew 12:34

?U na nyïï thwöre, luubö ma wøp a dou gø caanø nidïï nou reyø? Kiper gïï wø thööth ni wø en cwïny beege ni wø caan dhøki.

Mathiew 13:15

Kiper cwïny jøøi ii, atïmö ni bäŋ gïn mo maarge joot, ni ïthge odhïŋ ki man wïnyge luubö, ni nyeŋge ege miiø, kiper nee ba jootge ki nyeŋge, ni ba wïnyge ki ïthge, ni ba kwanyge tier gø ki cwïnyge, ni ba luuge rege baŋa, nee ge kønya.›

Mathiew 13:38

Ni pwödhö beeye piny. Ni köödhi moa näk wøpe beege wäät buya käl maal. Ni luuma raac beeye wäät ŋata raac.

Jøøn 6:70

Ni løgi ya Jecu jïge, na «?Aŋø, paa aani na jier uuni ni uuna apaar kurriiø, ni ö acielli røgu ni jït ree ka anägö?»

Jøøn 7:17

Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Jøøn 8:38

Aani, a caana moa jooda baŋ Wära, ba uuni, u tïïya moa wïnynyu baŋ wääu.»

Jøøn 8:41

'Ba u bëëdö nou tïïya mana tïïc wääu.» Ni köge jïre, ni «Wa kär nywølø ni waana wäät kääpe. Jïwa da wääwa aciel, na näk beeye Jwøk.»

Jøøn 8:55

'Ba eni kuyu. 'Ba aani, eni ŋääa. Onää yaa caanø, ni eni kuua, a doo tïmö ni aana twöt kaawat maru. 'Ba aani eni ŋääa, ni luumme yaa gwøø.

Moa Tïïc Nyïïatwieli 13:10

ni kööe jïgø, ni «Ïïni, ïïna wär anägö, niï män ki moa beyø bëët, ni cwïnyï päŋ ki cwøk, ni ïïna ŋat dïwït. ?Aŋø, gïnögø ba weyï bäre bäre ki man bëëdï niï tïïya uutjïëth Wuuö moa tiir no oköömmö?

Moa Tïïc Nyïïatwieli 24:9

Ni ö jø Juuthi møga thuwø ni dwalge dhøkge ni gïïögø bëët beege karge.

Moa Tïïc Nyïïatwieli 5:3

'Ba Piter aköö, na «?Ananaya, aŋø ni ö Ceethanni ni pääŋ cwïnyï en, ki man cäänï ki tööt jï Jwïëc Jwøk na en kur keere, ni kanï thäŋ gwet pwödhö en?

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

1 Piter 5:8

Koorru dëëtu, ni bëëdu ni nyeŋŋu you jabø. Kiper nyimän maru na näk anägö wïïrö ni caala ŋuu mo jwöŋö, ni eni caya ŋat mo løønye.

2 Piter 2:4

Kiper nyïïatwiet maal kär wec Jwøki kanya bääcge, 'ba gena leeŋ kar pöödö, ni kïth ge yïth buri mo cøl døc, nee bëëtge yïthge këël mano ŋøl luup marge piny.

1 Jøøn 1:8

'Ba ni näk mo ø köö ni bäŋ raay dëëtø, ø cøøga røgø, na adïëri ba en cwïnynyø.

1 Jøøn 2:21

A ba göön baŋu ni per na adïëri kuyu, 'ba beeye kiper mana ŋäyu gø, ni ŋäyu ni bäŋ tööt ra adïëri.

1 Jøøn 2:4

'Ba ŋat wø köö, ni «Eni ŋääa,» ni bëëdö ni dhala gïïa ceme, ena dïtwöt, na adïëri ba en cwïnye.

1 Jøøn 3:12

ni ba tïmø kaamar Keen, eni na dhaanh ŋata raac na 'näk coki. ?Aperŋø na 'näk gø? Nääe kaper tïïe moe na reyø, ni ö mo coki ni becge.

1 Jøøn 3:15

Ŋat wø män ki coki, ena dïnääy, ni ŋäyu ni bäŋ dïnääy mo cwïnye da kwøw mana näk adïëri mo bäŋ cuŋŋe.

Juut 1:6

Ni eni, nyïïatwiet maal moa kwier kwör kööre moge, na wec kanya beer na beetge, awii yi tööc mana näk bäŋ cuŋŋe kany mo cøl døc, këël mano ŋøl luup dïcäŋo dwøŋ.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 13:14

Ni eni wø cøøga jø wø bëëdö bäät piny ki køør ŋïïce na näk owëëk eni nee tïïe buut Läänögø. Ni kööm geni ni cwääge ki kït Lääna näk dëëre da ŋwel opëëllö, na kwøw.

Mana Nyooth 2:10

Kär niï lwäyö ki gïn ni kare cään en noo jwørï. Kiper jø møøk røk jiy moï, oleeŋ anägö øt twöc kany mo cään en, niï päänynyi. 'Ba nïne apaar obeetï niï jwøra gïï mo leth. 'Ba wärï bëëdï ni cwïnyï iï maa këël doo cööpa ri thøø, køøre ïïno mooa ka adun kwøw.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.

Mana Nyooth 9:11

'Ba nyeya marge beeye nyïïatwiel mar buura näk bäye bäŋ cuŋŋe, ni nyeŋŋe ki dhi Ibaru cwøl na Abadøn, 'ba ki dhi Gïrïïk cwøl ni Apølïën, na näk tiere beeye Dïräänyi.