Jøøn 8:41 - Wëël Jwøk

⁴¹ 'Ba u bëëdö nou tïïya mana tïïc wääu.» Ni köge jïre, ni «Wa kär nywølø ni waana wäät kääpe. Jïwa da wääwa aciel, na näk beeye Jwøk.»

Jøøn 8:41 Iomraidhean Croise

Bwøth Wøk 4:22

Køøre ïïno köö jï Peerø, ni gïna caan Wuuö Jwøki beeye en, ena köö, ni ‹Jø Icriel bëët neeta kaamar wäädö man wø näk kaa, ni beeye kanynya.

Aydheea 63:16

'Ba ïïni, ïïna wääwa, këël na bëëde ni Eeberam wa kuue, ni kwarwa ma Icriel wa käre ŋiiø; ï na Wuuö Jwøk bee ï na wääwa, ni bee ï ni wø wïïl wa wøk ki mana täge ya acääŋŋe ki køør nyeŋŋï.

Aydheea 64:8

'Ba ennø, ï na Wuuö Jwøk, ï poot ni ïïna wääwa. Waana odhöönh, ni bee ï dïcwääy; ni waani bëët, wa tïïya ïïni ki cerï.

Jeremaya 3:19

«'Ba a na Wuuö Jwøk, aana köö ni u daa tïïö ni uuna wääta na bëëde, ni mooa uuni ki ŋöömö mo beer, na mano dööŋ jïïu mo beer døc mo kaala mo wïth juurre bëët. Ni cäda naa dou cwølø ni aana wääu, nou ba gaa wøk ki man cäädhu køøra.

Jeremaya 31:20

Wuuö Jwøk aköö, na «?Aŋø, Ipariem paa wääda mana pere leth jïra? ?Aŋø, eni paa nyilaal mana met yia ki gø? Ka adïëri møn, këël na bëëda naa cäänö dëëre ki gïï mo leth, eni poot lääŋŋa lääŋŋö. Kiper manøgønø, cwïnya ena baŋe; ka adïëri møn, mëër mara nyoodha nyoodhø jïre.» Luummögø caana Wuuö Jwøki.

Odheea 1:2

'Ba kanya ö Wuuö Jwøki na täge ki cäänö ki ri Odheea, ena köö jï gø, ni «Ciï ni määnynyï riï ki dhaagø ma kääbi ni jïtï ko obwöre mo nywøl ka køør bëët käp, kiper jiy atïmö ni ge bëëdö ka bëët käp mo raac døc yi ŋöömö man, ni wecge aani, a na Wuuö Jwøk.»

Milkiya 1:6

Wuuö Jwøk, eni na wïth jammi bëët, aköö, ni «Nyilaal wänni di wøørø, ni ö ŋat tïïci ni wøør kwäärö mare. Wøp nø; ?ni näk mo aana wääu, age wödö mana nyoothu jïra? ?Ni näk mo aana kwääyu thuwø, age lwär mana nyoothu jïra? Uuni na dïlämme, beeye uuni na taak aani. «'Ba uuna köö, ni ‹?Ï ewa taaø nidïï?›

Milkiya 2:11

Jøøa bëëdö yi ŋööm Juuda gena tïïö ka atade, ni tïïge ki gïn mo raac døc yi Icriel ki yi Jerucalem, kiper jøøa bëëdö yi ŋöömmögø, øt lam na en kur keere mar Wuuö Jwøk mana mëëre ki gø apäätge ki køør mana nyöömge ki mään mo wøøra jwøk mør.

Jøøn 8:38

Aani, a caana moa jooda baŋ Wära, ba uuni, u tïïya moa wïnynyu baŋ wääu.»

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Tiet Ciik 14:1

«Uuni, uuna jic Wuuö Jwøk na näk Jwøu; kanyo näk mo dhaanhø jwöŋö kiper dhaanhø mo othøw, kär dëëre pwöde ki gïn mo beth, ni ba gwäär wïïe wøk.

Tiet Ciik 32:6

?Aŋø, u na jø Icriel, u ka bøøre møn, ni wïthu ba leer, uuna cäŋ tïmö nou tïïya gïï mo reyø na kar gïïa beyø na tïïc Wuuö Jwøki jïïu? ?Aŋø, eni paa wääu na cwääc uuni, na tïïc uuni ni tietu këëtge piny?

1 Jøøn 3:12

ni ba tïmø kaamar Keen, eni na dhaanh ŋata raac na 'näk coki. ?Aperŋø na 'näk gø? Nääe kaper tïïe moe na reyø, ni ö mo coki ni becge.