Jøøn 8:32 - Wëël Jwøk

³² Ni dou adïëri ŋääö ni ö adïëri ni pät uuni.»

Jøøn 8:32 Iomraidhean Croise

Pwöc Leec Wïc 1:23

Doo na mo uuno jïëy ki juuk mara, ka adïëri møn, cwïnya daa käla wøk jïïu, ni daa acaare 'moa wëëk uuni.

Pwöc Leec Wïc 1:29

kiper mana bëëtge ni ge män ki kwänynyö, ni kärge jöö man lwäärge Wuuö Jwøk ki gø jierø.

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Aydheea 2:3

Wïth juurre mo thööth öö ni köge, ni «Ööu, owaa cøø bäät Kïn Wuuö Jwøk yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Aydheea 30:21

Kanyo wäru cäädhu nou gaa bäät cwïïc wala bäät caam, dwøl wïnynyu wïnynyö ŋäthu mo köö, ni «Jöö en, cäädhu ki yie.»

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Jeremaya 6:16

Luumma caan Wuuö Jwøki jï jiye beeye en, ena köö, ni «Cuŋŋu ya agääk jïëthe, ni raŋŋu gø døøc, ni pëënynyu uutjïëtha cääŋŋe, man näk mo jööra beer a mane, ni putu wääth ki yie; køøre uuno jïti ki jwömö ki yïth cwïnynyu. 'Ba uuna köö, ni ‹Jïwa bäyö, wa ba cäädhi ki yie.› »

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Ciik Kiper Dïlämme 25:41

Køøre nø, eni ki wääte wär weyï nee aacge, ni døøge baŋ jø tuuŋge, nee lønye jïre ki man døø yi ŋööm kwäcge.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Mathiew 11:29

Kïthu jaadha bäätu, ni wø caal jaath puur man wø rïï ŋut dhieŋ, ni kwänynyu ki køøra, kiper a mwöl ni cwïnya bäŋ atöör. 'Ba uuno jïti ki jwömö kiper gïïa en cwïnynyu.

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 1:17

Kiper Ciik Jwøk cïp ka ri Modhe, 'ba met ec ki moa näk adïëri ööi ka køør Jecu Krictø.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 16:13

'Ba kanyo ö Jwïëc Jwøki ni wø cïp adïëri, moa näk adïëri bëët onyoodhe jïïu. Kiper eni bäŋ gïn mo caane ki wïïe keere, 'ba man wäro wïnynye beeye noo caane. 'Ba japo tägi yi nyïm, ocaane jïïu.

Jøøn 17:17

Cïp geni kur keerge kiperï ki køør adïëri. 'Ba luummï beeye na adïëri.

Jøøn 6:45

'Ba ogöörö yïth luup nyïïkuk Jwøk, ni ‹Geno pwöny Jwøki bëët.› 'Ba jiy bëët mo wø wïny dwør Wuuö ni kwanyge tier gø, ge ööa baŋa.

Jøøn 7:17

Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Jøøn 8:36

Kiper manøgøøni, ni näk uuno pät Wäädö, uuno pädö møn.

Wëëlö Mana Göör Pøølli Baŋ Jø Röm 6:22

'Ba kawaane na nø pät uuni ceŋ raay, ni tïmu na laaŋe mo Jwøk, gïna duue jïïu, uuna tïmö nou ena kur keeru na mo Jwøk, ni cuŋŋe beeye kwøw mana näk adïëri mo bäŋ cuŋŋe.

Wëëlö Mana Göör Pøølli Baŋ Jø Röm 8:15

Kiper u kär wëëk jwïëy mo tïïya uuni na laaŋe nou cäŋu lwäyö. 'Ba uuna wëëk Jwïëy mo tïïya uuni na nyïï Jwøk. Kiper kany wø jwöŋø, ni «Abba, Awuuö,»

Wëëlö Mana Göör Pøølli Baŋ Jø Röm 8:2

Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

1 Körin 7:22

Kiper eni na cwøl Wuue ni ena laŋŋø na bëëde, ena tïmö na dhaanhø mo opät Wuue. Kaawat manøgø thuwø, ŋata cwøl na näk bëëdö ka wïïe na bëëde, ena tïmö na laŋ Krictø.

Galeecia 5:1

'Ba øøna pät Krictø, nee ø bëëdö ni øøno pädö. Kiper manøgønø, cuŋŋu nou teek. Ni ba cäŋu jïëy ki bëët laŋ ni caal twöc.

Galeecia 5:13

'Ba nyïïmera, uuna cwøl nou bëëdu ni uuno pädö. 'Ba kär nou tïïya pät maru ni beeye jöö man tïïyu mo dëël ki gø. 'Ba ŋati man nø beerra man tïny ŋati man nø ki køør mëër.

2 Timöthi 3:7

määr wø laar dööt jiy jïëc jaak, na adïëri ba maarge kwany.

Jeemeth 1:25

'Ba ŋat wø raŋ ciik Jwøk na näk kare døøc, na näk beeye jöör pät jiy, ni put bëëtö ri gø ni ena ŋat tïïc man wø tïïc gø, ni ba tïme na ŋat wø wïny luubö jaak ni wø wïïe wïl, teeŋ ŋatøgøøni ogwïëth kiper mana tïïe.

Jeemeth 2:12

Kiper manøgønø, beerra man cäänu ni tïïu ni uuna jiy mo luupge ŋøl piny ka ri luum jöör pät jiy.

1 Piter 2:16

Bëëdu ni uuna jiy mo opädö. 'Ba bëëtö maru ni uuno pädö, kär nou døøya gø jöö man tïïu ki raay ki gø. 'Ba bëëdu ni uuna jiy mo tïnynya Jwøk.

2 Jøøn 1:1

Aana jaan acooŋ Jwøk naa määtha dhaaŋŋa näk ojierø ki nyïïe, jøøa mëëra ki geni ki ra adïëri, ni patha a keera, 'ba këël jøøa ŋäc adïëri bëët thuwø,