Jøøn 8:31 - Wëël Jwøk

³¹ Kanyøgø nø Jecu aköö jï jø Juuth moa näk ojïëy ki eni ni ŋääthge gø, ni «Ni näk mo pwöc 'moa wø kïthu bäät tïïc cooth, uuna bääga møn.

Jøøn 8:31 Iomraidhean Croise

Mathiew 24:13

'Ba ŋato jïëny gïïögø këël aŋuunne, opiem.

Jøøn 1:47

'Ba na ö Jecu na joot Nathaniel ni ööa baŋe, ena köö jïgø, «Neennu, man beeye nyï Icriel møn, mana näk bäŋ cwøk cwïnye.»

Jøøn 2:2

Ni Jecu thuwø ocwølø kar nywöm ki bääge.

Jøøn 6:55

Kiper dëëra beeye cam møn, ni remma beeye maath møn.

Jøøn 8:36

Kiper manøgøøni, ni näk uuno pät Wäädö, uuno pädö møn.

Moa Tïïc Nyïïatwieli 13:43

'Ba na keeth jiyi øt acooŋ lam, jø Juuth mo thööth, ki jøøa näk dëëtge ege løø na jø Juuth na cwïnyge en køør Jwøk, gena läp køør Pøøl ki Barnaba. Ni ö Pøølli ki Barnaba ni cäänge ki geni ni cøma cwïnyge ki man putge cwïnyge cïp køør met yi Jwøk.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Moa Tïïc Nyïïatwieli 26:22

'Ba a wø køny Jwøki kønyø këël dïcäŋi en. Ni beeye ni cuŋŋa kany en, naa cäänna jøøa kwörge therø ki jøøa kwörge døøŋŋø, naa para luupa car nyïïkuk Jwøki ki moa car Modhe ni doo tägö, ni bäŋ gïn mør mo kïtha bäätge,

Wëëlö Mana Göör Pøølli Baŋ Jø Röm 11:22

Neen bäth yi Jwøk ki teek dwøre, ni beeye dwøl mo teek kiper jøøa pädhö, 'ba beeye bäth yi Jwøk kiperï, ni näk miï puta bëëtö yi bäth ec mare. 'Ba ni näk miï ba bëëdö ree, ï ŋula wøk thuwø.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

1 Timöthi 2:15

'Ba dhaagø okøny thuwø kiper mana nywøl jiy, ni näk eni puta bëëtö ri ŋäädhe ki mëër, ni ena kur keere, ni mwöl.

1 Timöthi 4:16

Gwøk riï ki pwöc marï ni putï gø ŋäc, kiper noo tïïï na enøgønø dëërï okønyï ki jøw owïny moï.

2 Timöthi 3:14

'Ba ïïni ki dëërï put bëëtö ki køør gïna kwanyï na jïëyï døøc ki cwïnyï bäre, niï lääŋŋa jøøa kwanyï gø baŋge,

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

Ibaru 8:9

Ni ba caal luubö mana tuuda ki kwäcge, dïcäŋa maa ceŋge naa bwødha ge wøk ki yi ŋööm Ijep, kiper ge kär put bëëtö ri luumma tuuda ki geni, ni beeye na kära marge wïnynyö. Luummögø caana Wuuö Jwøki.»

Jeemeth 1:25

'Ba ŋat wø raŋ ciik Jwøk na näk kare døøc, na näk beeye jöör pät jiy, ni put bëëtö ri gø ni ena ŋat tïïc man wø tïïc gø, ni ba tïme na ŋat wø wïny luubö jaak ni wø wïïe wïl, teeŋ ŋatøgøøni ogwïëth kiper mana tïïe.

1 Jøøn 2:19

Gena aay dïïø, 'ba ge ba en dëëtø cøøn. Onää ge ena dëëtø, ge doo puta bëëtö ki øøni. 'Ba gena aay dïïø, kiper nee ge ŋäc ni ge ba en dïïø cøøn.

1 Jøøn 2:24

Wëëgu gïna wïnynyu cøøn bëëtö cwïnynyu. Ni näk gïna wïnynyu cøøn bëëdö cwïnynyu møn, uuno put bëëtö dëër Wäädö ki Wuuö.

2 Jøøn 1:9

'Ba ŋat wø reŋ nyïm ni ba bëëdö ri pwöc Krictø, tøør ri Jwøk. 'Ba ŋat wø bëën pwöc Krictø, ena ri Wuuö ki Wäädö karge riet.

1 Camiel 12:14

Ni näk mo uuni ki nyeya maru ni bëëdu tiere enø, u bëëdö nou lwäär ki Wuuö Jwøk, Jwøk maru, ni tïnynyu eni, ni leŋŋu dwøre, ni ba dhallu dwøre, ni caathu jööre, doo beer.