Jøøn 8:28 - Wëël Jwøk

²⁸ Kanyøgø Jecu aköö, ni «Noo ŋaabu Wär Dhaanhø maal, oŋäyu nø ni beeye aani na eni, ni bäŋ gïn mo tïïa ki wïïa keera, 'ba a wø cäänö keda mana ö Wuue na pwöny aani.

Jøøn 8:28 Iomraidhean Croise

Bwøth Wøk 3:14

Ni kö Jwøki jï Modhe, ni «Beeye aani ni nut en.» Ni cäŋ köö, ni «Wär caanï jï jø Icriel, ni ‹Jwøa cwøl ni «Aani ni nut en» bee eni na jääŋ aani baŋu.› »

Mathiew 24:5

Kiper jiy mo thööth oööi ki nyeŋŋa, ni kö ŋati man nø, ni ‹Beeye aani na Krictø.› Ni ö geni ni maaŋge wïth jiy mo thööth.

Maak 13:6

Jiy mo thööth oööi ki nyeŋŋa, ni köge, ni ‹Beeye aani na eni.› Ni ö geni ni maaŋge wïth jiy mo thööth.

Luk 21:8

Ni kööe, ni «Gwøgu rou, nee wïthu ba maaŋŋi. Kiper jiy mo thööth oööi ki nyeŋŋa, ni köge, ni ‹Beeye aani na eni,› ni ‹Kanya wäŋŋi acäännö.› Kär nou cøøa køørge.

Jøøn 11:42

Ni ŋääa ni mara wø wïnynyï wïnynyö cooth. 'Ba man, caana kaper jøøi ni cuŋŋi buuta en, kiper nee jïëcge naa jääŋŋa ïïni.»

Jøøn 13:19

'Ba a caana gïn jïïu kawaane, kany poode ni poot kär tägö, kiper kanyo täge nee u jïëyu ni beeye aani na Eni.

Jøøn 16:10

'Ba bëënynyö onyuth geni, kiper a cøøa baŋ Wuuö naa ba laaru joot.

Jøøn 18:32

Manøgø tägi kaper nee luubö mana kwøŋ Jecu caan thur kare, ni nyootha thøø mano thøøe ki gøøni.

Jøøn 19:18

Kanyøce ena gurge bäät jaadha no odëëdö, ni 'näkge gø ki jiy ariiø møøk, na aciel ena bäät caam, ni maya ena bäät cwïïc. Ni Jecu ena yïthakicge.

Jøøn 3:11

Adïëri møn a caana gø jïrï, wa caana gïn mo ŋäcwa, ni wa køpa mana neenwa. 'Ba u kär jïëy ki luumwa.

Jøøn 3:14

'Ba Wär Dhaanhø ŋaaba maal kaawat mana ö Modhe na ŋaap thwöl maal dï paap,

Jøøn 4:26

Ni kö Jecu jïre, «Beeye aani ni cäänö ki ïïni en.»

Jøøn 5:19

'Ba Jecu aköö jïge, na «Adïëri møn, a caana gø jïïu, ni Wäädö bäŋ gïn mo dee maara tïïc ki wïïe keere, 'ba gïn wø neene ni wø tïïc Wuue beeye wø tïïe thuwø. Kiper gïn wø tïïc Wuue beeye wø tïïc Wäädö thuwø.

Jøøn 5:30

«Aani bäŋ gïn mo daa maara tïïc ki wïïa keera. 'Ba luup wø ŋøla ki køør mo wø wïnynya baŋ Jwøk, ni ŋøl mara thïïŋ, kiper a ba cac man wø manynya keera, 'ba a wø caya man wø many Ŋata jääŋ aani.

Jøøn 6:38

A kär öö ki maal ni ööa piny naa tïïa mana manynya ki wïïa keera, 'ba beeye mana many Ŋata jääŋ aani ni wø tïïa.

Jøøn 8:24

Anø caana jïïu, ni ‹Uuno thøø yïth raay mou.› Kiper ni näk mou ba jïëy ni beeye aani na eni, u thøøa yïth raay mou.»

Jøøn 8:27

'Ba geni tier gø kucge, ki man näk mo eni cäänö kaper Wuuö.

Jøøn 8:58

Ni løgi ya Jecu jïge, na «Adïëri møn a caana gø jïïu, kanya poot Eeberammi ni poot kär nywølø, a nutö.»

Moa Tïïc Nyïïatwieli 2:41

'Ba kanyøgø nø jøøa jïëy ki luumme, gena lwøk na nyuudhi. 'Ba dïcäŋöca jøøa dwätö ki bääk Jecu, ge jïtö ki kar kume adäk.

Moa Tïïc Nyïïatwieli 4:4

'Ba jiy mo thööth moa wïny luum Jwøk gena jïëy ni ŋääthge. 'Ba jøøka jïtö ki kume abïïc.

Wëëlö Mana Göör Pøølli Baŋ Jø Röm 1:4

Ni beeye eni na nyooth na O Jwøk ni eni teek ki køør Jwïëc Jwøk na en kur keere kanya tïŋi maal ki yi thøø. Ni beeye Jecu Krictø na näk Kwääyø,

Tiet Ciik 18:18

Aano tïŋ maal ki nyikuŋ Jwøk dï jø poge mo caala ïïni, ni cïba luup 'moa dhee, ni ö eni ni caan luupo köömma eni ki ge bëët jïge.