Jøøn 8:26 - Wëël Jwøk

²⁶ Aani jïra da luup mo thööth mo caana caanø kiperu, ki mo thööth mo ŋøla piny. 'Ba eni na jääŋ aani beeye adïëri, ni luup moa wïnynya baŋe beeye ni wø caana jï jø piny.»

Jøøn 8:26 Iomraidhean Croise

Jøøn 15:15

U ba cwøla ni uuna laaŋe këët. Kiper laŋŋø gïn wø tïïc kwääye kuue. 'Ba uuna cwøla ni uuna nyïïawääta, kiper jammi bëët moa wïnynya baŋ Wära anyoodha jïïu.

Jøøn 16:12

«'Ba jïra poot da luup mo thööth mo daa caanø jïïu. 'Ba ba maar lønyø jïïu ki man wïnynyu gø kawaane.

Jøøn 17:8

Kiper luup moa cïpï jïra, acaana jïge, ni jïëcge ge, ni ŋäcge na adïëri naa käla baŋï. Ni jïëcge naa jääŋŋa ïïni.

Jøøn 18:20

Ni løgi ya Jecu jïre, ni «A wø cäänö ni wïnyö jaak jï jø piny, naa wø pöö cooth yïth uut acook lam ki yi kal mar Øt Jwøk Mana Dwøŋ, kany wø cuŋ jø Juuthi yie bëët, ni bäŋ gïn mo yaa caanø ni yaa mooŋø.

Jøøn 3:11

Adïëri møn a caana gø jïrï, wa caana gïn mo ŋäcwa, ni wa køpa mana neenwa. 'Ba u kär jïëy ki luumwa.

Jøøn 7:16

Ni løgi ya Jecu jïge, «A ba pöö ka mara, 'ba beeye mar eni na jääŋ aani.

Jøøn 7:28

'Ba Jecu na pööe Øt Jwøk Mana Dwøŋ, dwøre atïŋ maal døc, ni kööe, «Uuni, a ŋäyu. Ni ŋäyu kuna ööa ki yie. 'Ba aani, a kär öö ki wïïa, a keera. Eni na jääŋ aani beeye na adïëri, 'ba eni kuyu.

Jøøn 8:25

'Ba gena köö jïre, «?Ïïna ŋa cøøn?» Ni kö Jecu jïge, ni «Mana kwøŋa caan jïïu wïlöölö beeye ni pooda ree en.

Jøøn 8:27

'Ba geni tier gø kucge, ki man näk mo eni cäänö kaper Wuuö.

Jøøn 8:40

'Ba kawaane u caya man 'nägu aani, ni aana ŋat maa caana adïëri jïïu mana wïnynya baŋ Jwøk. Manøgøøni patha mana tïïc Eeberammi.

2 Körin 1:18

'Ba kaawat man bëëdö ni Jwøk adïëri en, luumwa na caanwa jïïu kär tïmö na dööti ariiø.