Jøøn 8:21 - Wëël Jwøk

²¹ Ni cäŋ Jecu köö jïge, ni «Aano aay, ni cayu aani, 'ba uuno thøw yïth raay mou. Ni kuno cøøa yie, u ba dou maara ö yie.»

Jøøn 8:21 Iomraidhean Croise

1 Nyeye 18:10

Ŋëët Wuuö Jwøk, Jwøï na kwøw, bäŋ tier paac mo odööŋ ni nyeya mara kär jääk yie kuna many ïïni. 'Ba kany wø köge, ni ‹Ilaaja tøør kany,› eni jø paaneca wø pute ka tïïc nee kööŋge niï kärge joodø.

Jööp 20:11

Eni cuu moe teek kaamar cuu wøp; 'ba teek mare poot thøw na aciel ki eni ni cige yïth ŋøøm.

Pwöc Leec Wïc 11:7

Ŋata raac kanyo thøøe, gïïa ŋäädhe puta ränynyö, ni ö gïïa lääŋŋe ni joode joodø ki køør teek mare ni ränyge.

Pwöc Leec Wïc 14:32

Ŋata raac wø ränynyö ki køør tïïe moe na reyø, 'ba ŋata mare beer kanyo thøøe, da kare mo di ŋäädhö mo cøøa yie.

Aydheea 65:20

«Kar kaace otïmö ni bäŋ nyilaal mo thøw ni thiinh këët, ni bäŋ dhaanhø mo thøw ni kär jäŋ ki cwiiri. 'Ba ni näk dhaanhø thøw ni cwiiye dïpa, poot nëëni ni thiinh jaak; 'ba ni näk da ŋat mo ba pïï ri dïpa, di købø no ocienø.

Mathiew 23:39

Kiper a cäänna uuni, naa ba jootu këët, këël mano kööu, ni ‹Gwïëth en jï ŋat ööi en ki nyeŋ Wuuö Jwøk.› »

Mathiew 25:41

«Kanyøgønø, eno köö jï jøw oen bäät caame, ni ‹Aayu buuta, u na näk ocienø; cou yi maaa näk bäŋ cuŋŋe kar ajäla, na näk ojiiŋŋø kiper anägö ki nyïïatwiete.

Mathiew 25:46

«Kanyøgø jøøgø geno ci kar ajäla mo bäŋ cuŋŋe, ni ö jøøa marge beer ni cige kar kwøw mana näk adïëri na bäŋ cuŋŋe.»

Jøøn 12:33

Luummögø caane ni nyootha thøø mano thøøe ki gø.

Jøøn 12:35

Ni kö Jecu jïge, ni «Tar obëëdö dïïu ki kany mo thiinh. Cäädhu kany poode ni tar bëëdö dïïu en, kiper nou ba mac muudhe. 'Ba ŋat wø cäädhi yi muudhö, kun wø ci yie kuue.

Jøøn 13:33

Nyïïobwöre, a poot en buutu ka kany mo thiinh. Aani, aano cayu, 'ba kanyo cøøa yie, u ba doo maara ö yie, kaawat mana caana gø jï jø Juuth. Ni beeye ni caana jïïu en.

Jøøn 7:34

Aano cayu, ni ba jootu aani. 'Ba kanyo ena yie, u ba doo maara ö yie.»

Jøøn 7:36

?Tier mare nidïï na caan luummögøøni, ni ‹Aano cayu, ni ba jootu aani, ni kanyo ena yie, u ba doo mara ö yie›?»

Jøøn 8:24

Anø caana jïïu, ni ‹Uuno thøø yïth raay mou.› Kiper ni näk mou ba jïëy ni beeye aani na eni, u thøøa yïth raay mou.»

Epeca 2:1

'Ba Jwøk uuna tïïe nou kwøw kanya bëëdu ni uuno thøw kiper gïïa dhallu ki japa reyø na tïïyu,