Jøøn 8:19 - Wëël Jwøk

¹⁹ 'Ba kanyøgø, gena köö jïre, «?Aŋø, wäru, age eni?» Ni løgi ya Jecu, «Uuni, a kuyu, ni kuyu Wära thuwø. Onää a ŋäyu, Wära dou ŋääö thuwø.»

Jøøn 8:19 Iomraidhean Croise

Jeremaya 22:16

Eni kee luup jøøa no ocaarø ki luup jøøa can aŋøle na karge, ni bëët paaci bäre na wøp. ?Aŋø, ki man ŋäc aani, a na Wuuö Jwøk, paa beeye ki man tïïc teeŋ tïïe moøgø nø?

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

Jøøn 1:10

Eni ena piny, ni beeye eni na cwääc piny ki køøre, 'ba eni kär ŋec jø pinynyi.

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 15:21

'Ba moøgø bëët otïïcge dëëtu kiper nyeŋŋa, kiper na kucge Ŋata jääŋ aani.

Jøøn 16:3

'Ba gïnögø otïïcge kiper na kucge Wuuö ki aani bëët.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 7:28

'Ba Jecu na pööe Øt Jwøk Mana Dwøŋ, dwøre atïŋ maal døc, ni kööe, «Uuni, a ŋäyu. Ni ŋäyu kuna ööa ki yie. 'Ba aani, a kär öö ki wïïa, a keera. Eni na jääŋ aani beeye na adïëri, 'ba eni kuyu.

1 Körin 15:34

Cäŋu wïthu caarrø, ni ba bääyu këët. Kiper jø møøk bäŋ gïn mo ŋäcge kiper Jwøk. Ni gïn caana naa lääa wïthu.

Galeecia 4:9

?'Ba kawaane na tïmu ni Jwøk ŋäyu, ni doo beerra mana daa köö, ni uuna tïmö nou ŋäc Jwøki, uuna dou cäŋ døø baŋ juu moøgø nidïï, na näk jïge bäŋ teek ni bäŋ karge, ni cäŋu tïmö ni uuna laakge en?

Epeca 1:17

nee Jwøk na näk Jwø Kwääyø ma Jecu Krictø, ni näk Uun ajiem, nee u mooe ki wïdhi mo leer, ki cwïny mou wëëge ka ŋäc eni,

Köløcia 1:10

nou bëëdu ki bëëtö mo beer mo rømø jï Wuuö, ni tïïyu gïï wø met yie ki geni keerge, nou kännö ki nyïëdi yïth tïïe moo beyø moo tïïyu bëët, ni meetu mana ŋäyu kiper Jwøk,

Köløcia 1:15

'Ba eni na Krictø röömi ka Jwøk na näk ba neen, ni beeye kaa dï jammi bëët moa cwääc.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

1 Jøøn 2:23

Ŋat mo kwier Wäädö tøør ri Wuuö. 'Ba ŋat wø jïëc Wäädö, ena ri Wuuö thuwø.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

2 Jøøn 1:9

'Ba ŋat wø reŋ nyïm ni ba bëëdö ri pwöc Krictø, tøør ri Jwøk. 'Ba ŋat wø bëën pwöc Krictø, ena ri Wuuö ki Wäädö karge riet.