Jøøn 8:14 - Wëël Jwøk

¹⁴ Ni løgi ya Jecu, «Këël doo naa a køpa gïra keera, luumma caana beeye adïëri. Kiper aani, kuna käla yie ki kuno cøøa yie ŋääa. 'Ba uuni kuna käla yie ki kuno cøøa yie kuyu.

Jøøn 8:14 Iomraidhean Croise

Pwöc Leec Wïc 8:7

Kiper leeba wø cara gïï ma adïëri, ni dhaa män ki gïï mo reyø.

Kwään Jiy 12:3

'Ba Modhe beeye dhaanhø mo mwöl døc, ni mööl mare kaala mar jiy bëët moa en bäät piny.

Jøøn 10:15

kaa mana ö Wuue ni ŋäc aani, ni ŋääa Wuuö thuwø. Ni aani jwïëya cïba cïbö kiper dïëk.

Jøøn 10:36

aŋø, u doo köö, naa jädö, a na cïp Wuue kur keere ni jääŋŋi piny, kiper na kööa, ni ‹Aana O Jwøk›?

Jøøn 13:3

Jecu na ŋäc gø ni jammi bëët ocïp Wuue cere, ni eni ööi ka baŋ Jwøk, ni eni cäŋa døø baŋ Jwøk,

Jøøn 14:10

?Ï paa ojïëy naa ena ri Wuuö, ni ö Wuue ni en raa? Ni luup moa cara jïïu, ba caana ka wïïa keera. 'Ba Wuuö ni wø bëëdö raa, beeye wø tïïc tïïe moe.

Jøøn 16:28

A käla baŋ Wuuö møn, ni ööa piny en. 'Ba a cäŋa aay piny ni døøa baŋ Wuuö.»

Jøøn 17:8

Kiper luup moa cïpï jïra, acaana jïge, ni jïëcge ge, ni ŋäcge na adïëri naa käla baŋï. Ni jïëcge naa jääŋŋa ïïni.

Jøøn 18:37

Ni kö Paylati jïre, «?Aŋø, ïïna nyeya nø?» Ni løgi ya Jecu jïre, na «Acaanï na kare ni aana nyeya. Ni beeye na nywöl a kipere, ni beeye gïna ööa piny kipere, naa køpa gïr adïëri. 'Ba jiy bëët mo wø en ra adïëri, dwøra wø leŋge leŋø.»

Jøøn 5:31

Ni näk maa køpa dëëra keera, mana caana ba doo naa adïëri.

Jøøn 8:42

Ni kö Jecu jïge, «Onää Jwøk beeye Wääu, u doo mëër ki aani, kiper Jwøk beeye na käla baŋe. A kär öö ki wïïa a keera, 'ba beeye eni na jääŋ aani.

2 Körin 11:31

'Ba Jwøk na näk Wää Kwäärö ma Jecu, ŋata näk opwøø na bäre bäre, ŋääe ki man näk maa ba caan tööt.

2 Körin 12:11

Aani, aana tïmö keda aana bøøl, 'ba beeye uuni na wëëk aani tïïc gïnögø. Kiper doo naa beeye uuni na doo pwøc aani, kiper aani, kara ba thiinh ki nyïïatwietøgø no okadhø døc yøø, këël na kuc nyeŋŋa.

2 Körin 12:19

?Aŋø, you caarø ni wa piema dëëtwa nyïmmu? Beeye nyïm Jwøk ni cäänwa en ki nyeŋ Krictø. Ni gïïögø bëët tïïcwa kaper nou tëënnu, u no omëëcwa.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 3:14

«Ni göötï baŋ nyïïatwiel maal mar acooŋ Jwøk mana en Leeyödicia, ni kööï, ni «Moi beege luup ŋat wø cwøl ni Enøgønø, na näk lïŋi mana näk adïëri ni wø cäänö ka adïëri, ni beeye na ö Jwøki na cwääc jammi ki ree: