Jøøn 7:7 - Wëël Jwøk

⁷ 'Ba jø piny ba doo maara männö ki uuni, 'ba beeye aani na mänge ki gø, kiper na caana moa reyø na tïïcge.

Jøøn 7:7 Iomraidhean Croise

1 Nyeye 21:20

'Ba Akap aköö jï Ilaaja, «Wui, nyimän mara, aana nø jootï.» Køøre aput Ilaaja dwøgø, ni «Ïïna nø jooda møn, kiper dëërï agathï niï tïïya gïï mo nëëni ni reyø ki jï Wuuö Jwøk.

1 Nyeye 22:8

'Ba nyeny Icriel aköö jï Jøcapat, ni «Poot da dhaanhø aciel mo dwør Wuuö Jwøk døø pëënynyö ki eni, 'ba a män ki gø, kiper poot bäŋ gïn mo beer mo ee nø caan en kipera, 'ba cooth beeye gïn mo raac. 'Ba ŋatøgø beeye Mikaya wär Imla.» 'Ba Jøcapat aköö, ni «Nyeya, luummögø kär caanï.»

Pwöc Leec Wïc 15:12

Ŋat abuua ba many man jooi, ni eni bäŋ wø ci baŋ ŋata wïïe leer.

Pwöc Leec Wïc 8:36

'Ba ŋato ba joot aani raanynya dëëre keere, ni jø wø män ki aani bëët, mëër ka thøø.»

Aydheea 29:21

ni beege jø wø kïth luup bäät jiy ni wø kat luup kar løøk, ni ge cara luup tööt, kiper nee jøøa marge tiir nee ba ŋunni kar løøk.

Aydheea 49:7

Man beeye dwøl mana caan Wuuö Jwøki, eni na wïïl jø Icriel wøk, eni na Jwøa en kur keere; ni luubö manøgø caane jï ŋata no otaaø, na no okwier wïth juurre, na laŋŋø mar dïbwöthe, ena köö, ni «Nyeye ïïno neenge ni öge maal, ni ö kwääri ni këëlge cøŋge piny ni ge wøøra ïïni, kipera, a na Wuuö Jwøk na no oŋäädhö, a na Jwø Icriel na en kur keere na jier ïïni.»

Jeremaya 20:8

Kiper kany wø cääna, a cäänö ni dwøra ena maal døc naa køpa gïr caannø mar jiy ki ränynyö mano tägi. 'Ba luum Wuuö Jwøk akännö bääta ka ajøøŋ ka abuua ki yïth cääŋŋe bëët.

Ciik Kiper Dïlämme 13:10

nee raŋ dïlämi. 'Ba ni näk mo da gïn mo tar mo opäny wøk ki yi buny dëëre, ni wiil jïër ni tar moa en waŋe, ni da rïŋö mo ocwäny wøk ki yi waŋ gïna näk opäny wøk,

Dhekaraya 11:8

'Ba ki yi dwääy aciel, dïkwääc dïëk moa na adäk ariemma. Kiper aana kwierge, ni puta gootø ki geni thuwø;

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Luk 6:26

Otïmö ni raac jïïu, kanyo ö jiyi noo pwøcge uuni, kiper manøgø beeye gïna tïïc kwäcge røk nyïïkuk Jwøk moa näk patha adïëri thuwø.

Jøøn 17:14

Luummï acïba jïge, ni män pinynyi ki geni kiper na ba enge ri mo piny, kaawat mara na ba ena ri mo piny.

Jøøn 3:19

'Ba gïna käl ajäla bäät jiy beeye en; kiper kanya ö tarri piny, jiy atïmö ni ge mëër ka muudhö ni kaala tar, kiper gïïa tïïcge reyø.

Wëëlö Mana Göör Pøølli Baŋ Jø Röm 8:7

Kiper cwïny man wø näk ocïp køør dëël, män ki Jwøk, ni dwør ciik Jwøk ba leŋe, ni ba maar lønyø jïre ki man leŋ gø.

Galeecia 4:16

?Aŋø, kawaane, aana tïmö na nyimän maru kiper na caana mana näk adïëri jïïu?

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

1 Jøøn 4:5

Gena mo piny. Kiper manøgønø, gïn wø caange, ge caana mo piny, ni ö pinynyi ni wïny marge.