Jøøn 7:39 - Wëël Jwøk

³⁹ 'Ba luummögøøni caane kaper Jwïëc Jwøk mano ö bäät jøw ojïëy ki eni ni ŋääthge gø. Kiper kar kaaca Jwïëc Jwøk poot kär cïbö, kiper na poot Jecu ni poot kär jïtö ka ajiem.

Jøøn 7:39 Iomraidhean Croise

Pwöc Leec Wïc 1:23

Doo na mo uuno jïëy ki juuk mara, ka adïëri møn, cwïnya daa käla wøk jïïu, ni daa acaare 'moa wëëk uuni.

Aydheea 12:3

Kiper manøgønø, yïthu omïnni kanyo jootu pïëm ki baŋ Wuuö Jwøk, kaawat man wø mïn yi dhaanhø ki pïï mo wø kwönni ki yi jøøro.

Aydheea 32:15

këël kanyo ö Jwïëc Jwøki noo ööe ki maal noo ö bäätø, noo tïm dï paapi na pwödhö mo ŋöömme beer, ni ö pwödhö mo ŋöömme beer ni kadhe ni tïme kaamar lul mo oløth.

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Jool 2:28

«'Ba noo tïme na køør gïïögø, aani, Jwïëy 'moa kïtha bäät jiy bëët, ni ö wäätu ki nyïïu ni køpge dwøra, ni ö jäle mou ni läkge ki lääk, ni ö wøpe mou ni neenge jammi mo nyïm mo wø nyooth ki yi wïc.

Mathiew 16:14

Ni løkge gø, ni «Møøk wø köö, ni ‹Beeye Jøøn na näk dïlööy na nyuudhi,› ni kö møøki, ni ‹Beeye Ilaaja.› 'Ba møøk wø köö, ni ‹Beeye Jeremaya wala nyikugö aciel dï nyïïkuk Jwøk.› »

Mathiew 21:11

Ni kö lwaaki, ni «Man beeye nyikuŋ Jwøk ma Jecu nyï Nadhareth na en Galili.»

Luk 24:49

'Ba kawaane, a wëëga gïna buuk Wära uuni. 'Ba bëëdu paani, këël mano jïtu ki teek mano ööi ki maal.»

Luk 3:16

Jøøn mare acaane jïge bëët, ni kööe, ni «Aani, dëëtu lwøa ka pïï na nyuudhi, 'ba da ŋat mo dwøŋŋa eni ki aani mo öö, mo thøøth waye ba doo mïërö jïra ki man päda ge wøk. Eni uuno lwøe na nyuudhi ki Jwïëc Jwøk na en kur keere ki maac.

Luk 7:16

Ni put lwärri öö bäätge bëët, ni jiemge Jwøk, ni köge, ni «Nyikuŋ Jwøk mo dwøŋ athïïŋ dïïø, ni Jwøk lïïma jiye.»

Jøøn 1:21

Ni ö geni ni pëënyge gø, ni «?Ïïna ŋa? ?Ïïna Ilaaja?» Ni kööe, na «A patha eni.» Ni köge, ni «?Ïïna nyikuŋ Jwøk mana wäŋŋi?» Ni løk gø, ni «Jïra bäär.»

Jøøn 1:25

Ni pëënyge gøøni, ni «?Ni näk enøgønø, niï patha Krictø, wala Ilaaja, wala nyikuŋ Jwøk mana wäŋŋi, aŋø ni lööï na nyuudhi en?»

Jøøn 1:33

'Ba aani ki dëëra eni kuua. 'Ba eni na jääŋ aani kuna lööa ki pïï na nyuudhi beeye na caan gø jïra, ni ‹Ŋato jootï Jwïëc Jwøk ni öö ni pïïa bääte ni bëëde, beeye ŋato löö ki Jwïëc Jwøk na en kur keere.›

Jøøn 12:16

'Ba dïkwøŋ tier luummögø kär ci cwïny bääge ni beer. 'Ba na jït Jecu ka ajiem, wïthge aputge par ni gïïa näk ogöörö kipere athur karge.

Jøøn 12:23

Ni løgi ya Jecu jïge, ni «Kanyo jiem Wär Dhaanhø yie kare acäännö.

Jøøn 14:13

Gïn wäro pëënynyu ki nyeŋŋa, otïïa, kiper nee Wuuö jïte ka ajiem ki ri Wäädö.

Jøøn 14:26

'Ba Dïkunyi na näk Jwïëc Jwøk na en kur keere, ŋato jääŋ Wuue ki nyeŋŋa, uuno pwönynye ki jammi bëët, ni par wïthu ki jammi bëët moa kwøŋa caan jïïu.

Jøøn 16:14

'Ba aano jieme, kiper gïno näk mara olwøre ni køp gø jïïu.

Jøøn 16:7

'Ba kawaane a cäänna uuni ka adïëri, ni doo beerra eni jïïu ki man aa. Kiper ni näk maa ba aay, Dïkunyi ba ö baŋu. 'Ba ni näk maa aay, eni ojääŋŋa baŋu.

Jøøn 17:1

Kanyøgø na løny Jecu ki caan luupögøøni, ena lwïthö maal ni läme, ni kööe, na «Awuuö, kanya wäŋŋi aöö. Jiem Wäädï, niï jiem Wäädö,

Jøøn 17:5

'Ba kawaane, Wuuö, jiem aani buutï ka ajiem mana kwøŋï aani jiem ki gø na pooda buutï, ni piny poot kär cwääö.

Jøøn 20:22

'Ba na lønye ki caan gïnögø, ena jwïëy bäätge ki jamø, ni kööe jïge, ni «Jwïëc Jwøk na en kur keere jïëyu nee ci dëëtu.

Jøøn 6:14

'Ba na ö jøøgø na neenge ŋïï mana tïïe, gena köö, ni «Ŋati beeye nyikuŋ Jwøk møn, na wäŋŋi ni doo thïïŋö bäät piny.»

Jøøn 7:12

'Ba kanyøgø jiy atïmö ni ge muuŋö døc ki nyeŋŋe. Ni jø møøk köö, ni «Ena dhaanhø mo beer,» ni kö møøki, ni «Path, eni cøøga jiy jaak.»

Jøøn 8:54

Ni løgi ya Jecu, ni «Ni näk maa pwøya dëëra, pwøc mara ba doo thura kare. 'Ba beeye Wära ni wø pwøc aani, ŋat wø gïre caannu ni beeye Jwøk maru.

Moa Tïïc Nyïïatwieli 19:2

Ni kööe jïge, no «?U kär jïtö ki Jwïëc Jwøk na en kur keere kanya jïëyu?» Ni köge, ni «Jïwa bäyö. Poot kärwa wïnynyö cøøn ni da Jwïëc Jwøk mo ena kur keere.»

Moa Tïïc Nyïïatwieli 2:17

«ni ‹Jwøk aköö ni ki yïth nïne moo näk aŋuudi, Jwïëya okïtha bäät jiy bëët. Ni ö wäätu ki nyïïu ni køpge dwøra, ni ö wøpe mou ni neenge jammi moo en yi nyïm mo wø nyooth ki yi wïc, ni ö jäle mou ni läkge ki lääk.

Moa Tïïc Nyïïatwieli 2:33

'Ba kawaane kiper na tïŋi maal ni wëëgi ajiem bäät cwïï Jwøk, ni wëëgi Jwïëc Jwøk na en kur keere na buuk Wuue jïre, gïn neennu en ni wïnynyu en awëëk ööny bäätwa.

Moa Tïïc Nyïïatwieli 2:38

Ni kö Piterri jïge, ni «Løgu cwïnynyu ni lwøk uuni na nyuudhi u bëët, ki nyeŋ Jecu Krictø, kiper nee gïïa bayu nee wec. 'Ba Jwïëc Jwøk na en kur keere ocïp jïïu na muuy.

Moa Tïïc Nyïïatwieli 2:4

Ni pääŋ dëëtge bëët ki Jwïëc Jwøk na en kur keere, ni täkge ki cäänö ki dhøgi møøk, kaa mana ö Jwïëc Jwøki na en kur keere na wëëk ge cäänö.

Moa Tïïc Nyïïatwieli 3:13

Beeye Jwø Eeberam ki Aydhak ki Jeekap na näk Jwø kwäyø, na wëëk ajiem dhaanhnhe ma Jecu, ŋata cïbu ceŋ jiy nee 'näkge, ni kwierru gø nyïm Paylat kanya caar gø ni päde pädö.

Moa Tïïc Nyïïatwieli 4:31

'Ba kanyøgøøni na lønyge ki lam, kanya näk dëëtge ege cooŋ yie ree ajäŋe, ni pääŋ cwïnyge bëët ki Jwïëc Jwøk na en kur keere. Ni køpge luum Jwøk ni cwïnyge da cer.

Wëëlö Mana Göör Pøølli Baŋ Jø Röm 8:9

'Ba uuni, u ba en ri mo dëël. U ena ri mo Jwïëc Jwøk, ni näk Jwïëc Jwøk bëëdö cwïnynyu møn. Kiper ŋat wø Jwïëc Krictø tøør cwïnye, ŋatøgø patha mare.

2 Körin 3:8

a tïïc mar Jwïëc Jwøk a dee bäŋ ajiem mare nidïï mo kaala gø?

Epeca 4:30

Kär cwïny Jwïëc Jwøk na en kur keere wëëgu ränynyö, ŋata jootu ŋïï ree kiper cäŋo wïïr kwöri mou yie.