Jøøn 7:37 - Wëël Jwøk

³⁷ 'Ba na tïme na aŋuun nïr ajwöm-cam, cäŋa näk mo dwøŋŋa eni, Jecu ree athïïŋe ni tïŋ dwøre maal døc ni kööe, «Nee da dhaanhø mo ree da riew, wär eni ö baŋa nee mädhe.

Jøøn 7:37 Iomraidhean Croise

Neemiya 8:18

Edhera abëëdö ni wëël ciik Jwøk kwaane kwaanø ki yïth nïne bëët ki mana täge ki dïcäŋ mana dïkwøŋ këël mana këët yi cäŋ mana näk aŋuudi. Gena bëëdö ni ge wøøra ajwöma ki nïne abïriiø; 'ba na tïme na ri bäc nïne, gena jïtö ka acooŋa mo ena kur keere ki køør luubö mana näk ocïp piny.

Dut Pwøc 63:1

Pwöc Leec Wïc 1:20

Leec wïc bëëdö ni cwödö øtjöö, ni dwøre ee tïŋ maal kwör acooŋe;

Pwöc Leec Wïc 8:1

?Aŋø, leec wïc käru wïnynyö ni cwödö? ?Na acaara thuwø, dwøre ee tïŋ maal?

Pwöc Leec Wïc 8:17

A mëër ki jø wø mëër ki aani, ni jø wø many aani ki cwïnyge bäre a wø jootge joodø.

Pwöc Leec Wïc 8:3

eni cwödö buut dhøgi mo kiir mar pääny, kwör wø døny jiyi yi kiir ki yïthge, ni kööe,

Pwöc Leec Wïc 9:3

Køøre jø tïïc moe ajääŋŋe wøk, ni ö eni ni cwöde ni ena bäät thuur kanya en maal dï pääny, ni kööe,

Obeec Dudi 5:1

Wui! coka, ni bee ï dhaagø-thiinh mara, aana ö ya ajïniina mara, dwøk 'moa acooŋa, ki jenni 'moa mo wø ŋwääi ni met; aani, ogat kïc ki maar kïc mara acama, ni maadha køøŋ nyïïomøki ki caak 'moa. Wui! nyïïawäätwa, cämu ni mädhu. Wui! omëërri, mädhu ni rømmu.

Aydheea 12:3

Kiper manøgønø, yïthu omïnni kanyo jootu pïëm ki baŋ Wuuö Jwøk, kaawat man wø mïn yi dhaanhø ki pïï mo wø kwönni ki yi jøøro.

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Aydheea 40:6

Dwøl aköö jïra, ni «Gööc piny ki luubö.» Køøre aana köö, na «?A luumma ŋø noo gøøa piny?» Jiy bëët caala luum, na ajiem marge caala wï luum mo oŋøøk yi pwödhö.

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Aydheea 55:1

Wuuö Jwøk aköö, «Wui, u na no onäk riewi bëët, ööu kuna mäthu ki pïï! Wui, u na jïïu bäŋ gwel bëët, ööu ni lwötu ki caammi ni cämu! Ööu ni källu kwøk nyïïomøki ki caak ni bäŋ gwel mo pëënynyi ki uuni, wala gätge.

Aydheea 55:3

Wïnynyu mara, ni ööu baŋa; cegu ïthu nou bëëdu nou kwøw. Aani a tudö ki luubö ki uuni mo bëëdö na bäre bäre, ki køør mëër mara na näk adïëri na nyoodha jï Deebit.

Aydheea 58:1

Wuuö Jwøk aköö, ni «Kwöŋŋu døc ni ba wëëgu döötu jook; tïŋu döötu maal kaamar dwør tuuŋ, nou cara bääyö mar jiya ki raay moge, ge na nyïïkwaac Jeekap.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 2:2

ni «Ciï ni køpï luummi ni wïnyö jï jø Jerucalem, ni kööï ni luumma caan Wuuö Jwøki beeye en, ena köö, «ni ‹Ï na Icriel ï poot lääŋŋa lääŋŋö ki mana cïpï cwïnyï jïra niï poot thiinh, ki mëër mana mëërï ki aani kaamar dhaagø thiinh, ki mana caathï køøra dï paap bäre, yi ŋöömma näk kär puurö.

Edhikiel 47:9

'Ba naam man kanyo kwöt yie, gïïa näk rege da jwïëy ge bëëdö ni ge kwøw, ni ö Naam Acäbö ni jïte ki rec mo thööth, kiper naam man kwöta yie, ni tïïc pï acäbö ni met. Kiper manøgønø, naam man kany wø kwöt yie jaak, jammi bëët ge bëëdö ni kwøw.

Ciik Kiper Dïlämme 23:36

Ki yïth nïne abïriiø wäru bëëdu nou cïpö ko olämme mo wø waaŋ ki maac jïra, a na Wuuö Jwøk. 'Ba ri bäc nïne, wär jïtu ka acooŋa mo ocïp kur keere ni cïpu ko olämi man wø waaŋ ki maac jïra, a na Wuuö Jwøk. Manøgø beeye aŋuun acooŋa. Kär dee tïïc mo teek mo tïïyu tïïö.

Ciik Kiper Dïlämme 23:39

« ‹'Ba noo tïm nïr dwää abïriiø na apaar kurbïïc, kanyo nø kayu caammi moa en yi ŋöömö maru, ajwöma mar Wuuö Jwøk wär wøørru ki nïne abïriiø. Dïcäŋ mana dïkwøŋ wär jïtu ki jwöm, ni jïtu ki jwöm ri bäc nïne.

Mikiya 6:9

Wui tuuŋ Juuda, ki jø wø käär pääny Jerucalem, wïnynyu gïn. Dwør Wuuö Jwøk cwödö dï pääny, ni köö, ni «Leec wïc beeye ki man lwäär nyeŋ Wuuö Jwøk.

Dhekaraya 9:15

Wuuö Jwøk, eni na wïth jammi bëët, jiye ocwaae, ni ö jiye ni dïïrge wïth nyïïmän moge, ni put tïmö ni ge nyøra kïte moa thööc geni ki ge ri leny. Geno twäädö bäät nyïïmän moge kede geno meer ki køøŋø. Dëëtge opäŋ ki rem jiy moa 'näkge, ni tïmge kaamar athaanh olämme mo päŋ ki remø man wø ker teegi mo gïn wø cïp olämme bääte.

Kwään Jiy 29:35

«'Ba ki ri bäc nïne u doo jïtö ka acooŋa mo ena kur keere, nou ba doo tïïö ki tïïc mo teek.

Mathiew 11:28

«Ööu baŋa, u na näk ööl bëët ki gïï wø tïïyu ki gïïa peek ni wø kääru ki cwïnynyu; uuno mooa ki jwömö.

Mathiew 3:3

'Ba Jøøn beeye ŋata cään nyikuŋ Jwøki ma Aydheea kipere, na kööe, ni «Da dwør dhaanhø mør mo cwödö ŋää paac, ni ‹Jiiŋŋu jöör Wuuö, ni tïïyu uutjïëthe moe ni thïïŋ.› »

Mathiew 5:6

«Gwïëth en bäät jø wø näk owär kiper bëënynyö marge kaamar dhaanhø mo onäk käci ki riew, kiper geno wëëk jäŋö.

Jøøn 1:23

Ni kööe jïge, ni «Aana dwør dhaanhø mo cwödö ŋää paac, ni ‹Tïïyu jöör Wuuö Jwøk ni thïïŋ,› kaawat mana caan nyikuŋ Jwøki ma Aydheea.»

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 4:10

Ni løgi ya Jecu jïre, «Onää muu Jwøk ŋäyï, ki ŋat cäänö ki ïïni en, ni ‹Mooc aani ki pïï naa mätha›, eni diï pëënynyö, ni dee cïpö jïrï ki pï kwøw.»

Jøøn 4:11

'Ba dhaaŋŋøgø aköö jïre, «Kwäärö, jïrï bäŋ gïrpiny mo diï töömmö ki gø, kiper iith man bäär. ?Pï kwøw a diï gø kälö ki kaa?

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 5:40

'Ba u kweeyø ki man ööu baŋa nou jïtu ki kwøw.

Jøøn 6:35

'Ba Jecu aköö jïge, ni «Beeye aani na møk kwøw. 'Ba ŋat wø ö baŋa doo bäŋ käc ree, ni ŋat wø jïëy ni ŋääth aani doo bäŋ riew ree na bäre bäre.

Jøøn 6:37

'Ba jiy mo wø cïp Wära jïra bëët ööa baŋa. 'Ba ŋat wø ö baŋa, ba riemma.

Jøøn 6:55

Kiper dëëra beeye cam møn, ni remma beeye maath møn.

Jøøn 7:28

'Ba Jecu na pööe Øt Jwøk Mana Dwøŋ, dwøre atïŋ maal døc, ni kööe, «Uuni, a ŋäyu. Ni ŋäyu kuna ööa ki yie. 'Ba aani, a kär öö ki wïïa, a keera. Eni na jääŋ aani beeye na adïëri, 'ba eni kuyu.

1 Körin 10:21

Ba doo løny jïïu ki man mäthu ya athöönh Kwäärö, ki man mäthu ya athöönh anäge. Ni ba løny jïïu ki man cammu cam mar Kwäärö ki cam mar anäge.

1 Körin 10:4

ni maathge maath mar Jwøk bëët. Kiper ge mätha ri Kïn Jwøk na cäädhö køørge. Ni kïnnögø beeye Krictø.

1 Körin 11:25

Kaawat manøgø thuwø athöödhi alwøre kanya lønyge ki cam, ni kööe, na «Athöönhnhi beeye athöönh luumma nyään na tuut ki køør remma. Tïïyu gïn kany wäro maathu gø, nou para aani.»

1 Körin 12:13

Kiper øøna lwøk bëët na nyuudhi ki ri Jwïëy aciel nøø tïmø na dëël aciel, nee jø Juuth wala jø mo patha jø Juuth, ki laaŋe wala jøøa bëëdö ki wïthge. Ni wëëk ø maath bëët ki ri Jwïëy aciel.

Epeca 5:18

Käru meeyø ki kwøŋ, kiper beeye wø käl bëëtö mo raac, 'ba cwïnynyu päŋge ki Jwïëc Jwøk,

Mana Nyooth 21:6

Ni kööe jïra, na «Aløny nø. Aana Alpa ni näga Omëëga, ŋata nut wïlöölö ni näga cuŋŋe. 'Ba jø wø dëëtge da riew omooa ki pïï mo ba ŋeew mo käla yi jøøro mar pï kwøw.

Mana Nyooth 22:1

Kanyøgøøni naam pï kwøw anyoodhe jïra, mo tøŋ døc keda wïlli, ni kwönni ka ri wäl Jwøk ge ki Nyidiel,

Mana Nyooth 22:17

'Ba Jwïëc Jwøk ki Dhaagø thiinh ge cäänö, ni «Ööï.» Ni ŋat wø wïny gø wär kööe, ni «Ööï.» Ni ŋato dëëre da riew wär ööe, ni ŋato many man lwöte ri pï kwøw wär lwöte jaak ni bäŋ ŋïëw.