Jøøn 7:33 - Wëël Jwøk

³³ Kanyøgø Jecu aköö, ni «Aano en buutu ki kany mo thiinh; noo näk køøre, aano døø baŋ Ŋata jääŋ aani.

Jøøn 7:33 Iomraidhean Croise

Maak 16:19

'Ba kanyøgønø, na ö Kwäärö ma Jecu na nø cääne ki bääge, ena kïth maal, ni pï bäät cwïï Jwøk.

Jøøn 13:1

'Ba kanya cään kar ajwöm-cam Cäŋa Pööth Thøøe Yie, aŋäc Jecu ni kanyo aae pinyi en noo ci baŋ Wuuö kare acäännö. Ni eni mëër ki jiye na en piny, ni bëëdö ni mëër ki geni këël aŋuun kwøw mare.

Jøøn 13:3

Jecu na ŋäc gø ni jammi bëët ocïp Wuue cere, ni eni ööi ka baŋ Jwøk, ni eni cäŋa døø baŋ Jwøk,

Jøøn 13:33

Nyïïobwöre, a poot en buutu ka kany mo thiinh. Aani, aano cayu, 'ba kanyo cøøa yie, u ba doo maara ö yie, kaawat mana caana gø jï jø Juuth. Ni beeye ni caana jïïu en.

Jøøn 14:12

«Adïëri møn, a caana gø jïïu, ni ŋat wø jïëy ni ŋääth aani, tïïe moa tïïa otïïe thuwø, ni tïïe mo døøŋŋø geni ki moi otïïe, kiper a cøøa baŋ Wära.

Jøøn 14:19

Ki kany mo thiinh a ba neen jø pinynyi këët, 'ba aano neennu. 'Ba kiper na kwøa, uuno kwøw thuwø.

Jøøn 14:28

Awïnynyu na kööa jïïu, na ‹A aay, ni duua baŋu.› Onää u mëër ki aani, yïthu doo mïnnö, kiper a cøøa baŋ Wuuö. Kiper Wuuö dwøŋŋa eni ki aani.

Jøøn 16:10

'Ba bëënynyö onyuth geni, kiper a cøøa baŋ Wuuö naa ba laaru joot.

Jøøn 16:28

A käla baŋ Wuuö møn, ni ööa piny en. 'Ba a cäŋa aay piny ni døøa baŋ Wuuö.»

Jøøn 16:5

'Ba kawaane a døøa baŋ Ŋata jääŋ aani. 'Ba poot bäŋ dhaanhø dïïu mo opëëny aani en, ni ‹?Ï ciï kaa ŋø cøøn?›

Jøøn 17:11

'Ba kawaane a ba en piny këët, 'ba bee geni ni en piny, ni aani, a ööa baŋï. Awuuö, ï na en kur keerï, gwøk geni ki køør nyeŋŋï na teek na näk iï cïbö jïra, nee tïmge na aciel, kaawat marø na nägø aciel.

Jøøn 17:13

'Ba kawaane a ööa baŋï, naa caana gïï ii kany pooda naa ena piny, nee met ec mara thur kare jïge.

Jøøn 20:17

'Ba Jecu aköö jïre, «A kär gäämï, kiper a poot kär ci baŋ Wuuö. 'Ba ci baŋ nyïïmera ni caanï gø jïge, na ‹A cøøa baŋ Wära ni näk Wääu, ni beeye Jwøa ni näk Jwøu.› »

Jøøn 9:4

Ø doo tïïya tïïe mo Ŋata jääŋ aani, kany wø poode na waŋcäŋ. Kiper piny otïmö na wäär, kany wø bäŋe ya ŋat mo tïïö.