Jøøn 7:30 - Wëël Jwøk

³⁰ Kanyøgø gena tïmö ni ge manynya man makge gø, 'ba bäŋ ŋat mo cere ee rwaak baŋ gø, kiper na poot caa mare ni kär öö.

Jøøn 7:30 Iomraidhean Croise

Aydheea 46:10

Gïno tägi ya aŋuudi wø kwøŋa ka caan, ni caana gïïa näk poot kär tïïö, ki kany mo bäär cøøn, ni kööa, ni ‹Luubö mara cuŋŋö kare na adïëri, ni wëëga gïïa met yia ki ge thur karge.›

Mathiew 12:14

'Ba jø Paricith gena aa wøk ni tuutge gïr Jecu, kiper yi jöö mano 'näkge gø ki gø.

Mathiew 21:46

'Ba kanya tïmge ni ge manynya man makge Jecu, gena lwäyö ki lwaak, kiper ojïëc lwaaki ni Jecu beeye nyikuŋ Jwøk.

Maak 11:18

'Ba gïnögø awïny kwääc laammi ki dïpööye mo ciik Jwøk ni määnyge ki jöö man 'näkge eni ki gø, kiper na lwäärge ki eni, kiper mana tïm lwaaki bäre ni yïthge orëëm ki pwöc moe.

Luk 20:19

'Ba yi caannøca kiree, dïpööye mo ciik Jwøk ki kwääc laam, ge manynya man makge Jecu, kiper aŋäcge ki cwïnyge ni luumma caane ni keda leer, geela geni. 'Ba gena lwäyö ki jiy.

Luk 22:53

Kany wø bëëda ki uuni cooth yi kal mar Øt Jwøk Mana Dwøŋ, ceŋŋu käru kïth dëëra. 'Ba beeye karu ennø, ni beeye kar teek muudhö.»

Jøøn 10:31

'Ba jø Juuth gena cäŋ kwänynyö ki kïte nee eni këërge.

Jøøn 10:39

Ni cäŋge tïmö ni ge manynya man makge gø, 'ba kär päth ceŋge.

Jøøn 11:57

'Ba kwääc laam ki jø Paricith onø cïpö ki dwøl, ni noo dee dhaanhø mo ŋäc kanya en yie, wär caane jïge, kiper nee eni makge.

Jøøn 7:19

?Aŋø, ciik Jwøk kär cïp Modhe jïïu? 'Ba bäŋ dhaanhø aciel dïïu mo ciik Jwøk ee gwøø. ?Aŋø ni cayu man 'nägu aani en?»

Jøøn 7:32

'Ba jø Paricith luum lwaaøgø awïnyge ni ge muuŋö na enøgønø ki nyeŋ Jecu. Ni ö kwääc laammi ki jø Paricith ni jääŋge dïkuye mo Øt Jwøk kuna makge gø.

Jøøn 7:6

Ni løgi ya Jecu jïge, «Caa mara poot kär öö, 'ba uuni, caae bëët beyø kiperu.

Jøøn 7:8

Uuni, løny jïïu ki man cou kar ajwöma keeru. 'Ba aani, a ba ci kar ajwöma manøgø, kiper caa mara poot kär öö.»

Jøøn 8:20

Luupögøøni caane buut kar gïn wø cïp muuce yie, kanya pööe yi kal mar Øt Jwøk Mana Dwøŋ. 'Ba bäŋ dhaanhø aciel mo omak gø, kiper na poot caa mare ni poot kär öö.

Jøøn 8:37

Ŋääa ni uuna nyïïkwaac Eeberam, 'ba u poot caya man 'nägu aani, kiper luumma käru maa ki cwïnynyu.

Jøøn 8:59

Kanyøgø gena kwänynyö ki kïte nee eni këërge ki ge, 'ba Jecu ree akane ki geni, ni aa wøk ki yi Øt Jwøk Mana Dwøŋ.

Jøøn 9:4

Ø doo tïïya tïïe mo Ŋata jääŋ aani, kany wø poode na waŋcäŋ. Kiper piny otïmö na wäär, kany wø bäŋe ya ŋat mo tïïö.