Jøøn 7:27 - Wëël Jwøk

²⁷ 'Ba ŋati kanya ööe ki yie ŋääø bëët. 'Ba Krictø noo ööe doo bäŋ ŋat mo ŋäc kuno ööe ki yie.»

Jøøn 7:27 Iomraidhean Croise

Aydheea 11:1

'Ba lwiidhø ojoot ki ri Jeci; ni ö bati mano ööi ki ree ni nywøle ki nyey.

Aydheea 53:8

Ena käl ni di caarø ni kïtha baŋ ajäla. 'Ba yi beenhnhø maneca, bäŋ ŋat mo ocädö kiper gïno tägi yi nyïm, kiper ena ŋul wøk yi ŋöömö mana näk mar kwøw, ni jwør gïï mo leth kiper raay mo jø pøø.

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Jeremaya 30:21

Dïbwödhi marge otïmö na ŋat mo ena rege, ni beeye kwäärö mo käla dëëtge. eno nyïïa buuta, ni ö baŋa. ?Kiper aŋa ni løny jïre keere ki man ö baŋa, a na Wuuö Jwøk?

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Maak 6:3

?Aŋø, paa eni na dïjëëth opämi? ?Eni paa o Meeri, na näk cöök Jeemeth, ki Jöce, ki Juudac, ki Cayman? ?A nyïïmenni moa näk mään bäŋ wø bëëdö kany ki øøni?» Ni taakge gïr gø.

Luk 4:22

Ni ö jiyi bëët ni pwøcge gø, ni yïthge orëëm ki luup moa met na ö wøk ki dhee. 'Ba gena köö, na «?Aŋø, ŋati paa o Jocep?»

Jøøn 6:42

'Ba gena köö, na «?Aŋø, ŋati en paa Jecu o Jocep na wänni ki menni ŋääø? ?Aperŋø ni caan gïnögø kawaane, ni ‹Aana öö ki maal ni ööa piny›?»

Jøøn 7:15

'Ba jø Juuth yïthge athäŋŋö ki pwöc moe ni köge, ni «?Ŋati en luupögø ee kwanyø kaa, ni eni kär pwönynyö?»

Jøøn 9:29

Ŋäcwa ni Jwøk acäänö ki Modhe, 'ba mar nyenøgø, kanya ööe ki yie kiree kucwa.»

Moa Tïïc Nyïïatwieli 8:33

'Ba kanya nø caange gø, ena jäälge ka ajäla mo patha adïëri. ?Aŋa noo par gïr nyïïkwaaye? Kiper ena ŋul wøk ri kwøw mar bäät piny.»