Jøøn 7:17 - Wëël Jwøk

¹⁷ Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Jøøn 7:17 Iomraidhean Croise

Pwöc Leec Wïc 28:5

Jøøa reyø tier ŋøl ma adïëri bäŋ wø ci cwïnyge, 'ba jø wø many Wuuö Jwøk tier gø wø cøøa cwïnyge bäre.

Pwöc Leec Wïc 3:32

Kiper Wuuö Jwøk yie raac ki ŋat wø wel luup, 'ba jøøa marge thïïŋ beege ni wø ŋäädhe.

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Daniel 12:10

Jiy mo thööth di tïïö ni tøŋ, ni tar, ni waany. 'Ba jø raay ge bëëdö ni ge tïïya raay, ni bäŋ ŋat raay mo tiet gïïögø cøøa wïïe; 'ba jøøa wïthge leer, tiet gïïögø cøøa wïthge.

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Mikiya 4:2

'Ba wïth juurre mo thööth öö ni köge, ni «Ööu, owaa cøø bäät Kïn Wuuö Jwøk, yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Mathiew 6:22

«Waŋ beeye lamba mar dëël. Kiper manøgønø, ni näk waŋï tøŋ, dëërï bäre orømø ki tar.

Luk 8:15

'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.

Jøøn 3:21

'Ba ŋat wø tïïc gïn ma adïëri wø ööa yi tar, kiper nee joot møn ni gïïa tïïe käla baŋ Jwøk.»

Jøøn 8:43

?Aŋø ni ba wïnynyu luup mo wø caana jïïu en? Tiere beeye ni ïthu you dhïïŋö ki luumma.

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Jøøn 8:47

'Ba ŋat wø näk dhaanh Jwøk, wø wïnynya luup Jwøk. 'Ba kiper na ba nägu mo Jwøk, beeye ni ba wïnynyu luupe.»

Moa Tïïc Nyïïatwieli 17:11

'Ba jø Juuth moøgø theemma geni ki moa en Thecalönika, kiper gena laar jïëy ki luum Jwøk, ni bëëtge ni ge raŋŋa luup moa en yïth weet Jwøk cooth ki man näk mo luupögø adïëri.