Jøøn 7:14 - Wëël Jwøk

¹⁴ 'Ba kanya poot jiyi ni ge ena kar ajwöma, Jecu aci Øt Jwøk Mana Dwøŋ ni pööe.

Jøøn 7:14 Iomraidhean Croise

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Kwään Jiy 29:17

«'Ba ki ri riet nïne wäru cïpu ki rwädhe apaar kurriiø mo therø, ki nyöök rööm ariiø, ki nyïïdïëk apaar kurŋween ma rööm ma nyööi mo cwiicge oceele, mo bäŋ gïn mo ogwäyö dëëtge.

Kwään Jiy 29:20

«'Ba ki ri dää nïne wäru cïpu ki rwädhe apaar kurciel mo therø, ki nyöök rööm ariiø, ki nyïïdïëk apaar kurŋween ma rööm ma nyööi mo cwiicge oceele, mo bäŋ gïn mo ogwäyö dëëtge.

Mathiew 21:12

Ni ö Jecu ni døny yi kal mar Øt Jwøk Mana Dwøŋ, ni rïëm jøøa gädhö ki jammi wøk bëët yi øt Jwøk, ki jøøa ŋëëö, ni jaal tharabëëte mo jø wø wïïdö ki gwel, ni jaal köömmi mo jø wø gädhö ka akuyi.

Mathiew 26:55

'Ba kar kaagø Jecu aköö jï lwaak, na «?Aŋø, u ööa baŋa kaawat man wø ci baŋ kuu, nou käära opëëlle ka athøre kiper naa magu? Aani, a wø bëëdö yi kal mar Øt Jwøk Mana Dwøŋ naa pöö cooth, 'ba a käru maa.

Luk 19:47

Kanyøgø nø, ena tïmö ni pöö cooth Øt Jwøk Mana Dwøŋ. 'Ba kwääc laam, ki dïpööye mo ciik Jwøk, ki jøøa døøŋŋø wïth jiy, gena määnyö ki jöö man 'näkge eni ki gø.

Jøøn 18:20

Ni løgi ya Jecu jïre, ni «A wø cäänö ni wïnyö jaak jï jø piny, naa wø pöö cooth yïth uut acook lam ki yi kal mar Øt Jwøk Mana Dwøŋ, kany wø cuŋ jø Juuthi yie bëët, ni bäŋ gïn mo yaa caanø ni yaa mooŋø.

Jøøn 5:14

'Ba na näk køøre, ena joot Jecu yi kal mar Øt Jwøk Mana Dwøŋ ni kööe jïgø, «Neenï, dëërï anø jöönnö. Kär niï bääyö këët, kiper nee bäŋe gïn mo raac mo kaala man mo pïï dëërï.»

Jøøn 7:2

'Ba kar kaaca Ajwöm Cam mar jø Juuth man wø wøør ni jøw bëëdö yïth abïle kare ocäännö.

Jøøn 7:28

'Ba Jecu na pööe Øt Jwøk Mana Dwøŋ, dwøre atïŋ maal døc, ni kööe, «Uuni, a ŋäyu. Ni ŋäyu kuna ööa ki yie. 'Ba aani, a kär öö ki wïïa, a keera. Eni na jääŋ aani beeye na adïëri, 'ba eni kuyu.

Jøøn 7:37

'Ba na tïme na aŋuun nïr ajwöm-cam, cäŋa näk mo dwøŋŋa eni, Jecu ree athïïŋe ni tïŋ dwøre maal døc ni kööe, «Nee da dhaanhø mo ree da riew, wär eni ö baŋa nee mädhe.

Jøøn 8:2

'Ba na tïme na amöölla cøøn, ena cäŋ duu Øt Jwøk Mana Dwøŋ. Ni ö jiyi bëët baŋe, ni pï piny ni pwöny geni.

Jøøn 8:20

Luupögøøni caane buut kar gïn wø cïp muuce yie, kanya pööe yi kal mar Øt Jwøk Mana Dwøŋ. 'Ba bäŋ dhaanhø aciel mo omak gø, kiper na poot caa mare ni poot kär öö.