Jøøn 7:1 - Wëël Jwøk

¹ 'Ba na tïme na køør manøgøøni, Jecu atïmö ni wïïra yi Galili, ni ba many man ci Judia, kiper na tïm jø Juuthi ni ge manynya man 'näkge eni.

Jøøn 7:1 Iomraidhean Croise

Mathiew 10:23

'Ba kany wäro caange uuni yi paac aciel, wär reŋŋu yi paac mør. Kiper adïëri møn, a cäänna uuni ni mïëc Icriel bëët ba dou thöörö ki caath, ni Wär Dhaanhø poot kär öö.

Mathiew 21:38

'Ba kanya ö jø puurri na jootge wääde, gena cäänö yïthakicge keerge ni köge, ni ‹Man beeye lwiidhø. Beerra man nääø gø, nee jape ci jïïø.›

Maak 11:18

'Ba gïnögø awïny kwääc laammi ki dïpööye mo ciik Jwøk ni määnyge ki jöö man 'näkge eni ki gø, kiper na lwäärge ki eni, kiper mana tïm lwaaki bäre ni yïthge orëëm ki pwöc moe.

Jøøn 1:19

'Ba man en beeye luumma køp Jøønni na ö jø Juuthi na jääŋge kwääc laam ki tuuŋ jø Libay møøk ki yi Jerucalem kuna pëënyge eni, ni «?Ïïna ŋa?»

Jøøn 4:3

'Ba na ö Jecu na ŋäc gïnögø, eni Judia awiie, ni cäŋ aa yi Galili.

Jøøn 4:54

Manøgø beeye riet ŋïïce mana tïïc Jecu kanya ööe ki yi Judia ni ööa yi Galili.

Jøøn 6:1

'Ba køør manøgøøni, Jecu aci løø Puul Galili, ni beeye Puul Taybiria.

Jøøn 7:11

'Ba jø Juuth ge neeta gø kar ajwöma, ni köge, na «?Age eni?»

Jøøn 7:13

'Ba kiper mana lwäärge ki jø Juuth, bäŋ ŋat mo ocwøl nyeŋŋe ni wïnyö.

Jøøn 7:19

?Aŋø, ciik Jwøk kär cïp Modhe jïïu? 'Ba bäŋ dhaanhø aciel dïïu mo ciik Jwøk ee gwøø. ?Aŋø ni cayu man 'nägu aani en?»

Jøøn 7:25

'Ba kanyøgøøni jø møøk dï jø Jerucalem aköö, na «?Aŋø, paa ŋata manyge en, nee 'näkge?

Jøøn 7:35

'Ba jø Juuth acäänö yïthakicge keerge, ni köge, ni «?Ŋati, a kanya ŋø cøøn noo ci yie, ni eni ba joodø en? ?Aŋø, eni manynya man ci baŋ jø Juuth moa näk okeethø dï jø Gïrïïk, nee jø Gïrïïk pwönynye?

Jøøn 8:37

Ŋääa ni uuna nyïïkwaac Eeberam, 'ba u poot caya man 'nägu aani, kiper luumma käru maa ki cwïnynyu.

Jøøn 8:40

'Ba kawaane u caya man 'nägu aani, ni aana ŋat maa caana adïëri jïïu mana wïnynya baŋ Jwøk. Manøgøøni patha mana tïïc Eeberammi.

Moa Tïïc Nyïïatwieli 10:38

ki mana ö Jwøki na jør Jecu nyï Nadhareth ki Jwïëc Jwøk na en kur keere, ni mooc gø ki teek, ki kanya cäädhe ni tïïya gïï mo beyø, ni køny jøøa näk oraany anägö bëët. Kiper Jwøk ena buute.