Jøøn 6:63 - Wëël Jwøk

⁶³ Beeye Jwïëc Jwøk ni wø cïpi ki kwøw; 'ba teek mar dhaanhø bäŋ gïn tïïe. 'Ba luupa caana jïïu kännö ki kwøw ki ri Jwïëc Jwøk.

Jøøn 6:63 Iomraidhean Croise

Wïlöölö 2:7

Ni ö Wuuö Jwøki ni cwääc dhaanhø ri ŋøøp piny, ni kooth jam kwøw um dhaanhø, ni tïm dhaanhe ni ree da jwïëy mo kwøw.

Pwöc Leec Wïc 4:13

Mak pwöc, ni ba lwäänhnhï gø; gwøk eni, kiper ena tier kwøw marï.

Jøøn 5:21

Kiper kaawat man wø ö Wuue wø tïŋ jøøa no othøw maal ni mooc ge ki kwøw, këël Wäädö thuwø cïpö ki kwøw jï jø wø manynye.

Jøøn 6:68

Ni løgi ya Cayman Piterri jïre, «?Wui Kwäärö, waano ciwa baŋ ŋa? Luum kwøw mana näk adïëri na näk bäŋ cuŋŋe ena baŋï.

Moa Tïïc Nyïïatwieli 5:20

ni «Cou ni cuŋŋu yi kal mar Øt Jwøk Mana Dwøŋ ni caannu luum kwøwøgø bäre jï jiy.»

Wëëlö Mana Göör Pøølli Baŋ Jø Röm 10:17

Kiper manøgø nø, ŋäädhe wø ööi ka køør gïn mo owïnynyö. Ni gïn wø wïnynyi wø ööi ka køør man wø køp luum Krictø.

Wëëlö Mana Göör Pøølli Baŋ Jø Röm 2:25

'Ba daŋ beeye gïn mo beer møn ni näk mo ciik Jwøk iï gwøø. 'Ba ni näk ciik Jwøk dhalï dhalø, daŋ marï tïmö ni rööma ŋat mo kär daŋø.

Wëëlö Mana Göör Pøølli Baŋ Jø Röm 8:2

Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

1 Körin 15:45

Beeye na gööri na en nø, ni «Dhaanhø mana dïkwøŋ na näk Adam atïmö ni ree da jwïëy mo kwøw,» 'ba Adam mana en cään atïmö na jwïëy man wø cïp kwøw.

Galeecia 5:25

'Ba ni näk mo ø bëënna Jwïëc Jwøk, wär cäädhø køør mo Jwïëc Jwøk thuwø.

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

Galeecia 6:15

'Ba daŋ wala bäŋ daŋ, bäŋ gïn mo dege tïïö, 'ba beeye cwääc mana nyään keere.

Tiet Ciik 32:47

Kiper luup moøgø patha luup mo oballe jaak kiperu; 'ba beege luup mo duunnö ki kwøw jïïu. Ni luupögø nïr kwøw mou moo beetu meetge meedø yi ŋöömmo ŋutu yie løø Naam Jördan løøga noo lwørru na maru.»

1 Thecalönika 2:13

Ni beeye wø pwøcwa Jwøk cooth thuwø, kiper kanya wïnynyu luum Jwøk baŋwa, aputu jïëc ni beeye luum Jwøk, ni näk adïëri møn, ni patha luum jiy jaak, ni beeye ni tïïö cwïnynyu, u na jïëy.

1 Timöthi 4:8

Ŋääø ni pwöny røk beeye gïn mo beer, 'ba bëët jöör Jwøk beeye gïna beerra eni døc ki kare bäre, kiper beeye eni ni cïp kwøw ennø, ki kwøw mano en yi nyïm thuwø.

Ibaru 13:9

Kär nou wëëga wïthu maaŋŋø ki pwöc ma teeŋi mo path. 'Ba gïna beerra eni beeye ki man wëëgø cwïnynyø tëënnö ki ri met yi Jwøk, ni patha kiper gwøk ciik mo caammi ni wø bäŋ gïn duuge jï jø wø caath køørge.

Ibaru 4:12

Kiper luum Jwøk beeye gïn mo kwøw ni tïïö, ni betha eni ko opëëllö mo lage ariiø, ni cööbö këël man wø pääŋ kwøw ki jwïëy, ki mut ki maar cuu, ni ŋäya acaany cwïny ki mo wø many cwïnynyi.

Jeemeth 1:18

Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

1 Piter 1:23

Kiper uuna cäŋ nywøllø nou nyärö, nou ba nywöli ka ri kunh wø ränynyi, 'ba u nywöli ka ri kunh wø ba maar ränynyö, ki køør luum Jwøk na kwøw ni wø bëëdö na bäre bäre.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

1 Piter 3:21

'Ba lwøk na nyuudhi ni caal gïnögø, piema uuni kawaane, ni paa kiper man wø käl cïlö wøk dëël, 'ba beeye kwac nyïm Jwøk ki cwïny mo leer, ki køør duun Jecu Krictø wøk ki yi thøø,