Jøøn 6:57 - Wëël Jwøk

⁵⁷ Wuuö ni wø bëëdö ni kwøw beeye na jääŋ aani, ni kwøa en kiper Wuuö. Kaawat manøgø, ŋat wø cam aani, okwøw ki køøra.

Jøøn 6:57 Iomraidhean Croise

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Mathiew 16:16

Ni dwøgi ya Cayman Piter, ni «Ïïna Krictø, O Jwøa kwøw.»

Jøøn 14:19

Ki kany mo thiinh a ba neen jø pinynyi këët, 'ba aano neennu. 'Ba kiper na kwøa, uuno kwøw thuwø.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 17:21

kiper nee tïmge na aciel bëët, kaawat ïïni na Wuuö ni en raa en, ni ena riï, nee tïmge thuwø ni ge ena røgø, kiper nee jø piny jïëcge naa jääŋŋa ïïni.

Jøøn 3:17

Kiper Jwøk Wääde käre jääŋŋö piny nee piny jääle, 'ba beeye kiper nee piny piem ki køøre.

Jøøn 5:26

Kiper kaawat man bëët Wuue ni kwøw ena cere, Wäädö thuwø teek kwøw awii cere.

Jøøn 6:29

Ni løgi ya Jecu jïge, «Ki man jïëyu ki eni na jääŋ Jwøki ni ŋääthu gøøni beeye eni na tïï Jwøk.»

Jøøn 6:38

A kär öö ki maal ni ööa piny naa tïïa mana manynya ki wïïa keera, 'ba beeye mana many Ŋata jääŋ aani ni wø tïïa.

1 Körin 15:22

'Ba keda man wø thøw jiyi bëët ki kur Adam, kaawat manøgø thuwø, jiy bëët owëëk kwøw ki kur Krictø.

1 Körin 15:45

Beeye na gööri na en nø, ni «Dhaanhø mana dïkwøŋ na näk Adam atïmö ni ree da jwïëy mo kwøw,» 'ba Adam mana en cään atïmö na jwïëy man wø cïp kwøw.

2 Körin 13:4

Kiper ena 'näk bäät jaadha no odëëdö ni jääk, ni cäŋ kwøwø ki køør teek Jwøk. Kaawat manøgø thuwø, waani, wa jägö ki ree, 'ba waano kwøw ki eni ki køør teek Jwøk, nou tïnywa.

Galeecia 2:20

'Ba aana gur bäät jaadha no odëëdö ki Krictø na aciel. Ni patha aani ni kwøw en, 'ba beeye Krictø ni bëëdö ni kwøw dëëra en. Ni bëëtö man bëëda ki gø kawaane ki dëël man en, a bëëdö ka ri ŋäädhe na en ri O Jwøk, ŋata mëër ki aani, ni cïp ree kipera.

1 Thecalönika 1:9

Kiper geni ki dëëtge ge wø cäänö kiperwa, ni waana pänhnhu døc kanya bëëtwa dïïu, na ö uuni na løøu rou baŋ Jwøk, ni weyu juu, ni tïmu nou tïnynya Jwøk mana kwøw, na näk adïëri,

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

1 Jøøn 4:9

Ni beeye gïn en na nyooth mëëc Jwøk dïïø, kiper mana ö Jwøki na jääŋ Wääde na näk aciel piny kiper nøø kwøø ki køøre.