Jøøn 6:53 - Wëël Jwøk

⁵³ Kiper manøgønø, Jecu aköö jïge, na «Adïëri møn a caana gø jïïu, ni näk dëër Wär Dhaanhø ba cammu, ni maathu remme, bäŋ kwøw dëëtu.

Jøøn 6:53 Iomraidhean Croise

Mathiew 18:3

Ni kööe, na «Adïëri møn, a caana gø jïïu, ni näk cwïnynyu ba løgu ni tïmu kaamar obwöre, u ba døny yi buya käl maal na bäre bäre.

Mathiew 5:18

Kiper adïëri møn, a cäänna uuni, ni këël kanyo räny maalli ki piny, thääŋ piil ciik Jwøk mo thiinh ba doo rwäänyö, këël mano thur jammi moa wäŋŋi bëët karge.

Mathiew 8:20

'Ba Jecu aköö jïgø, no «Othööe jïge da buri, ni weny jïge da uudi, 'ba Wär Dhaanhø, bäŋ kany mo nyaaŋ thääŋŋe yi gø.»

Luk 13:3

Jïre bäär. 'Ba a cäänna uuni, ni näk mo cwïnynyu ba løgu, u ränynyö bëët na enøgønø.

Luk 13:5

Jïre bäär. 'Ba a cäänna uuni, ni näk mo cwïnynyu ba løgu, u ränynyö bëët na enøgønø.»

Jøøn 13:8

Ni kö Piterri jïre, «Ïïni tieta ba diï lwøø na bäre.» Ni løgi ya Jecu jïre, «Ni näk ï ba lwøa, jïrï bäŋ karï buuta.»

Jøøn 15:4

Bëëdu dëëra, 'ba aano bëëdö dëëtu. Kiper ba løny jïïu keeru ki man kännu ki nyïëdi ni näk mou ba bëëdö dëëra, kaa mana ba lønye jï bat jaath ki man ŋweele ki nyïëdi keere, ni näk mo ba bëëdö ri jaath.

Jøøn 3:3

'Ba aløk Jecu jïgø, ni kööe, na «Adïëri møn a caana gø jïrï, ni näk mo dhaanhø kär cäŋ nywøllø ni nyään, eni buc Jwøk ba dee maara joot.»

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 3:5

'Ba aløk Jecu jïre, na «Adïëri møn, a caana gø jïrï, ni näk mo dhaanhø kär nywølø ki pïï ki Jwïëc Jwøk, eni ba doo maara døny yi buc Jwøk.

Jøøn 6:47

Adïëri møn a caana gø jïïu, ni ŋat wø jïëy ni ŋäädhe, ree da kwøw mana näk adïëri mo bäŋ cuŋŋe.

Jøøn 6:51

'Ba beeye aani na møk kwøw mana öö ki maal na ö piny. Noo dee ŋat mo cam møgøgøøni, eni okwøw na bäre bäre. 'Ba møgo cïba kiper nee jø piny kwøwge, beeye dëëra.»

Jøøn 6:55

Kiper dëëra beeye cam møn, ni remma beeye maath møn.

Jøøn 6:62

?A dee tïmö nidïï nø ni näk mo Wär Dhaanhø neennu neenø ni cøøa maal kuna kwøŋ öö ki yie dïkwøŋ?

1 Jøøn 5:12

Ŋat wø en ri Wäädö, kwøw ena jïre. 'Ba ŋat wø tøør ri Wäädö, kwøw bäŋgø jïre.

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»