Jøøn 6:47 - Wëël Jwøk

⁴⁷ Adïëri møn a caana gø jïïu, ni ŋat wø jïëy ni ŋäädhe, ree da kwøw mana näk adïëri mo bäŋ cuŋŋe.

Jøøn 6:47 Iomraidhean Croise

Jøøn 11:26

'Ba ŋat mo kwøw, mo ojïëy ni ŋääth aani, ba thøw bäre bäre. ?Manøgø kärï jïëö?»

Jøøn 14:19

Ki kany mo thiinh a ba neen jø pinynyi këët, 'ba aano neennu. 'Ba kiper na kwøa, uuno kwøw thuwø.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Jøøn 3:18

'Ba ŋat wø jïëy ki eni ni ŋääth gø, bäŋ ajäla bääte këët. 'Ba ŋat wø ba jïëy ki eni ni ŋääth gø, eno nø jääl kawaane ennø, kiper na käre jïëy ni ŋääth nyeŋ O Jwøk na näk aciel.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 6:27

Kär røgu ööllu kiper cam man wø ränynyi, 'ba tïïu kiper cam mano bëëdö, ni beeye mano këët ri kwøw mana näk adïëri mo bäŋ cuŋŋe, mano cïp Wär Dhaanhe jïïu. Kiper beeye eni na ö Jwøki na näk Wuuö na jïëe ki eni ni kïth ŋïï mare dëër gø.»

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 6:50

'Ba man en beeye møga öö ki maal ni ö piny, nee dhaanhø cäme ree, nee ba thøøe.

Jøøn 6:51

'Ba beeye aani na møk kwøw mana öö ki maal na ö piny. Noo dee ŋat mo cam møgøgøøni, eni okwøw na bäre bäre. 'Ba møgo cïba kiper nee jø piny kwøwge, beeye dëëra.»

Jøøn 6:54

Ŋat wø cam dëëra ni maath remma, ree da kwøw mana näk adïëri mo bäŋ cuŋŋe, ni eno tïŋa maal yi cäŋo cuŋ pinynyi yie.

Jøøn 6:58

'Ba møø manøgø beeye møga öö ki maal na ö piny, ni paa møga cam kwäyu ni thøwge. 'Ba ŋat wø cam møgøgøøni, okwøw na bäre bäre.»