Jøøn 6:45 - Wëël Jwøk

⁴⁵ 'Ba ogöörö yïth luup nyïïkuk Jwøk, ni ‹Geno pwöny Jwøki bëët.› 'Ba jiy bëët mo wø wïny dwør Wuuö ni kwanyge tier gø, ge ööa baŋa.

Jøøn 6:45 Iomraidhean Croise

Aydheea 2:3

Wïth juurre mo thööth öö ni köge, ni «Ööu, owaa cøø bäät Kïn Wuuö Jwøk yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Mikiya 4:2

'Ba wïth juurre mo thööth öö ni köge, ni «Ööu, owaa cøø bäät Kïn Wuuö Jwøk, yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Maak 1:2

keda mana gööri ya nyikuŋ Jwøki ma Aydheea, na kööe, ni «Neenï, a jääŋŋa nyïïatwiel mara nyïmï, ŋato jiiŋ jöörï nyïmï.

Luk 1:70

keda mana caan gø dhøk nyïïkuk moe na en kur keerge ya acääŋŋe cøøn,

Luk 18:31

Ni ö Jecu ni käl bääge na näk apaar kurriiø, ni kööe jïge, ni «Neennu, kawaane ø cøøa yi Jerucalem, 'ba jammi bëët moa göör nyïïkuk Jwøki kiper Wär Dhaanhø othur karge.

Jøøn 10:27

'Ba dïëga dwøra wø wïnyge wïnynyö, ni ŋääa geni, ni ö geni ni cääthge køøra.

Jøøn 6:37

'Ba jiy mo wø cïp Wära jïra bëët ööa baŋa. 'Ba ŋat wø ö baŋa, ba riemma.

Jøøn 6:65

Ni ö eni ni kööe, ni «Beeye tiere na caana gø jïïu, ni doo bäŋ ŋat mo doo maara ö baŋa, ni näk ba wëëga Wuue öö.»

Moa Tïïc Nyïïatwieli 13:40

Kiper manøgønø, gwøgu rou, kiper nee bäŋe ya gïn mo ö bäätu dëët moa caan nyïïkuk Jwøki, na køp,

Moa Tïïc Nyïïatwieli 7:42

'Ba Jwøk ree aløøe ni wëëk geni lam gïïa thööth na en maal, kaawat mana gööri yi wëël nyïïkuk Jwøk, «na ‹?Aŋø, u na jø Icriel, olämme ki muuce moa cïïmmu ki yïth cwiiri moa näk pïëraŋween dï paap, cïpu jïra na bëëde?

Epeca 1:17

nee Jwøk na näk Jwø Kwääyø ma Jecu Krictø, ni näk Uun ajiem, nee u mooe ki wïdhi mo leer, ki cwïny mou wëëge ka ŋäc eni,

Pilipay 3:15

'Ba ø ni døøŋŋø ii, beege gïïögø na døø lääŋŋö ki cwïnynyø. 'Ba ni näk gïïögø poot ba røm cwïnynyu, onyooth Jwøki jïïu thuwø.

1 Thecalönika 4:9

'Ba kiper mëër man mëërru ki nyïïmëëe, u ba many ŋat göön baŋu kipere, kiper u ki dëëtu, uuna pwöny Jwøki ki man mëërru ki røgu.

Ibaru 10:16

ni «Wuuö Jwøk aköö, ni ‹Man beeye luubö mano tuuda ki geni køør nïrögøøni, Ciik 'moa okïtha cwïnyge, ni gööra ge wïthge.› »

1 Jøøn 2:27

'Ba uuni, jør maaw mana jootu baŋe ena cwïnynyu, ni bäŋe ŋat mo manynyu nou pwönynye, kiper jør maaw mare beeye wø pwöny uuni ki jammi bëët, ni beeye adïëri, ni patha tööt. 'Ba bëëdu ri Krictø, keda mana pwöny uuni.