Jøøn 6:42 - Wëël Jwøk

⁴² 'Ba gena köö, na «?Aŋø, ŋati en paa Jecu o Jocep na wänni ki menni ŋääø? ?Aperŋø ni caan gïnögø kawaane, ni ‹Aana öö ki maal ni ööa piny›?»

Jøøn 6:42 Iomraidhean Croise

Maak 6:3

?Aŋø, paa eni na dïjëëth opämi? ?Eni paa o Meeri, na näk cöök Jeemeth, ki Jöce, ki Juudac, ki Cayman? ?A nyïïmenni moa näk mään bäŋ wø bëëdö kany ki øøni?» Ni taakge gïr gø.

Luk 4:22

Ni ö jiyi bëët ni pwøcge gø, ni yïthge orëëm ki luup moa met na ö wøk ki dhee. 'Ba gena köö, na «?Aŋø, ŋati paa o Jocep?»

Jøøn 1:45

'Ba Pilip Nathaniel ajoode ni kööe jïgø, «Waani, ŋata gööt Modhe kipere yi wëël Ciik Jwøk na näk da luup thuwø mo ogöör nyïïkuk Jwøki kipere, ajootwa, ni beeye Jecu nyï Nadhareth na näk o Jocep.»

Jøøn 3:13

'Ba bäŋ dhaanhø mo oci maal, 'ba beeye eni na öö ki maal, ni beeye Wär Dhaanhø.

Jøøn 6:38

A kär öö ki maal ni ööa piny naa tïïa mana manynya ki wïïa keera, 'ba beeye mana many Ŋata jääŋ aani ni wø tïïa.

Jøøn 6:43

Ni løgi ya Jecu jïge, «Käru muuŋö yïthakiyu keeru.

Jøøn 6:62

?A dee tïmö nidïï nø ni näk mo Wär Dhaanhø neennu neenø ni cøøa maal kuna kwøŋ öö ki yie dïkwøŋ?

Wëëlö Mana Göör Pøølli Baŋ Jø Röm 9:5

ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.

1 Körin 15:47

Kiper dhaanhø mana dïkwøŋ käla piny, ni beeye dhaanhø mo käla ri ŋøøm. 'Ba ŋata en cään, käla maal.

Galeecia 4:4

'Ba na ö kanya wäŋŋi na thur kare, Jwøk Wääde ajääŋŋe, ni nywøli ya dhaage ni ciik Jwøk ena bääte,