Jøøn 6:2 - Wëël Jwøk

² Ni ö lwaaki mo päl ni läp køøre, kiper ŋïïce moa neenge na thööth na tïïe røk jøøa tuu.

Jøøn 6:2 Iomraidhean Croise

Mathiew 12:15

'Ba kanya ö Jecu na ŋäc gïnögø, ree adaae kaace. Ni ö jiyi mo thööth ni läpge køøre. Ni køny jiy moa tuu bëët.

Mathiew 13:2

Ni ö lwaaki mo päl ni cooŋge rege buute. Kiper manøgønø, ena eth yi jääy ni pï piny yie. Ni ö lwaaki bäre ni cuŋŋe bäät ageela.

Mathiew 14:14

'Ba kanya ö Jecu na eth wøk, lwaak mo päl ajoode, ni päth cwïnye ki gïrge, ni køny jøøa tuu dïge.

Mathiew 8:1

'Ba kanya ö Jecu na duu piny ki bäät kïdi, lwaak mo dwøŋ aläp køøre.

Maak 1:45

'Ba ena aay ni put tägö ki man car gø jaak, ni køpa gø jï jiy bëët. Kiper manøgø nø, Jecu atïmö ni ba maar ö dï pääny ni ree ee nyoodhø, 'ba bëëdö yïth mïëri moa en wøk. Ni ö jiyi baŋe ki yïth mïëri bëët.

Maak 6:33

'Ba kanyøgøøni gena neen jiyi mo thööth ni ge aay, ni ŋecge ge, ni reŋge ki wøk, ni ge käla yïth mïëri bëët, ni kwøŋge pïï kaace ni Jecu ki bääge poodi.

Jøøn 11:47

Køøre kwääc laam ki jø Paricith, kwääc løøe acooŋge kanya ciel, ni köge, na «?Agïnaŋø noo tïïø? Kiper ŋati atïmö ki ŋïïce mo thööth.

Jøøn 12:18

Ni beeye tiere na ci lwaaki nee røømge ki eni, kiper na wïnyge ŋïï manøgø na tïïe.

Jøøn 12:37

'Ba këël na bëët Jecu ni tïïö ki ŋïïce mo thööth, jø Juuth kär jïëy ki eni ni ŋääthge gø.

Jøøn 2:11

Manøgø beeye ŋïï mana tïïc Jecu dïkwøŋ yi Keena yi Galili, ni nyootha ajieme. Ni ö bääge ni jïëcge ki eni ni ŋääthge gøøni.

Jøøn 2:23

'Ba kanya en Jecu yi Jerucalem ya ajwöm-cam cäŋ Cäŋa Pööth Thøøe Yie, jiy mo thööth ajïëy ki nyeŋŋe ni ŋääthge gøøni, kanya jootge ŋïïce moa tïïe.

Jøøn 20:30

'Ba Jecu atïïö ki ŋïïce møøk mo thööth buut bääge, mo kär göörö yi wëëlö man en.

Jøøn 3:2

Ŋatøgø aö baŋ Jecu ki wäär ni kööe jïre, ni «Dïpööy, ŋäcwa ni ïïna dïpööy mo käla baŋ Jwøk, kiper bäŋ dhaanhø mo doo maara tïïö ki ŋïïce moøgø ni wø tïïyï yøø, ni näk Jwøk tøør buute.»

Jøøn 6:14

'Ba na ö jøøgø na neenge ŋïï mana tïïe, gena köö, ni «Ŋati beeye nyikuŋ Jwøk møn, na wäŋŋi ni doo thïïŋö bäät piny.»

Jøøn 6:22

'Ba na tïme na aruunnø man, jøøa no odööŋ løø Puul Galili, ajootge ni beeye jääy aciel keere na kwøŋge neen kanyøce, ni Jecu kär ci yi jäänögøøni ki bääge, 'ba beege bääge keerge na aay.

Jøøn 6:26

Ni løgi ya Jecu jïge, na «Adïëri møn, a caana gø jïïu, naa ba cayu kaper ŋïïce moa neennu, 'ba a cayu kaper muunni moa cammu ni jäŋŋu.

Jøøn 6:30

Køøre gena köö jïre, na «?A ŋïï mana ŋø nø noo tïïyï kiper nee neenwa nee wa jïëcwa ki ïïni ni ŋääthwa? ?Ïïni, agïnaŋø noo tïïyï?