Jøøn 5:42 - Wëël Jwøk

⁴² 'Ba aani, u ŋääa, ni ŋääa ni mëëc Jwøk tøørø cwïnynyu.

Jøøn 5:42 Iomraidhean Croise

Luk 16:15

'Ba Jecu aköö jïge, ni «Beeye uuni ni wø pwøc dëëtu keeru nyïm jiy nou beyø, 'ba cwïnynyu ŋäc Jwøki. Kiper gïn wø näk wøp døc ki jï jiy, beeye gïna raaca eni ki jï Jwøk.

Jøøn 2:25

ni eni ba cac dhaanhø mør mo køp gïr ŋat mør jïre. Kiper eni ki dëëre gïn wø en cwïny dhaanhø ŋääe.

Jøøn 21:17

Ni cäŋ köö ri dääge, «?Cayman o Jøøn, ï mëër ki aani?» Kanyøgø Piter cwïnye apädhö kiper na pëënynyi ya Jecu kwöre adäk, ni «?Ï mëër ki aani?» ni kööe jïgø, ni «Kwäärö, kawaane jammi bëët ŋäyï. Ni ŋäyï ki man näk maa mëër ki ïïni.» Ni kö Jecu jïre, «Piith dïëga.

Jøøn 5:41

'Ba ajiem mara ba jooda baŋ jiy.

Jøøn 5:43

Aani, aana öö ki nyeŋ Wära, 'ba a käru jïëö. 'Ba ni näk da ŋat mør mo öö ki nyeŋŋe keere, beeye ŋato jïëyu.

Jøøn 5:44

?Uuno jïëyu nidïï ni näk mou poot caya pwøc dhaanhø mør, nou ba cac pwøc man wø ööi ki baŋ Jwøk na näk aciel keere?

Jøøn 8:42

Ni kö Jecu jïge, «Onää Jwøk beeye Wääu, u doo mëër ki aani, kiper Jwøk beeye na käla baŋe. A kär öö ki wïïa a keera, 'ba beeye eni na jääŋ aani.

Jøøn 8:47

'Ba ŋat wø näk dhaanh Jwøk, wø wïnynya luup Jwøk. 'Ba kiper na ba nägu mo Jwøk, beeye ni ba wïnynyu luupe.»

Jøøn 8:55

'Ba eni kuyu. 'Ba aani, eni ŋääa. Onää yaa caanø, ni eni kuua, a doo tïmö ni aana twöt kaawat maru. 'Ba aani eni ŋääa, ni luumme yaa gwøø.

Wëëlö Mana Göör Pøølli Baŋ Jø Röm 8:7

Kiper cwïny man wø näk ocïp køør dëël, män ki Jwøk, ni dwør ciik Jwøk ba leŋe, ni ba maar lønyø jïre ki man leŋ gø.

1 Jøøn 2:15

Käru mëër ki piny wala japi ni en yi pinyi en. Ni näk da ŋat mo mëër ki piny, mëër man wø mëërö ki Wuuö ba en cwïnye.

1 Jøøn 3:17

?'Ba ni näk da ŋat mo jïre da jap piny ni neen coki ni can, ni mec waŋe ki gø, mëëc Jwøk bëëde cwïnye nidïï?

1 Jøøn 4:20

Ni näk da ŋat mo köö, na «A mëër ki Jwøk,» ni mäne ki coki, ena dïtwöt. Kiper ŋat wø ba mëër ki coki na näk ee neenø, ba løny ki man mëëre ki Jwøk na näk käre neenø.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.