Jøøn 5:39 - Wëël Jwøk

³⁹ U wø määnyö yïth weet Jwøk, kiper you caarø ni yïth luupögø beeye noo jootu kwøw mana näk adïëri mo bäŋ cuŋŋe. Ni beege geni ni wø køp gïra.

Jøøn 5:39 Iomraidhean Croise

Dut Pwøc 1:2

'Ba met ec mare wø joode ka ri luup moa no ogöörö yi wëël Jwøk, ni eni cädö ki waŋcäŋ ki wäär cooth kiper luup moøgø.

Pwöc Leec Wïc 6:23

Kiper ciik caala lamba, ni ö pwöci ni caal tar, ni ö juuki mo ree da pwöc ni caal jöör kwøw;

Aydheea 34:16

Wëël Wuuö Jwøk japï ni kwaanï luup moa no ogöörö yie. Bäŋ gïrpiny aciel dëët gïïögø mo rwäänyi, ni bäŋ aciel mo bëëdö keere ni bäŋ watge. Kiper beeye Wuuö Jwøk na kööm ge, ni beeye Jwïëye na cooŋ ge.

Aydheea 8:20

Beerra man cïpge ŋäädhe marge ri pwöc Wuuö Jwøk ki ciik moe. 'Ba ni näk luummögø ba tïïcge, nyootha gø ni bäŋ tar bäätge.

Jeremaya 8:9

Jøøa köö ni wïthge leer, wïthge olääy; cwïnyge obwøk ni mak geni. Neenï, gena kweer ki luum Wuuö Jwøk. ?'Ba a teeŋ leec wïc mo nyïëdi nø ni en jïge?

Daniel 12:2

'Ba jiy mo thööth moa no othøw no okoony piny yi ŋöömö, ge päy, ni møøk cøøa yi kwøw mana näk bëëdö na bäre bäre, ni møøk cøøa kar lään wïc ki kar ataa mo bëëdö na bäre bäre.

Mathiew 22:29

'Ba adwøk Jecu jïge, ni «Uuna bääyö, kiper weet Jwøk kuyu, këël teek Jwøk.

Maak 10:3

Ni løk gø jïge, na «?Agïnaŋø na køp Modhe jïïu?»

Maak 12:10

?Aŋø, gïn käru kwaanø yi wëël Jwøk? na köö, «ni ‹Kïdi mana kwier dïgëëte, atïmö na kïn gøøt mana pere letha eni na mak øtø.

Luk 16:29

'Ba Eeberam aköö, ‹Luup Modhe ki mo nyïïkuk Jwøk ena baŋge. Beerra man wïnyge geni.›

Luk 16:31

'Ba Eeberam aköö jïgø, ‹Ni näk luup mo Modhe ki mo nyïïkuk Jwøk ba wïnyge, këël doo da dhaanhø mo duua wøk ki yi thøø, yïthge ba dege ciiø thuwø.› »

Luk 24:25

Kanyøgø Jecu aköö jïge, «U ni bäŋ wïdhi en, ni cwïnynyu teek ki man jïëyu moa car nyïïkuk Jwøki bëët!

Luk 24:27

Ni par luup bëët jïge moa en yïth weet Jwøk na näk ocaanø kipere, ni tääe ka luup Modhe këël mo nyïïkuk Jwøk bëët.

Luk 24:44

Kanyøgø ena köö jïge, ni «Moi beege luupa na caana jïïu kanya pooda naa bëëdö ka uuni, ni luup bëët moa näk ogöörö kipera ri ciik Modhe, ki mo nyïïkuk Jwøk, ki moa en yi Dut Pwøc thura karge.»

Jøøn 1:45

'Ba Pilip Nathaniel ajoode ni kööe jïgø, «Waani, ŋata gööt Modhe kipere yi wëël Ciik Jwøk na näk da luup thuwø mo ogöör nyïïkuk Jwøki kipere, ajootwa, ni beeye Jecu nyï Nadhareth na näk o Jocep.»

Jøøn 5:32

'Ba da ŋat mør mo wø køpa gïra, ni ŋääa gø ni mare ni wø care kipera beeye adïëri.

Jøøn 5:36

'Ba gïn wø køp gïra, dwøŋŋa eni ki mar Jøøn, kiper gïïa tïïa ki dëëtge na näk owëëk Wuue aani nee thööra, beege wø køp gïra, naa jääŋŋa Wuue.

Jøøn 5:40

'Ba u kweeyø ki man ööu baŋa nou jïtu ki kwøw.

Jøøn 5:46

Onää Modhe you jïëö møn, a dou jïëö, kiper ena göödö kipera.

Jøøn 7:52

Ni løkge gø, «?A ïïni, ïïna nyï Galili thuwø? Noo manynyï yïth weet Jwøk døøc, diï joodø ni doo bäŋ nyikuŋ Jwøk mo doo öö ki yi Galili.» [

Moa Tïïc Nyïïatwieli 13:27

'Ba jø Jerucalem ki kwääri moge, kiper mana kärge Jecu ŋiiø ni kärge tiet luup moa car nyïïkuk Jwøki kwanyø, ni wø kwari ki yïth nïr jwömö bëët, luupögø awëëkge thur karge ki køør mana ŋølge gø yi thøø.

Moa Tïïc Nyïïatwieli 17:11

'Ba jø Juuth moøgø theemma geni ki moa en Thecalönika, kiper gena laar jïëy ki luum Jwøk, ni bëëtge ni ge raŋŋa luup moa en yïth weet Jwøk cooth ki man näk mo luupögø adïëri.

Moa Tïïc Nyïïatwieli 26:27

?Ï na nyeya ma Agaripa, aŋø, ï patha ojïëy ki luup nyïïkuk Jwøk? Ŋääa ni ïïno jïëy.»

Wëëlö Mana Göör Pøølli Baŋ Jø Röm 1:2

luumma kwøŋ buuk ki dhøk nyïïkuk moe yïth weet Jwøk na en kur keerge.

Wëëlö Mana Göör Pøølli Baŋ Jø Röm 3:2

Oduunnö møn ki yïth luup bëët. Mana dïkwøŋ beeye ni jø Juuth luup moa caan Jwøki awëëk geni.

Tiet Ciik 18:15

Wuuö Jwøk na näk Jwøu otïŋ maal jïïu ki nyikuŋ Jwøk mo caala aani røk jø pou. 'Ba nyikuŋ Jwøk manece mare dou leŋø.

Tiet Ciik 18:18

Aano tïŋ maal ki nyikuŋ Jwøk dï jø poge mo caala ïïni, ni cïba luup 'moa dhee, ni ö eni ni caan luupo köömma eni ki ge bëët jïge.

Tiet Ciik 29:29

«Da luup mo tietge okanø mo ŋäya Wuuö Jwøki keere, 'ba luup bëët mo ciik moi na näk tietge ee nyuth øøni ko obwöre 'moø beege 'moø na bäre bäre, kiper nøø bëëdö ni ø gwøga ge.

Tiet Ciik 32:47

Kiper luup moøgø patha luup mo oballe jaak kiperu; 'ba beege luup mo duunnö ki kwøw jïïu. Ni luupögø nïr kwøw mou moo beetu meetge meedø yi ŋöömmo ŋutu yie løø Naam Jördan løøga noo lwørru na maru.»

Köløcia 3:16

Wëëgu luum Krictø bëëtö cwïnynyu na adïëri, kaawat man wø pwönynyu røgu, nou jøga røgu ki køør acaare bëët mo leec wïc, kaawat man wø wärru Dut Pwøc ki dut Jwøk, nou dwøga met ec jï Jwøk.

Ibaru 11:16

'Ba atïmö ni cwïnyge lääŋŋa paac mana beerra eni, ni beeye paana en maalø. Kiper manøgø, Jwøk wïïe ba laay ki man cwøli na Jwøk marge, kiper da pääny mo ee jiiŋŋø kiperge.

Ibaru 11:35

Ni ö määnni ni jootge jicge moa thøw ki køør mana duuge wøk ki yi thøø. Ni ö møøki ni caari, ni kweerge ki man pät geni, kiper nee ge cäŋge duu wøk ki yi thøø, ki kwøw mana beerra eni.

Jøcua 1:8

Luup moa en yi wëëlö man na mar ciik en kär nee tïmö ni tøør dhiï, 'ba bëëdï niï lääŋŋa gø ki dïcäŋ ki wäär, nee riï gwøgï ki man tïïyï jammi bëët na karge kaawat mana näk ogöörö yie; køøre nø, jöö marï obëëdö ni tiir, ni thur jammi mo wø tïïyï bëët karge.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.