Jøøn 5:35 - Wëël Jwøk

³⁵ Jøøn na bëëde caala lamba mo onyebø ni liel, ni yïthu met ki man bëëdu yi taye dïciel.

Jøøn 5:35 Iomraidhean Croise

2 Camiel 21:17

'Ba Abicay o Dheruya, Deebit aput piem cer nyï Pilitin manøgø, ni gøøc gø ni put gø 'näk. Køøre jø leny mo Deebit aput kööŋ jï Deebit, ni köge, ni «Ïïni, ï na nyeya en, ï ba cäädhi baŋ leny këët ki waani, kiper niï ba thøwï, kiper ïïna tar jï jø Icriel.»

Bwøth Wøk 34:35

jø Icriel täärnyïm Modhe wø jootge joodø no orieny. Ni ö Modhe ni dwøk abïï täärnyïme këël mano cäŋ ci nyïm Wuuö Jwøk nee cääne ki gø.

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Daniel 12:3

'Ba jiy moa wïthge leer ge rieny ni caala tar mar maal. Ni ö jø wø bwøth jiy mo thööth jöör bëënynyö ni rienyge kaamar ceer na bäre bäre.

Mathiew 11:11

Adïëri møn, a cäänna uuni, ni bäŋ dhaanhø mo othïïŋö mo dwøŋŋa kare ki kar Jøøn na näk dïlööy na nyuudhi dï jøøa nywøl määnni. 'Ba eni na kare thiinhnha eni yi buya käl maal, tïmö ni dwøŋŋa eni ki Jøøn.

Mathiew 21:26

'Ba noo caanø gø, ni ‹Käla baŋ jiy›, ø lwäär ki lwaak, kiper jiy bëët ojïëy ni Jøøn beeye nyikuŋ Jwøk.»

Maak 1:5

Ni ö jø mïëc Judia bëët ni öge wøk baŋe, ki jø Jerucalem bëët. Ni ö geni ni lwøgi ya eni na nyuudhi yi Naam Jördan, ni køpge raacge.

Maak 6:20

Kiper Eerat lwäär ki Jøøn, ni ŋääe ni Jøøn a dhaanhø mo beer, ni ena dhaanh Jwøk mo ena kur keere, ni bëët Eerati ni gwøga gø. 'Ba kanya wara wïny luum Jøøn, wïïe wø wïïrö, 'ba yie wø poot met thuwø ki man wïny gø.

Luk 7:28

A caana gø jïïu, ni bäŋ dhaanhø mo dwøŋŋa kare ki kar Jøøn dï jøøa nywøl määnni. 'Ba eni na kare thiinhnha eni yi buc Jwøk, tïmö ni dwøŋŋa eni ki Jøøn.»

Jøøn 6:66

Køør manøgøøni bääge mo thööth adøø cään ni tïmge ni ge ba cäädhi ki eni këët.

2 Piter 1:19

'Ba luumma kwøŋ nyïïkuk Jwøki køp, ajootwa na adïëri møn. Doo beerra eni jïïu ki man cegu ïthu døøc ki gøøni keda lamba mo liella yi muudhö, gøøc mano ö tiet øwi noo kwääre ni päny cëëy amöölla yïth cwïnynyu.