Jøøn 5:30 - Wëël Jwøk

³⁰ «Aani bäŋ gïn mo daa maara tïïc ki wïïa keera. 'Ba luup wø ŋøla ki køør mo wø wïnynya baŋ Jwøk, ni ŋøl mara thïïŋ, kiper a ba cac man wø manynya keera, 'ba a wø caya man wø many Ŋata jääŋ aani.

Jøøn 5:30 Iomraidhean Croise

Wïlöölö 18:25

Ba doo løny ki man tïïyï teeŋ gïnögø na bäre bäre, ki man 'nägï jøøa näk bëëtge beyø nyïmï ki jøøa näk tïïya raay na aciel bëët; caana gø ni jiy moa näk bëëtge beyø nyïmï ki jiy moa näk temma raay iï päärö na aciel bëët. Teeŋ gïnögø ba diï tïïö na bäre bäre. ?Aŋø, ŋat wø ŋøl luup mo bäät piny bëët, bäŋ wø ŋøl luup ma karge cooth?»

Aydheea 28:6

Eno tïmö ni ena jwïëy man wø cïp ŋøl luup ma adïëri jï jø wø en ŋøl luupi ceŋge, ni tïme ni ena teek jï jø wø dwøk jø leny wøk ki dhi kiir.

Jepaniya 3:15

Wuuö Jwøk ajäla marï mana dee ï jäälö ki gø akäl wøk bäätï, ni dwøk nyïïmän moï ŋäthge. Wuuö Jwøk, ni beeye nyeny Icriel, nut buutï; bäŋ gïn mo leth mo lwäärï këët.

Mathiew 26:39

Køøre ena ci nyïm mëëth ni leeŋ ree piny ni läme ni kööe, na «Awuuö, ni näk mo løny, wëëk maath athöödhi man pöödhö bääta. 'Ba paa ki køør mana manynya, 'ba beeye ki køør mana manynyï.»

Jøøn 14:10

?Ï paa ojïëy naa ena ri Wuuö, ni ö Wuue ni en raa? Ni luup moa cara jïïu, ba caana ka wïïa keera. 'Ba Wuuö ni wø bëëdö raa, beeye wø tïïc tïïe moe.

Jøøn 17:4

Ïïna jiema piny ni thööra tïïc mana cïpï jïra nee tïïa.

Jøøn 18:11

'Ba Jecu aköö ki Piter, ni «Dwøk opëëllö marï yi købe. ?Aŋø, athöönhnha cïp Wära jïra ba daa maadhø?»

Jøøn 4:34

Ni kö Jecu jïge, ni «Cam mara beeye ki man tïïa mana many Ŋata jääŋ aani ni thööra tïïc mare.

Jøøn 5:19

'Ba Jecu aköö jïge, na «Adïëri møn, a caana gø jïïu, ni Wäädö bäŋ gïn mo dee maara tïïc ki wïïe keere, 'ba gïn wø neene ni wø tïïc Wuue beeye wø tïïe thuwø. Kiper gïn wø tïïc Wuue beeye wø tïïc Wäädö thuwø.

Jøøn 6:38

A kär öö ki maal ni ööa piny naa tïïa mana manynya ki wïïa keera, 'ba beeye mana many Ŋata jääŋ aani ni wø tïïa.

Jøøn 8:28

Kanyøgø Jecu aköö, ni «Noo ŋaabu Wär Dhaanhø maal, oŋäyu nø ni beeye aani na eni, ni bäŋ gïn mo tïïa ki wïïa keera, 'ba a wø cäänö keda mana ö Wuue na pwöny aani.

Jøøn 8:42

Ni kö Jecu jïge, «Onää Jwøk beeye Wääu, u doo mëër ki aani, kiper Jwøk beeye na käla baŋe. A kär öö ki wïïa a keera, 'ba beeye eni na jääŋ aani.

Jøøn 8:50

'Ba aani, a ba cac man ö jiyi ni pwøcge aani. 'Ba beeye Jwøk ni wø cac man pwøc aani, eni ni wø ŋøl luup.

Wëëlö Mana Göör Pøølli Baŋ Jø Röm 15:3

Kiper këël Krictø kär cädö kiper dëëre keere. Kaawat mana göörï, na «Ajøøŋ mar jøøa jøøŋ ïïni apänh bääta.»

Wëëlö Mana Göör Pøølli Baŋ Jø Röm 2:2

'Ba ŋääø ni ŋøl mar Jwøk kany wø ŋøl jø wø tïïc teeŋ gïïögø wøk, mare beeye adïëri.

Wëëlö Mana Göör Pøølli Baŋ Jø Röm 2:5

'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi.